《極尚大瀛喜放題🤡》▪️▫️▪️▫️▪️▫️▪️▫️▪️▫️▪️▫️▪️▫️▪️▫️▪️
👁🗨 晚市放題 💲278
.
➰ 前排公眾假期黎到，人多到癲🤦🏻♀️好彩有一早訂左位，都算係一輪輪咁準時入座😎限食兩個鐘，所以一入去就拿拿臨落曬所有單先😳以下既食評只係包括我自己食左嗰啲，其實咁睇返都唔係食左好多啫🤪
.
👈🏻第一樣就梗係叫咗好多🌟刺身，差唔多全部款式都叫曬咁濟，算係切得厚身同埋新鮮🍣
👈🏻叫左個鹽燒三文魚火炙壽司試下，三文魚燒得比較腍身，所以散散地，但係都香口既🍙
👈🏻創作料理嗰度叫左個極尚花之戀，有三文魚籽同三文魚，係一口size，過下口癮係得既💁🏻♀️
👈🏻串燒有鹽燒牛舌同埋鹽燒雞軟骨串，兩樣食落都好有咬口，但係調味都幾重🤤食完會口乾
👈🏻燒物入面既七味醬燒雞翼，食落辣辣地，都惹味🤗個燒紐西蘭香草羊胺我食得到既，都即係唔會話好蘇🤭蒲燒鰻魚就一般，食落硬身，同埋細細舊都有骨
👈🏻炸物就有吉列炸蠔，舊蠔梅梅地，好似唔夠新鮮🤥我反而鍾意個🌟榴槤炸彈，暖笠笠，榴槤蓉仲係流心既，個味都夠濃，食完兩粒唔夠喉要再叫👻
👈🏻天婦羅方面叫左虎蝦天婦羅同溫室南瓜天婦羅，炸粉正常厚度，但係炸得唔夠脆身，食落腍腍地，不過味道還好，南瓜甜甜地唔錯🎃
👈🏻至於一品料理，個鐵板蒜片牛柳粒，同串燒一樣重調味，呢個仲要勁鹹，口感又鞋😵黑松露炒什菌就好濃黑松露味，但係比較乾身痴埋一堆
👈🏻主食既雪花牛肉鍋，一鍋係兩個人既份量，牛肉比較韌身，仲有少少粉絲同埋娃娃菜🤔
.
除左落單叫野食之外，仲可以自己出去自助吧攞野，有沙律、炸物、熟食、甜品、飲品等等😄沙律都係平時嗰啲🥗炸物我就食左章魚燒，其實好似得個味，無粒粒章魚係入面🐙仲有薯角，一大盆擺係度都預左唔係脆身😂熟食見到有火雞但係我就無食🙈甜品我就食左朱古力乳酪，溶溶地但係都有朱古力味，加左麻糬，望落雖則好乾，好彩食落都有咬口，仲食左朱古力味馬卡龍，可惜同平時既唔一樣，個邊位好硬，中間得一啖朱古力醬🙄飲品擺滿成個落地雪櫃，都多種類，但啲嘢食咁鹹都係飲返清新少少既蘆薈算啦
.
總括黎講，個人覺得呢間放題冇人哋講得咁好食，可能希望越大失望越大😭刺身壽司嗰啲可以接受，但係肉類質素一般，再加左超級鹹嘅調味後係一大敗筆🤐
.
🔛 整體評分（7/10）
▪️▫️▪️▫️▪️▫️▪️▫️▪️▫️▪️▫️▪️▫️▪️▫️▪️
📍極尚大瀛喜日本料理 (銅鑼灣)
地址：銅鑼灣駱克道463-483號銅鑼灣廣場二期11樓 (銅鑼灣站C出口)
營業時間：
星期一至日 12:00-15:00；17:30-00:00
#FoodiesDNN銅鑼灣
#FoodiesDNN香港
極尚大瀛喜放題 在 極尚大瀛喜日式放題~ 晚市時段 - YouTube 的八卦
陪朋友買完電腦就和她去了吃日本 放題 ，最喜歡吃 放題 因為個個喜好不同，但 放題 總有一款食物合大家吃，免傷腦筋，而且又吃得開心。 ... <看更多>