Search
熊本縣賑災籌款補充
籌備慈善活動，扶助受災居民，不過稍盡綿力，杯水車薪，無關乎良心不良心，不應過份吹噓自發籌款義行，更不可輕蔑無動於衷者，道德高地不屬於我輩中人。體會各有艱難，各憑內心感情牽引，假若感動到自己，出錢出力之餘，多行一步，試試感動身邊人。
救人如救火，分身不睱，外間合作籌款要求，媒體邀約訪問，一概敬謝不敏，如果各路英雄幫忙些牙，不勝銘感。
分頭進行最靈活，直接捐錢最實際。唔使多諗，坐言起行。
籌款詳情：
https://www.facebook.com/yatahk/posts/10153742626619615
後記：要多謝好多人背後幫手，特別係縣政府嗰邊嘅朋友，短時間批准我哋嘅肖像使用申請，仲有熊本縣駐港事務所，特事特辦，特此鳴謝。
人一世物一世
2012：第一間百貨引入熊本熊產品
2013：第一間海外熊本熊Pop-up Store
2013：熊本熊第一次主持荃灣店開幕
2013：熊本熊第一次搭飛機嚟香港
2014：全球第一間熊本餐廳官塘店開幕
2015：第一位香港人（我呀）獲頒熊本農業貢獻賞
2016：全球第一張海外熊本信用卡即將登陸香港
做咗三年，玩咗三年，畀人讚咗三年，攞咗幾個全球全港第一，唔係我哋叻，而係熊本熊魅力逼人，就算無乜錢賺，我依然咁滿足。
講咗三年，由亂噏齋噏到諗諗吓或者得，由諗諗吓到付諸實行，由呢邊話得，到嗰邊話有啲唔得，由兩邊都話得，到我哋堅持話咁樣至得，過程一波九折，患得患失，少啲心機，少啲韌力，少啲耐性，都肯定埋門一腳射失，𠵱家三邊都話得，終於將隨便亂噏嘅概念變成事實，多得貪玩、陪我癲、膽生毛、任勞任怨嘅親密戰友，夾手夾腳完成唔可能嘅任務，我好興奮，我好榮幸。
人一世，物一世，做乜嘢事，都一定要撫心自問，有無嘢覺得好玩，有無嘢又感動到自己又感動到人，唔做會後悔，做完或者有人記得，自己驕傲，肯肯定永遠記得。
如果無，唔使閉翳，唔好勉強，人各有志，其實無乜大損失，唔係個個熱情洋溢。如果有，只要預咗衰收尾，有輸嘅本錢，唔使諗咁多，全情瞓身投入，見步行步，能屈能伸。最差嘅係若有若無，淨係企定定發白日夢虛度光陰，淨識做塘邊鶴羨慕其他人，咁樣又無謂又傷神。
如果唔想咁，一係認清現實，一係用盡自己嘅熱情，千方百計感動上面嘅腦細同埋身邊人，一係盡快搵個熱情唔怕輸嘅腦細，三擇其一，唔使諗。雖然條條路都咁難行，但只要係自己揀，人一世、物一世，難行都好過唔行。
前路或者難行，但我肯肯定，申請熊本信用卡一定無咁難，就算難，機會難逢，人一世，物一世，簽卡曬卡幾威呀，唔攞番張，肯定後悔，後悔就唔好啦。
https://www.facebook.com/yatahk/posts/10153492712119615:0
為今個夏天努力做好準備💪🏻
Body仲係Ready(ing)😂！
但泳衣已Ready‼️‼️‼️
呢件係今季新款嘅泳衣👙已經喺一田百貨有售了～
7月7日仲有「一田夏水著嘅泳衣Show」，實行「三軍未動，泳衣先行」😂
#yata #YATAswinwearshow #yatahk
#一田
#一田百貨
#一田夏水著
#身上是arena的泳衣哦
Hello Kitty x KUMAMON 呀！等我都去探探佢地，揀定聖誕禮物先。
一田百貨(沙田)
即日至12月31日
#yatahk #hellokittyxkumamon #yataofficialhk #一田百貨沙田店 #hellokitty #kumamon
yatahk 在 Instagram 上的Vivi Tam：「 今年再次為一田示範他們的泳衣 ... 的八卦
... 游泳用品供選擇～ 另外提提大家11/7 - 25/7 一田夏水著在一田百貨沙田大埔店展銷場及荃灣店運動及休閒服飾部有興趣記得去看看啊！ #yata #yatahk #一田#一田百貨…” ... ... <看更多>