近年唔少藝人或者 KOL 都會幫自己嘅囝女開社交網 acc，但呢種風氣有時被網民批評佢地當囝女係搖錢樹，覺得應該尊重小朋友嘅私隱。
成功轉型做瑜伽界 KOL 嘅 Coffee 林芊妤都有幫囝囝「伯伯」開 acc，佢一開始已講明謝絕一切廣告合作，目的只係想紀錄同分享吓伯伯嘅得意童年片段，至今已經超過 17 萬 followers。
伯伯琴日兩歲生日，而 Coffee 就宣布將會停止更新呢個 acc，指囝囝將會有自己嘅思想，尊重伯伯嘅私隱同成長。
Coffee 話囝囝對鏡頭好敏感，仲會抗拒，有時見到媽咪拎電話影佢，佢會怕羞講：「No 電話！」。Coffee 話伯伯性格上好得意，不過隨住囝囝成長，外表上未必可以再捕捉到好似以前咁得意，而且佢話出 post 寫 caption 嗰陣，好似將自己嘅說話放喺佢身上，Coffee 唔想咁樣，所以決定暫停更新囝囝個 acc。
Coffee 透露最驚影響到囝囝性格，以為自己好popular、好巴閉，對佢將來發展唔好，只想佢正正常常咁生活，同一般小朋友咁成長。粉絲雖然尊重 Coffee 嘅決定，但都好唔捨得，所以 Coffee 唔會 close 咗 acc，等第時生第二胎嗰陣再更新！
樹kol 在 2020馬克醫師與KOL在蘋果樹的抖音精選 - YouTube 的八卦
影片來源：馬克醫師@dr__marcus__IG https://www.instagram.com/dr__marcus__FB https://www.facebook.com/drmarcuss-蘋果樹醫美診所IG ... ... <看更多>