Search
More behind the scenes as promised.
當時查朗還未來到香港
在泰國接受拳擊訓練
為了讓他早點熟習對白
只好把劇本裡每句對白翻譯成英文拼音
先用構想裡Joe 的語氣流利講一次
再慢慢一隻一隻字的讀音讀出來
接著才把每個字的意思和對白背景慢慢解釋
逐句對白一來一回地練習
萬分感謝查朗的專業和耐性讓Joe這個角色活起來
Thankss so much for your professionalism and patience @nonkul 🙏🙏
Making Joe become such vivid character
#洗電話發現好多呢啲片
#仲想唔想睇
#知唔知呢幕係邊場
#一秒拳王幕後花絮
#一秒拳王
//一秒，相對閒閒地十年八載的冤獄，一秒，都嫌太多，最好逐秒殺，時間校快鏡，高牆內每個靈魂盡早回歸肉體，做番一個自己掌控每一秒的自由人。// #陳也 #名采
►【頂級頂肺】高牆外，多一秒 bit.ly/2PTKSI8
==============
《果籽》MeWe 👉🏻 mewe.com/p/as.appledaily
《果籽》TG Channel 👉🏻 t.me/appleseedhk
立即追蹤接收最新資訊
=============
收看更多精彩影片
訂閱《果籽》YouTube Channel 👉🏻 bit.ly/AppleseedSub
=============
💪🏼 VIP撐《蘋果》計劃
每月$300起： bit.ly/33LO1yC
【#狂迷投稿】二刷《#一秒拳王》 文：Andy Mak
「好嘅電影絕對值得一睇再睇 ( 劇透 )」
前言： 有咩戲你會一再睇再睇？周星馳系列？
.
劉華套《嚦咕嚦咕新年財》我自己每年都會重搵一次；
.
如果要數入戲院重溫嘅，2018年嘅《逆流大叔》同今年嘅《一秒拳王》，個人都覺得絕對值得入戲院一睇再睇！！
.
一套好嘅電影作品，每次睇都會有唔同感受嘅，今次想分享吓以下呢幾場戲：
.
1.父子情永遠係最令人感動嘅：
.
周天仁同良仔就唔使多講；葉志信同爸爸雖然冇同場過，但戲入面多次到“我阿爸”（打拳唔係為打敗對手；打拳都要有步法，記住腳掌發力）
.
而就算阿信明知自己心理狀態會導致“扯蝦”，多年嚟都堅持為英毅作賽，目的就係為咗完成阿爸心願，直到最後天仁終於都完成咗，睇到呢度，相信各位都會不期然地受感動......
.
如果要計，Joe同祥哥都算係父子關係，因為言談間交代咗，Joe因為祥哥，由邊青街童成為一代拳王；成套戲可以話係圍繞住父子情加拳擊去發展！！
.
2.阿信嘅三次眼淚
.
第一次：
酒吧度小瑤話可以交租俾志信，叫佢放心搵阿仁代表英毅出賽...
.
第二次：
阿仁話要對打阿Joe，要証明俾人睇自己唔止得“一秒”，阿信答佢“避唔到一齊捱”
.
第三次：
天仁完成咗場拳賽，英毅終於一洗頹勢，鏡頭影住英毅拳館logo，阿信總算完成阿爸遺願
.
恆仔唱而優則演；演而優則導，真係要大俾like👍👍👍，真心期待你下個作品
.
3.“我都係鍾意努力緊嘅變形力加多啲”
.
除咗醫院良仔話“唔鍾意俾人叫聾仔”嗰幕（當然仲有“柒咗”呢幕😎😝），我覺得櫥窗睇到Hulk嘅公仔，明明想要但最後都拒絕咗老豆，呢幕都拍得好有意思
.
喺度要一讚劇組嘅心思，良仔不論手錶定書包都係Hulk嚟，同阿仁開場時買咗隻“好似你咁肥”嘅變形力加成強烈對比（ 因為打拳賺到錢，終於可以買正版俾良仔）
.
話時話，拳套版變形力加真係可以出紀念品喎！
.
4.真正嘅勝利係體育精神
天仁嘅堅持贏得全場嘅掌聲，仲有阿Joe扶佢一下，都代表佢Joe對佢嘅佩服......Ending收得好好，唔刻意去交代輸贏；阿仁堅持到最後一秒；阿Joe完成咗一場真正嘅拳賽，Win-win！！
.
最後要一提張建聲飾演嘅“遨揚”，正如上個影評一樣，呢個角色值得有更加多戲份，可以係真正同Joe打一場？又或者係後期加入同阿信一齊train阿仁？
.
睇到第二次，雖然冇導演親身謝票，不過都有演員錄片段多謝大家支持，今晚嘅觀眾都坐到尾，雖然觀眾比上次睇嘅含蓄，但岑珈琪嗰幕都識一齊大笑
.
有啲戲，點都係要入場睇先開心嘅。
.
700萬喇！700萬喇！留名睇《一秒拳王》票房過仟萬，希望大家繼續支持好嘅香港電影！！
#一秒拳王
#初衷一戰
#港產片
#支持香港電影
.
×☝🏽☝️☝🏼多謝投稿！有嘢想講，都歡迎各位投稿分享你嘅睇法～×
.
加入狂友fb群組【 #狂氏電影綜合症候群 】
*// http://bit.ly/32xJWLp //
直接交流 × 傾講電影有你起頭！
.
