聖保羅男女一年收「捐款」9000幾萬，多過好多上市公司！仲要核數師係德勤！
//最大捐款人是南豐集團的陳慧慧，名下的音樂藝術發展基金過去兩年分別捐出2500萬。//
by千頌C@堆填區
[ADMIN] 《靠捐錢買位入傳統名校，捐幾多先至夠？（女兒篇）Part1》
今日要同各位分享嘅捐錢入名校。事關最近有位爸爸問ADMIN，佢個女K2，太太睇完「名校家長Secrets」個post，就非DGS同SPCC不嫁，然後要佢想辦法推個女入呢兩間頂級名校。
爸爸：👨 ADMIN：🎓
👨：「我想捐錢買個位。」
🎓：「呢D學校好有錢架喎，你想捐幾多先？」
👨：「50萬。」
🎓：「吓？」
👨：「係架，呢D貴族學校多人爭，唔捐錢點入到？」
🎓：「唔係咁，我意思係50萬你想入邊間先？」
👨：「太太想個女入SPCC，再唔係就DGS。但係我知呢D學校唔係話捐就捐，要識人先至肯收（錢），你有無識人介紹？」
🎓：「其實呢兩間嘅話，得50萬咁少唔夠囉。」
👨：「⋯⋯」
以上絕對是真人真事。
＝＝＝＝＝中場休息＝＝＝＝＝
大約一個月前，本page出了一個回響極大的post，討論家庭背景、直資教育同公開試成績嘅表現，facebook數據話俾ADMIN知，好多家長睇完個post無like無share，但係睇咗，仲花咗好長時間睇。無辦法，世界在進步，不認不認還須認，直資就是不一樣，傳統名校就是一輩子的事。
同其他page唔一樣，例如咩「90後教師大戰怪獸家長」，其實背後老細係xxx毛林生，得閒就作D假嘅古仔出嚟譁眾取寵，等每年書展100毛旗下黑紙出版社賣下D垃圾書，分散下業務搞上市。就好似開學果單嘢，試問呢個世界邊有咁白痴嘅家長會開學就出家長信俾學校話多通告／功課？如果係名校，就一早通咗天；如果係一般學校，根本無可能發生，因為一般學校嘅家長係唔會咁著緊子女，著緊就己經幫咗佢轉校。再講，如果真係有咁焦慮又任性又有錢嘅家長，佢果個虛構作古仔page已經俾人告到暈，放料個老師仲唔俾人追究？個老師都唔係傻仔，放料益你個page搏俾人炒？但係無辦法，好多家長都係唔會思考，所以會為子女做錯人生決定，誤咗小朋友嘅未來。
「名校家長Secrets」係注重數據同資料分析，有部分資料係公開，有部分係要俾錢買，亦都有部份係關聯人士透露。我地無出版嘅壓力，唔需要作古仔。只係好多時得悉家長嘅錯誤觀念先至要解釋下。好似上次分析直資學校嘅優勢，只有「名校家長Secrets」會研究呢個方向。雖然有部份家長唔認同我地嘅分析，佢地將教育理念抬到好高好高，好神聖，唔緊要，和而不同嘛，同一份資料總有正反兩邊嘅演繹。觀點與角度。
順帶一提，我地出完個post後亦都發現有個不肖嘅金融保險理財page（錢線）抄襲我地而唔加返出處，搞到好似佢地自己作咁。如果當「投資技巧」都係東抄抄西抄抄，毫無獨到心得，基本上你「跟炒」都係盞輸死。所以錢線 liverichly . hk 只係一個內容農場 （content farm) 嘅廢page。
＝＝＝＝＝中場休息完畢＝＝＝＝＝
💰💰💰金錢觀念💰💰💰
真係要言歸正傳喇，坦白講，很多家長對於對學校捐款欠缺清晰的概念，有些人的價值觀停留在學校搞賣物會買童軍獎券／potluck party的資助，$100-$300己是豪爽。也有些名校出身的家長，仍未抹去年輕時學生會印校刊、謝師宴助印場刊和校慶音樂會資助等小型活動相關的記憶，覺得捐$1000很大。又或者，稍為research過學校的紀錄，睇埋prospectus，發現學校每年頒發獎學金都係一千幾百，DSE考護6科5**的狀元都只係得＄10000獎學金，從而覺得5位數係好大。
而事實上，50萬這個金額話多唔多，話少唔少。對學校而言，50萬可以增聘一位10年教學經驗的學位教師，又或者化成兩位TA，僅此而已。對於一般學校而言或者重要，因為多聘人手可以減輕其他老師工作壓力，不用管理層絞盡腦汁調配政府資源。但直資名校對這個額外人手是無感的，因為求其學費加1%就可以了，不必賣人情給你。何況現時直資學校是越貴越多人爭，所以呢50萬真係濕濕碎。
