呢度係Gimme 5, 我係天頤。
呢句說話講咗接近13年，
今日終於喺節目講埋最後一次。
多謝嘅說話由把口講出嚟
永遠唔夠心入面想表達嘅咁澎湃。
在節目中，
簡單用上一句「感激各位」
嚟表達我對以下單位嘅謝意：
電台嘅上司監制、
上過嚟我地節目嘅嘉賓、歌手、
唱片公司嘅同事、
幫我地聽過電話嘅PA同事、
Eric，的神，波盛，梓豪歷代咁多代嘅主持人⋯⋯
最緊要嘅梗係壓軸出場，
仲要多謝每一位曾經喺收音機陪伴我地嘅聽眾。
曾經聽過一個前輩話「聽眾就係老闆。」
呢句說話未包括哂我對聽眾嘅詮釋，
但無可否認，
任你度到個節目天花龍鳳，
最後除咗自己覺得好玩，
最想都係聽嘅人過癮。
喺我心目中，
娛樂最高境界係雅俗共賞，
然已要做到係需要好多實驗同嘗試。
呢方面，
我會形容Gimme 5嘅聽眾群係好大包容性。
每次節目有新野，
不論係新人定新環節，
呢班老闆都會有好多真誠嘅意見，
有讚亦有彈，
仲會好積極表達佢地鍾意啲咩（例如：鬼估）
唔鍾意啲咩（例如：公開試）。
呢種交流係俾錢都買唔到，
而無俾錢都肯交俾我地，
相信可以算是交情一種。
做電台真係好神奇，
而且呢種神奇嘅感覺係與日俱增。
素未謀面嘅聽眾可以好熟悉我地嘅一切，
可以憑一把聲線，
一個笑聲，
一絲語氣，
就會認得出我地每一個。
每次喺街上有機會同聽眾相認，
都會令我有種親切嘅感覺。
有時我覺得啲聽眾似我朋友多過我自己啲朋友😂
有聽眾話我知佢女友有次經過麻雀館，
同佢講黃天頤爸爸以前係雕麻雀架；
又有一個小學生有日飲茶同媽媽講，
你知唔知黃天頤終於考到車牌喇？
你地真係好可愛，
好似我講每句說話你地都會記得。
近呢兩星期，
唔少人打上嚟都係話聽咗好耐，
但第一次打上電台，
因為知Gimme 5要解散。
呢種臨別相送嘅心意，
我地都隔空收到喇。
桃花潭水深千尺，不及聽眾送我情。
所以，聽眾是老闆，是朋友，
也是我做Gimme 5得到最大嘅禮物。
將來，其實即係下星期，
三五成群（3-5pm)同騷動音樂(5-7pm)或者會係我地另一份友誼嘅延續。
至於Gimme 5今日就正式結業喇，
多謝收聽，再見。
放心，一定會再見。
#沒有待續 #未有合照收到 #下星期新一頁 #Gimme5 #倒數完畢 #loveuall #最後一集無跣親 #因為另外兩個開邊個喊罰一千 #其實一早我已經同自己講喊駛喊 #離別唔一定要傷感 #同埋一喊我做唔到落去架喇 #我唔會白逗show錢架 #三五成群
下星期新一頁 在 不用點下一頁！桌面版Google 搜尋「持續捲動」新功能自動跨 ... 的相關結果
Google 週二（6 日）宣布，這個自動載入頁面的功能，已正式開放至桌面版Google 搜尋，但目前只有美國地區使用者透過桌面版Google 搜尋進行英文查詢時才能 ... ... <看更多>