*追蹤 instagram【 madman.movie 】有你著數！
*// https://www.instagram.com/madman.movie/ //
*
*緊貼【 電影狂人-影評情報交流平台 】獲得最新電影資訊！***
－－－－－－－－－－－－－－－－－－
░電影資訊 ░獨家影評 ░幕後製作 ░戲院優惠
Fb專頁【 電影狂人-影評情報交流平台 】
MM2 Entertainment Hong Kong
一秒拳王 One Second Champion
趙善恆 恆仔＠ToNick
張建聲 Justin Cheung
我第一次睇呢套戲已經係12月戲院臨閂之前，之前機緣巧合之下見到導演恆仔，我有同佢講話多謝你拍呢套戲，我睇完覺得好感動。導演話其實呢套戲都係原自於一個idea，就係一秒可以改變好多嘢，然後就變成一秒拳王呢套戲。當我睇多次呢套戲之後，我就發現呢個idea係好簡單地貫穿整部電影。第二就係導演都想喺呢個時候，比返香港人一啲正能量。
如果你係未睇套戲嘅話，我建議係即刻去睇，而因為香港喺呢兩年經歷咗咁多事之後，相信呢部戲一定可以比返一啲力量大家去改變。大家可以先再睇呢個影評，因為接下落嚟我所講嘅內容係劇透。
首先喺出戲名一秒拳王之前，就係一幕周天仁（周國賢飾）點建得到呢個所謂異能嘅戲。簡單為大家介紹咗一秒拳王會出現嘅原因，就係佢曾經死過一秒之後又再復生，能夠睇到嘅一個message就係你以爲你死咗咩？原來只係個一秒嘅錯覺，下一秒你又死而復生，所以周天仁（周國賢飾）得到一個所謂嘅超能力。究竟預知到一秒係唔係超能力呢？只係睇大家點去睇呢件事。
好快喺周天仁（周國賢飾）細個嘅時候，佢老豆因為用嚟賭錢所以覺得呢個一秒異能係無用。而喺小朋友周天仁上電視嘅時候，佢就話佢老豆覺得呢一秒預知係無Q用，但佢想用呢個天賦做一個有用嘅人。咁呢一秒喺觀眾嘅角度嚟講，係有用定無用呢？喺電影嘅中段，當周天仁同林明幀喺海邊傾計之後，我哋其實可以搵到屬於自己嘅答案。
堂妹林明幀同周天仁（周國賢飾）講，其實會唔會有一個平行時空係有另一個更開心嘅自己存在呢？周天仁就反問，其實佢預知個一秒同佢改變咗嘅個一秒會唔會就刷出咗林明幀所講嘅平行時空呢？我嘅答案就係，其實根本就無所謂嘅平行時空，從來都只有自己點選擇同埋點去做。用打拳為例，如果我預見自己下一秒比人打，唔代表我一定可以避到㗎嘛，而我避到，係大前提我要相信預知個秒見到嘅係真嘅，然後我先可以選擇同決定避唔避開呢一拳。而如果自己都唔相信自己避到，繼而決定作出行動去閃避嘅話，我係點都唔會改變到一秒後發生嘅事，所以只係睇我相唔相信自己做到，同埋決唔決定行動去作出改變。喺我眼中，導演係同緊大家講，就算只係一秒嘅抉擇，都唔可以睇小，只要我哋選擇去做，先有資格去改變。重點唔係一秒嘅異能，係周天仁嘅選擇。
之後喺周天仁（周國賢飾）同佢個仔走嘅時候，張建聲走嚟找佢麻煩。周天仁喺呢個時候用一秒避開張建聲個拳，但就令到再下一秒嘅佢同個仔被車撞到。我哋可以喺呢一個橋段得知，就算有呢個一秒嘅預知仿似避過一劫，其實再下一秒都可以發生不幸嘅事。意外發生之後，周天仁選擇唔打場表演賽。由周天仁無咗呢一秒天賦，決定退賽再決定點都係要打呢場拳賽，更加可以話比我哋知一秒係次要，選擇先係重要。
去到周天仁同阿JOE嘅表演賽最後回合，最後個幕係話比觀眾知套戲嘅重點唔係一秒嘅預知，而係一秒嘅選擇。大家記唔記得喺周天仁比阿JOE KO個十秒，出現咗兩個平行時空令周天仁仿似又有返個一秒異能咁。第一個平行時空係周天仁真係比人KO咗，之後佢見到一個走馬燈之後又再返返去倒數緊嘅臨尾幾秒，周天仁（周國賢飾）又再企返起身。呢一幕係講緊無咗異能嘅周天仁，其實就算唔洗預知都可以知道如果佢唔企返起身，最後就只會輸，而呢個結果係每個人都能夠預知。對我嚟講個訊息就係，一個凡人走到絕路都好，只要佢決定企返起身佢就一定可以作出改變，所以最後比賽結果係點並唔重要，電影亦都刻意無講出嚟，最重要係周天仁成功話比個仔知佢唔會變返一個廢人，而阿JOE都真真正正地打到一場拳賽。
點解我會認為香港人一定要睇呢套戲？除咗因為戲入面嘅警察可以唔帶委任證on duty之外，我諗係因為恆仔想話比香港人知，至少係我呢一個香港人知，只要我相信一秒嘅行動都可以改變到自己嘅話，就算世界變成黑暗，人生走到絕境，我都一定可以行返去光明。希望大家可以相信自己，繼續為自己而打拼。
每天關注我的9UP狀況：
https://www.instagram.com/ernest_pch/
一秒拳王joe 在 一秒拳王- 電影 - PttPlay線上看 的八卦
一秒拳王 劇情：|HD|廢中周天仁（周國賢）終日在酒吧渾噩，兒子（熊倬樂）對他毫無寄望，為了躲避債主，天仁運用一秒預知超能力成功逃脫， ... <看更多>