唔好意思呀各位
我預早成年搞優先訂飛
－－搞「人類史上最優先訂飛」的原因：
我都唔知有幾多人會買飛
所以我成日都唔知點Book場好
如果預早一年搞優先訂飛
我就可以因應優先訂飛嘅數目去搵返合適場地
例如最後有三千人訂飛，我咪去book一場伊館或者兩場麥花臣囉
例如最後有十三億人訂飛，我咪去book個大陸囉
例如最後得三個人訂飛，我咪去book個茶餐廳卡位囉
－－參與「人類史上最優先訂飛」的優惠與保證：
1）差不多保證你一定可以買到飛
2）如果我一年內死咗，放心，將會安排退票；
3）如果我一年內搵唔到適合場地，放心，將會安排退票；
4）如果因為其他任何原因而我唔搞，放心，都會安排退票；
5）任何參與「人類史上最優先訂飛」的癲仔，一年後睇Show時，將可得到一份小禮物。
－－搞「人類史上最優先訂飛」的好處：
1）乜嘢詳情都唔知，都肯為我訂飛嘅人，應該都係痴線嘅，台下氣氛會好啲；
2）見到竟然真係有人訂飛，會令我下定決心真係搞；
3）如果單身嘅話，可以訂定兩張，迫自己下年搵另一半去睇；
4）如果同另一半唔小心一年內分手，可以到時留返張空櫈懷念下佢。
＝＝＝＝＝＝＝＝＝＝＝＝＝＝＝＝＝＝＝＝
＊演出詳情：
《林日曦細聲講＿＿＿》（名都未有）
演出日期：下年年尾（即係2019年11月－2020年1月之類其中一日）
演出場地：未定場地（放心，講多次，萬一book唔到場，一定退票）
演出內容：un腳
「人類史上最優先訂飛」
訂飛網址：Ticket.TVMostMall.com
訂飛日期：2018年12月22日上午10時至12月31日上午10時
訂飛優惠：一年後睇Show時，將可得到一份小禮物
#林日曦細聲講
#人類史上最優先訂飛
人類史上最優先訂飛 在 #人類史上最優先訂飛hashtag on Instagram • Photos and videos 的相關結果
31 Posts - See Instagram photos and videos from '人類史上最優先訂飛' hashtag. ... 一年前的約定#人類史上最優先訂飛#林日曦細 · #一年前的約定 #人類史上最優先 ... ... <看更多>