好多人問我點樣求婚.
之前, D學生提議左好多方法, 又話要學黑人范范, 又話要戲院包場, 更有叫我係直昇機跳落黎!
我想講, 我唔係IRONMAN同HULK, 我唔想未求婚就X街死.
最後, 我決定搵個好地方, 食晚餐期間求婚!
先旨聲明我唔係HEA, 因為我考慮過我女友既性格, 佢係一隻淆底獸!
太激烈既野, 佢會受唔住!
所以, 傳統既求婚方式啱D.
我BOOK左跑馬地一間叫AMIGO既RESTAURANT, 果度有FILIPINO 結他手同歌手, 話會係我求婚既最住MOMENT(即食甜品)出現喎!
我一路食一路諗應該點求婚.
初初我覺得應該特別D, 所以曾經諗過搵把刀'航'住佢條頸, 大喝:
'要底褲定嫁俾我?'
但我怕佢會要底褲......
後來我又覺得不如直接些好過, 想講:
'你大個女啦, 夠鐘交配繁殖啦!'
但我又怕佢咁多人面前怕醜, 好似公眾面前應允要交配咁......
最後上甜品既時間到啦, 隊BAND走過黎, 圍住我地!
我呢個時候跪低, 索性用最傳統既方法求婚:
'我知你係爸爸既掌上明珠, 但我會更加錫你......
以後在我眼中, 我只看到你一個女人, 因為你塊面好大......'
全場注目!
講到一半, 我女友既淆底性格又黎啦!
佢猛話:
'你快D起身, 好啦, 夠啦, 我應承你!'
'起身啦......'
原來, 因為佢見到對面D人望晒過黎, 又驚我仲有排講......覺得好難堪! 所以急急就應承左!
頂! 我仲以為佢俾我既誠意打動添!
但既然成功求婚, 我都唔介意起番身既!
上番黎食甜品, 經理過黎幫我地影相, 其他食客亦祝賀我倆.
之後, 我問番女友:
'你覺得頭先求婚時, 我講既野係咪好冧?'
點知佢話:
'其實我聽唔清你講咩架! 因為隊BAND太嘈......'
我頂~~~~~~
大個女 在 大個女 - YouTube 的八卦
Provided to YouTube by Universal Music Group大個女· 陳奕迅U 87℗ 2005 Cinepoly Records Co. Ltd.Released on: 2005-01-01Producer: ... ... <看更多>