穿什麼都好，最緊要 carry 到。
想分享一個「carry 唔到」嘅故事。
有朋友去了一個 wine-tasting 聚會，整晚不停發短訊給我，說有很多「寂寞難耐的美女」在場。
基於美女是沒有可能寂寞難耐的基本邏輯，我選擇不相信。當然，一個正常男人的求知慾都會比定力強，放工之後，還是在半信半疑的情況下赴會了。
地點是一家所謂的日本餐廳，在灣仔一家商業大廈裏，聽說是一個匯豐 banker 開的。
這個 banker 絕對有潛質做大型飲食生意，因為那家日本餐廳的格調就好比一家串燒版的味千拉麵，街坊到不能在街坊。
朋友不是完全欺騙，因為餐廳內真的有美女，雖然稱不上「很多」。
那一晚的安排是這樣的：整家餐廳都預留給這個 wine-tasting 的 function，事前需要預訂位置，每道菜都有 wine pairing。其實嗰晚飲嘅係清酒，不過唔係重點。
「嗱」，朋友的開場白，「都話好多靚女㗎啦。」
「隔離嗰張枱啡色頭髮嗰個 ok，」我瞄一瞄說，「側邊嗰個係佢男朋友？」
「你問個 host 咪知囉，」朋友說完，已經向那個 host 揮手。
一個身穿羽絨背心的爆炸頭中佬笑咪咪地走過來，搭著我朋友的膊頭。
「呢個係我個 friend，」朋友指著我說，「Marcus。」
「Marcus 你好，」爆炸頭說，「做姓行呀？」
「傳媒，」我亂答。
「咁啱嘅？」爆炸頭雙眼發光，加倍笑容，「我都係做傳媒喎，你邊間？」
「大公報，」我再亂答。
爆炸頭都算識做，沒有即時收笑容，只是面容僵硬了一刻，說：「大公？大公好，大公好。」
「你呢？」我問。
他說的名字有點長，落筆這刻已經記不起，但我記得是一家寫財經寫到好似馬經咁嘅所謂金融媒體。
繼續寒暄一輪後，爆炸頭介紹隔離枱的客人給我認識，原來他們是爆炸頭的同事。
所有人都禮貌地向我笑一笑，唯獨是啡色頭髮身旁那位穿著 Thom Browne 的脹爆，不但沒有笑，還一手搭在啡色頭髮的椅背上，敵意的眼神發放著一個訊息：唔好亂嚟，she is taken。
其實故事已經說完，我想說的重點是脹爆身上的那件 Thom Browne 恤衫。
厚著臉皮也得承認，我骨子裏係一個名牌 L，所以我絕對明白名牌不能亂穿這個道理。
Thom Browne 的美學主義，其實是為那些，像 Eddie Redmayne 一樣，擁有文青身形的男士而設計的；我知，你好想話畀人知，你買得起衣服上的「四間紋」和「藍白紅」；都話啦，我都係名牌 L，所以我絕對明白買名牌的心態。
唔係叫你唔好買名牌，而係，既然中年發福，又想買名牌，就得買那些專為中年發福而設的名牌，例如 Dunhill、Paul & Shark、Aquascutum，細碼我都嫌鬆。
個人太脹著 Thom Browne，四間分裂成五間，Thom Browne 見到應該會嬲豬。
有自信嘅人，係唔會做「搭椅背」呢啲咁冇自信嘅動作，更加唔會脹到爆鈕都要夾硬著 Thom Browne。
講番啡色頭髮。
「我都係做傳媒，」我對著啡色頭髮說。
「係咩？邊間？」她好奇的樣子很是甜美。
「大公，」我說。
啡色頭髮掩著嘴巴一笑，眯起迷人的眼睛說：「你估我信唔信？」
本身已經是名牌的話，就算你著緊四九九一件嘅 Uniqlo，人哋都會一口咬定你嗰件係 Jil Sander。
#你又知UNIQLO四九九一件嘅
#名牌L啱啱買完
#不是廣告
#真係幾暖
paul訂位 在 at ease by Paul Lee 》訂位不易的立食台北餐酒館- YouTube 的八卦
... <看更多>