突然失常短故 - 《有一種戀愛叫做海之戀》
我曾經以為「花之戀」係壽司、「霧之戀」係歌名，
都已經係將「之戀」呢個Term嘅創意發揮到maximum。
但今日，一幢名為「海之戀」嘅樓橫空出世。
我著好西裝，打開家門。喺最後一刻，啱啱唱完通宵K返嚟嘅女朋友都爬落床，同我講一聲「武運昌隆」。
係架，對於我哋呢啲「無運」嘅人，武運真係好緊要。
因為我今日就要去Sell海之戀。
我計過啦，只要我賣到幾十個海之戀單位，咁我就可以擁有一間海之戀。
我仲會幻想，如果第日人哋問我住邊，答「海之戀」會唔會太膠呢？
畢竟讀音好似「花枝丸」咁，
定用英文會高檔啲？Love of sea？定「Sea之Love」呢？
不過「Sea之Love」呢個名拎去開補習社好似仲Work！
有時真係FF下都開心！
去到現場，經紀同睇樓客嘅比例大約係30比1。
當賣樓嘅人，多過睇樓嘅人，
呢個社會都應該要入深切治療部。
但當咁少人睇樓，都咁多人想賣樓，
咁證明大家都已經喺呢個社會輪迴咗十九幾次。
而客人少成咁，我哋呢班經紀都明白，「組隊Sell」、「一人Sell一個」、「你Sell呢個我Sell下一個」呢啲選項已經再冇意義，人類道德規範都冇人會理。
「打7佢啦仲諗！」
一個貌似睇樓嘅婆婆，拉住個行李喼慢慢行過嚟！個行李喼擺明係現金，係用Cash買樓嘅客！萬中無人，幾千個睇樓客先會有一個，屬SS級！
隔籬公司明仔已經搶閘跑出，但稍有經驗嘅經紀都唔會做「行先」嗰個，
正所謂行先死先，果然明仔畀人一腳西落背脊，就變人型葫蘆。
前面十幾個人馬上出手，立即變成混戰，
眼前好似「8大派圍攻光明頂」咁，
不過我哋係「30大經紀圍住阿婆」！
呢個時候，阿龍已經使出十二路風神腿，一腳踢到我頭暈眼花，
但阿強又用大力金鋼拳入佢中路，打到佢肺部爆裂。
唔使三秒，大家件西裝已經爆晒呔。
頂！所以咪話，我都唔明點解公司要我哋著西裝！我哋嚟隻揪之嘛！
突然之間，一把聲音傳到耳邊：「施主，我喺少林學藝，今日路經此地，化身經紀，只為藉此化緣，化個5、6、7萬，施主唔想受傷，就請讓路。」
哇，喺呢度化緣仲衰過打劫喎！染晒金毛扮少林寺？返去斬柴啦！
佢大怒：「唔好咁X串喎！得罪我？看我拈花指！」
我諗都冇諗，一腳橫掃。
佢隻拈花指...立即好似啲USB手指畀人喺電腦強行拔除咁，
如子彈、如小鳥，直接飛咗出場外！
「哇！！我隻拈花指呀！！哇！」
佢舉起冇咗中指嘅左手，叫到鬼哭神嚎。
經紀世界係好殘忍嘅，我哋眼中只有「佣金」同「障礙物」，
並冇「人類」呢個Term…
3分鐘之後，會場已經屍橫遍野，我得到最後勝利。面對阿婆，我將佢逼埋牆角：「好啦，我哋去搞手續啦，你快啲畀現金我。」
阿婆異常驚慌：「你...你噏咩春呀...阿婆...嚟執紙皮咋...」
What?執紙皮？
我唔相信，一手打開佢個喼！真係全部都係紙皮！
「執紙皮用喼？玩到咁撚High end？呀！！！！！」絕望同憤怒，再加上我份人本身冇咩理智嘅關係，於是不斷用亂拳向阿婆嘅殘驅轟落去！！
「點解要玩9我！！點解呀？WHY ME?」
我一拳又一拳，間中又伸一腳，阿婆已經奄奄一息。我跪喺度，覺得人生已經冇希望。
呢個時候，一個操普通話嘅男人行近我身邊：「嗯...我爸給了我幾百萬，叫我置業，但我見這些經紀們，都沒有生命跡象啦，不知你是否可以幫到我呢？」
