在香港時嘅偽中產日子與在英國的真生活（10）
去到英國，唔明白啲人經常話要完全融入社會。老實講，活咗响香港幾十年，我都唔能夠完全融入唔到依家香港個社會，點解可以完全融入晒一個咁多元文化嘅英國社會呢？
我覺得去到乜嘢地方生活，融入嘅唔係社會，而係融入當地嘅生活同尊重他人嘅文化，同時亦要尊重自己。盲目咁去改變自己而去遷就，咁係叫做扭曲個性，唔係融入。結果只係會自己辛苦😓。
我自己從來都唔會話自己唔係中國人而只係香港人，而對於外國人黎講，厘個亦只係族裔上嘅名稱，根本上係無政治含意。咁自己係黃皮，黑髮，用中文，唔通話自己係日本人或者係韓國人咩🤣？一切都係視乎自己嘅行為，多於名稱。
我經常都強調，外國人歧視嘅係行為多過種族。當然亦有例外啦，如果唔太過份的話，我覺得亦都係要理解喎，大家問下自己响香港有無多多少少咁歧視他人？
不過人在英國，語文嘅理解就一定要提升嘅。因為了解人地嘅生活同文化，係需要多聽同多留意。所以，我自己其本上每日都會睇本地嘅報紙（重幾份添），因為想知個社會左同右諗乜（响香港我都有睇文匯同大公嘅😜）。另外，電視亦會睇下，不過睇睇下就要睇咗美劇。不過BBC Parliament我就經常睇，唔係因為我特別留意英國政治，係因為我認為全英國最mean嘅人响晒度。唔洗錢有得睇有內涵嘅鬧交😄，香港真係無得睇。
英國人嘅mean，我諗都係世界知名。不過我本人亦响靚友當中出名口賤😝。自問自己英文唔好，不過解解能力都算係可以。好多人去到英國，成日話英國人比美國人有禮貌。其實，我相信咁諗嘅人一係就只係黎英國旅行，唔係就因為對英國人講嘢模式唔了解（厘個同英語水平好唔好係無關嘅）。
英國人講嘢係可以好「曲」嘅，而我嘅經驗講嘢最「曲」嗰班多數都係老人家。因為佢地嘅文化水平的確比較高，唔同新一代，無乜受美國文化影響。加上佢地某程度上，重停留咗响大英帝國年代。其實我諗厘個都係島國人嘅特色，大家睇下台灣同日本，講嘢都係好內斂嘅。
點解我知，因為我有兩三個咁嘅鄰居（佢地只係mean，但係唔代表係種族歧視）。親身經歷，話說有一日傾開偈（厘個都係文化，見到面係好多偈傾😀）。明明讀緊我阿女，好可愛又點又點，忽然問我幾個月後有乜打算（意思係重住响佢隔離幾耐，因為我阿女嘈）。我咪同佢講，有你厘啲咁好嘅鄰居，緊係就算加租都永遠都唔會走啦😝。第二日我兩公婆送咗盒餅比佢，之後就相安無事，重有時幫我地收貨添。
另外有一次，去一個town fair。我當時著住件美軍恤衫，牛仔褲，懶有形咁啦😎。又有一個我估都七八十歲嘅伯伯，專登走黎，用一個好不屑（但係帶著微笑）嘅眼神，話我件制服好靚，問我响邊度serve過。我咪笑笑口話我其實係boy scout黎嘅，不過年紀大咗啲，我黎係維持秩序，有乜幫到你😜？
無論點都好，整體嘅英國人都係友善嘅，尤其是town仔嗰啲。而且，我覺得如果唔係真係offensive，mean黎mean去係幾好玩嘅。至少有得笑下之餘，又可以繼續話題。唔會好似香港嗰啲假仁假義嘅「真朋友」，或者嗰啲一唔啱聽就發癲嘅「Haters」，再唔係就係第二句講：「係咁㗎啦」嘅零思考人好多。
#香港中產 #英國生活 #係容入生活 #唔係容入社會 #尊重別人 #尊重自己 #比人mean下唔洗死嘅
******************************
在香港時嘅偽中產日子與在英國的真生活 （9）差七個鐘嘅流星
http://bit.ly/2uyFoY1
在香港時嘅偽中產日子與在英國的真生活 (8.5)
http://bit.ly/2vl0hEK
在香港時嘅偽中產日子與在英國的真生活 (8)
http://bit.ly/2vQSyzR
在香港時嘅偽中產日子與在英國的真生活 (7)
http://bit.ly/2vGnphG
******************************
offensive中文 在 offensive中文-在PTT/IG/網紅社群上服務品牌流行穿搭-2022-08 ... 的八卦
找offensive中文在Dcard與PTT討論/評價與推薦，提供offensive中文相關資訊，找offensive中文就在網路品牌潮流服飾穿搭. ... <看更多>