毒果勁嘅地方..
就係最快打嚟搵我..
將我諗住用嚟呃Like嘅部份感謝說話變成咗個訪問先..
然後我就會睇下睇下越睇越懶..
心諗...唉，Share咗呢個就算..
＝＝＝＝＝＝＝＝＝＝
【熱烈地彈琴熱烈地唱】
【林日曦：開騷前先知想嚟睇】
噚晚分獎禮殿堂級徐小鳳、王維基都撐場，林日曦話：「王維基先生係我邀請，小鳳姐係(張)崇德喺開騷前，同我講小鳳姐想嚟睇騷，問我可唔可以安排？所以都好多謝崇德，佢同小鳳姐好熟。」
小鳳姐主動捧場？林日曦笑笑話：「我諗佢想捧崇德場，同埋認識吓毛記電視搞乜，因為我哋之前搵過小鳳姐拍分獎禮宣傳片，但可能呢樣嘢太新，唔知乜嘢嚟，佢好難短時間了解。」
小鳳姐出現係咪好驚喜？佢話：「梗係啦，全場反應就知，唔止係對我哋，對大家都係，其實唔止小鳳姐，每位出席嘉賓，俞琤、河國榮、何韻詩，方健儀、王宗堯，仲有台下嘅嘉賓，對我哋好大肯定，尤其係你未必邀請人，人哋就會嚟。」
【點樣請得郁俞琤】
【林日曦：有七年時間同佢緊密學習】
俞琤連叱咤頒獎禮都冇去，卻現身毛記分獎禮，林日曦話：「係我邀請佢。自己喺商台工作八年，有七年時間同佢緊密學習，四、五年前離開商台自己搞公司，自己個人比較『毒』、好宅，加上有少少愧疚，因為佢一手提拔我，但我要發展自己嘢離開商台，一直冇聯絡，直至去年12月睇到佢退隱，睇咗佢兩條片，包括台慶同聖誕，突然時光倒流好熟悉，心血來潮，毛記電視咁重要里程碑，想邀請佢嚟睇向佢道謝。
「因為除咗我之外，毛記、黑紙工作嘅人，有1/4至1/5嚟自天比高同商台，希望藉此機會向佢道謝，估唔到佢一口答應，非常感激感恩，因為佢嘅出現好有標誌性，傳媒界咁大人物都嚟接受我哋嘅獎，對我哋一個好大肯定。」
徐小鳳 在 華語歌曲【徐小鳳】歌曲#109 - YouTube 的八卦
[00:00] 01. 逍遙四方[02:42] 02. 重逢[06:49] 03. 隨想曲[10:21] 04. 雪後有春風[13:45] 05. 音 ... ... <看更多>