對家長而言，一般中產家庭，50萬的話，夫婦大概儲起半年的薪金便能達到；而對於富有家庭，例如家庭擁有2億資產，按年回報3%計，一年回報600萬，即每月50萬，要拿出來一點也不難。而據2017年2月27日政府統計處資料顯示，在香港身家逾3000萬美元（2.33億港元）的人有約4080個。身家逾1000萬美元（7780萬港元）的人有約10180個。香港有錢人多的是，而頂尖名校又為家長所趨之若鶩，大把名人富豪之後排隊，區區50萬算甚麼？
💻💻💻理據分析💻💻💻
「名校家長Secrets」本著數據分析精神，翻查了不少名校的籌款資料，得出一個非常簡單的結論，DGS同SPCC你唔洗諗捐錢。
DGS自從周凱旋基金資助過一次後，就沒有任何大動作的籌款活動。當然，Mini Bazaar是該校傳統，女拔家長可以入內參觀買些小禮品，為學校籌點錢。而之前重建校舍計劃，當時地球雖處於金融海嘯，經濟環境艱難，但DGS仍輕鬆完成目標。相信DGS的財政狀況是非常充裕的。而數年前曾有一些葡萄別人入到女拔而自己入唔到嘅家長，竟然傳出女拔校長收手袋，但其實校長的老公是高級公務員，身家白過白紙，況且DGS呢個品牌絕對值錢過LV Gucci，亦都唔係區區一個反六針hermes袋可以俾人動搖到嘅。
SPCC更誇張，打開其慈善信托基金年報，第一件事，係由Deloitte睇數，已經顯出非凡財力。（>>>修正: 男校華仁書院的華仁一家基金由何偉志會計行核數，而德勤•關黃陳方會計師行的資深顧問（合夥人）方俠是華仁一家基金創辦人，贊助人及board member，副主席<<<）。SPCC的基金以億計。值得留意嘅係，近年最大捐款人是南豐集團的陳慧慧，名下的音樂藝術發展基金過去兩年分別捐出2500萬，一人之力而已。該校學生非富則貴，學費年年加都全無怨言，出外遊學參賽等活動也不需額外資助，清貧學生助學金幾乎沒有支出，Cash-rich到一個可怕的地步。保守估計，沒有100萬是不可能的，最好的金額是100-500萬，來源必須是清白的一次過捐款，否則都不能靠捐錢買位入到SPCC。（幾年前某中資能源上市公司高層捐200萬俾某聖公會名校就被拒絕，原因係資金來歷不明。）
由於DGS嘅財政狀況並不公開，所以不便作出任何分析，但係SPCC其實都有方法。信託基金年報入面列出咗數十個總基金以外嘅子基金，相信係一些早期捐款人設立嘅獎學金之類嘅基金，所以保留咗捐款人嘅名義。如果各位家長有識人識得名單上面嘅人嘅話，可以試下搵佢地幫手，搵到佢地寫推薦信效果將會好唔同。但係呢個動作都要小心，如果子基金本來無乜錢（例如得十幾萬），忽然間你成功注資50萬，然後校長枱面出現一封推薦信，校長正常都會避嫌唔啋你。
睇到呢度，相信家長讀者都會覺得好灰，有50萬可以點？係咪無用？
「名校家長Secrets」話你知，天無絕人之路。詳細分析將見於《靠捐錢買位入傳統名校，捐幾多先至夠？（女兒篇）Part2》。請各家長分享出去，tag多D朋友，俾D動力我地繼續為您分析。
下回預告：
如果你有個女，又有50萬，可以考慮以下三個選項：
(1) 購買國際學校債券
(2) 德望學校（GHS）
(3) 買股票 <— （放心，非推廣）
つづく
勤業眾信會計師名單 在 [情報] 勤業眾信與會計師吃飯分組名單- 看板FJU-ACC96a 的八卦
因為有部分同學早上要上課
故這次的徵才時間改成從12.00-14.00
請各位同學注意
下面是會計四甲的分組名單
第一組
楊佳琪 洪展章 鄭翔駿 曾郁婷 周佳蓉 陳品勳 潘昱廷 張文容
第二組
侯柏宏 蔡欣穎 徐傳捷 吳亞聖 林悟格 鄧雅萱 林曉薇 張馨方
第三組
江承霖 余湘玲 吳俊毅 楊馥瑜 陳琳潔 任品瑄 許惠淇 何靜苓
第四組
洪舜陞 廖韋慈 郭雁婷 楊資珉 楊雅如 黃堯章 白耕璞 陳錦堅
第五組
賴君樂 王培德 黃品超 穆渼綸 張容菁 呂學威
請以上同學12/22 中午12點在利瑪竇101務必出席
--
※ 發信站: 批踢踢實業坊(ptt.cc)
◆ From: 114.42.3.206
... <看更多>