細佬爬我頭結婚喇！
因為佢未來老婆係日本人，所以我嚟緊會去東京見證佢哋註冊。（我之前都有一個朋友係娶日本女仔）
講開細佬，我哋之間感情好好，間唔中當然會有拗撬啦，但係兄弟姊妹如果客客氣氣，我反而覺得係有種隔膜。聽我阿媽講，細細個如果我出街，細佬係會全日望住個窗等我返屋企，大個咗佢就唔睬我喇，因為有自己嘅朋友吖嘛。
細個嗰陣跣過佢幾鑊，有次我呃佢話足球小將入面，三杉淳有招心臟病射球，射完就會心臟病發死，佢喺學校同同學講，點知畀同學笑，放學返嚟嬲咗我；另一次我就呃佢話巴治奧同甸奴巴治奧係親兄弟（兩個意大利球員，其實唔係親兄弟），佢又返學校講，又畀同學笑，返到屋企一開門已經問我點解要呃佢。
不過最大整蠱都唔係呢啲，而係有次我屙咗屎落佢個身度......🙈🙈🙈
首先我要講清楚兩件事先：
1) 我係冇心既
2) 我當時都好細個（我會不斷重複提醒大家我當時好細個）
話說我當時就好細個啦（1）😂！有一次我肚痛，咁你知小朋友啲底褲一定係全白㗎嘛，你瀨屎的話，老母會打到你仆街，咁我當時就好細個啦（2），真係肚痛咗成日又唔敢肯定有冇瀨屎，細佬坐咗喺梳化，我係企喺度既，咁我就話喇：「細佬，幫我睇下有冇瀨屎吖。」
然後我就行埋去背住佢，揭開條底褲畀佢睇喇。咁我當時就好細個啦（3），細佬就自然更細，佢好乖真係烏前幫我睇，說時遲那時快，本身就冇既，但由於我又突然絞肚，故此就噴射咗去佢件衫度。我當時真係好細個㗎啫（4），我仲記得細佬係著住件白色tee，唔知大家記唔記得有個牌子叫Body Glove，佢出嘅tee係成件衫大大pat不規則圖案，我細佬件衫當時好似變咗Body Glove啲tee咁（你可以睇下幅小圖）。
咁我當時就好細個㗎啫（5），之後發生咩事已經斷晒片唔記得點收科喇，不過大個之後細佬就講返，話當年我竟然提出一個offer，就係借部walkman畀佢聽（嗰個年代興walkman，潮嘢嚟，唔係人人有😎）：「唔好同媽咪講，我借部walkman畀你聽一晚。」
「咁最後你有冇同媽咪講？我唔記得。」
細佬：「大佬呀，屎呀！成件衫都係屎呀！點唔同媽咪講呀？」
當時太細個喇（6），我咩都唔記得lu。
轉眼間，呢個當時比我經常撚化，又屙屎落佢個身嘅細佬，而家已經大個仔娶老婆喇，仲準備去第二個國家展開新生活，希望佢一切順利啦，到時佢註冊再拍片畀大家睇，我會好好珍惜嚟緊唔多嘅相處時間。
三杉淳 在 [討論] 本田圭佑模板是三杉淳嗎- 看板WorldCup - 批踢踢實業坊 的八卦
三杉淳 球場上的貴公子
球技超群 甚至在大空翼之上
但是有心臟病 沒有辦法長時間上場
入選日本隊教練團兼板凳王牌
關鍵時刻上場都能建功
本田圭佑也是 一上場就能建功
強
--
※ 發信站: 批踢踢實業坊(ptt.cc), 來自: 39.8.231.97
※ 文章網址: https://www.ptt.cc/bbs/WorldCup/M.1529858471.A.143.html
... <看更多>