呢個男人就好似耶穌一樣，我握住佢隻手：「當然可以啦，貴姓呀陳生。」
男人笑住話：「小姓林。」
我帶領佢行上示範單位：「呢位姓林嘅陳生，呢個世代呢，買樓好易咋，有錢就得架啦。」
當我諗住坐定粒六嘅時候，陳生鬆開我隻手，講咗句：「慢著。」
原來一個低胸女經紀施施然走入會場。
一睇佢胸前嘅烈火紋身，就知戰鬥力驚人。
而最大問題係...呢個紋身..佢咪係我條女囉！！
「林生，買樓緊係搵我啦。」我條女已經拉實陳生，畀波餅佢食，盲嘅都知係開「床單」嘅節奏。
「點解你...你會做到經紀！！」我大惑不解。
囡囡冷笑：「你唔係覺得呢一行好專業下話，你做到嘅嘢會有人類做唔到咩？」
OH，呢句真係Hurt Me so bad，媽媽明明話過「MK妹都係講義氣的」，睇嚟隨時代變遷，一切都經已變樣。
但係，我好想知，喺金錢之下，愛情仲有冇立足嘅位置。
佢已拖住陳生遠去，我唔理面子，
大嗌一聲：
「你話過愛我架！魚拉牙！(You Liar)」
佢擰轉頭，毫無語調：
「你夠話過咩都畀晒我啦，咁你呢家咪畀個客我囉。」
我反應好大：「我幾時有講過呀？」
「除我底褲嗰時。」講呢句嘅時候，佢已經再冇擰返轉頭。
我無力跪下，只能眼白白睇住愛情同佣金一齊離我而去。
如果呢家係一本小說情節，接下來幾百字，男主角都只會跪喺度，不斷傷心同享受一種無力感。
但呢度係現實，呢度係香港！This is Hong Kong！
我冇佣金，你唔唔使旨意有！「攬住一齊死」就係我哋嘅聖經！
我企返起身，將憤怒同傷悲、加埋人生嘅不幸、埃塞俄比亞兒童嘅飢餓，都貫注喺左手拳頭上面。
然後對準條女個後尾枕，呢個Moment，只可以怒喝一句：
「星矢與我同在！！！！
吖吖吖！！天馬流星拳。」
左拳轟出，金光四射，我隱約感覺到，呢拳打落去之後，我同呢個女仔就會咩關係都冇，所有嘢都會完結，甚至連佢條命都會完結埋。
所以呢家係最後機會，畀我同佢講一句道別嘅說話。
無錯，即使我哋嘅愛冇結果，都應該有一個好好嘅道別。
我諗起大家長達兩個禮拜嘅感情，含住淚，
用深情演繹一句：
.
.
.
「八婆！！！我屌你老母呀！！！」
拳已出，仲要係爆擊，條女好似風箏咁，直飛去玻璃窗，爆破直接飛埋落海，名副其實變成「海之戀人」。
其實，戀海嘅人，又點會有好結果呢？個樓名早就暗示咗一個悲劇結局。
戀海，只會沉落海，
而沉落海，只會變成一具浮屍。
一班失常嘅經紀，只係代表無助嘅人生故事。
一班有能力買樓但講普通話嘅人，只係代表司政失敗嘅故事。
一班連睇樓都省返，知自己買唔起嘅人，只係代表社會嘅絕望故事。
用愛情嚟點綴呢件事，
只係因為咁先可以加少少令人微笑嘅原素。
等大家可以從現實中，抽離短短嘅幾分鐘。
PS. 呢排寫咗叫《不存在的職業》嘅小系列故事，冇嘢做時可以望下：https://goo.gl/xh4bbt
ig: cheungson88
輪迴幻想職業 在 [心得] 原來這麼多高中生玩批踢踢- BaseballXXXX - PTT網頁版 的八卦
19樓 → ENOZI: 這樣是不是可以得證你平常都是在幻想12/04 00:35 ... 55樓 推ENOZI: 沒用的9哥陷入不回應輪迴模式他現在不會說話了 12/04 00:49. ... <看更多>