#結婚化妝唔找數事件花生懶人包 我諗我個 Page 開咗咁耐都好似無試過有個 Po 係有 2K Like (好慚愧)........第一個過 2K Like 嘅 Po 竟然係呢個，真係估你唔到。🙄
呢單嘢花生越來越多，暫時睇到嘅有：#不斷更新
1) 🚗租倫敦的士做花車兼影相，Book 咗 min. charge 4個鐘，但只肯比1個鐘嘅錢，喺酒店停車場嘈交。司機係男人梗係無咁易比你屈到，最後唯有用架的士用嚟車啲兄弟出入。
2) 🏨租酒店出門用，結婚當日新娘先話自己喺網上 book 錯房，想酒店幫佢哋做 Free Upgrade，咁結果梗係唔成功，補多 HK$2,000。
3) 🐔新娘涉嫌跑私鐘援交，係結婚之前都仲做緊。(留言言之鑿鑿咁有人話自己喺聖地牙X酒店做前台，新娘係熟客，但次次嚟嘅都唔同仔。亦有超過一個留言就話自己幫襯過.......)
#職業無分貴賤 #可能人哋老公唔介意 #關於呢一點我個人嚟講其實唔係幾信
4) 🐔姊妹之一係喺《警訊》做臨演嘅 H 小姐，有人 Cap Whatsapp 圖話佢係做開介紹女仔去跑私鐘，澳門過夜食飯嗰啲喎。
#溫馨提示依靠他人賣淫嘅收入維生係犯法嘅 #根據香港法例最高刑罰可被判監禁10年 #警訊之花
(後補：2015年《蘋果》已經有講過喎~ XD http://hk.apple.nextmedia.com/entertain…/…/20151205/19400707)
5) 💰化妝師之前嘅客人都有留言 Po 單據 (見過起碼 3 張)，都有 #明碼實價 寫明服務時間價錢，OT 錢亦都係手寫由 HK$300/鐘 改做 HK$500/鐘；新郎話佢唔知情，都唔係話冇可能，呢啲嘢多數新娘自己搞，但新娘就唔會唔知情啦。
6) 🎥成20幾人圍一個女仔，講到自己咁理直氣壯個女仔係串嘴到「10分鐘收唔到尾數就報警」，竟然無人拍片？唔係啩~ 香港人連屙屎都拍片，係無人拍定知自己理虧唔敢拍？(後補：連登嗰邊有人話有兄弟扮化妝師喊嘅片夜啲擺上網)
7) 📷有姊妹聲稱話自己影咗相「化妝師喺 Reception 公然偷懶攤喺度玩電話好揚」，「喺自己 Whatsapp Group 度傳閱但唔會放上網公審囉」，講真，放啦，我都仲想食花生。😏 (補充：我已喺 comment 補返相)
8) 💸新娘同幾個朋友夾份開舖，間舖嘅裝修就揾新郎做 (比生意個老公做)，但啲裝修做到一「劈」屎咁，呢個時候新娘就話唔玩喇。然後自把自為喺阿公條數度出埋啲尾數比個老公，再跟手攞返自己嗰份嘅錢......但完全無同過班 partner 商量，後來件事仲鬧大報埋警。(有聲稱係事主嘅留言出示咗當時嘅報案紙)
9) 🍴食飯逼人找數事件。新娘同一班朋友去食飯，埋單好自然係 AA 制。但新娘就話其中一位單身出席嘅女仔「係妳自己唔帶個伴嚟」，要個女仔出多份錢，原 Po 朋友幫個女仔，結果反晒面。重點係：件事大約係 2 年前發生，當時有人放過呢單嘢上 FB，係有片嘅。(註：但未有人成功考到古)
【以上資訊來源傳送門】https://goo.gl/IgWbif
#帶頭盔先我都係追Po追返嚟
#以上所有都係傳言嚟㗎咋
#一個人平時對人係點
#依家就一鋪咩都返晒嚟
#公說公有理婆說婆有理
#阿媽係女人
#最憎人恰Freelancer
