從【羅生門】了解香港人聽歌傾向
（呢篇好長下……）
近日news feed被麥浚龍新歌【羅生門】洗版。我讀完網民對呢首歌嘅評價，直情覺得香港樂壇有救，然後的起心肝聽下首歌乜料。我嘅反應係：「有無咁誇？」
我自己聽歌，曲詞編唱一樣咁重要。老實講，作為一首K歌，【羅生門】旋律只係屬低質罐頭級，無咩高潮或亮點可言，聽完感覺係：「Twins 啲K歌黎架喎」，Chorus那段「那動人時光 不用常回看……」，這類「五個音 五個音」的旋律，以前堆K歌見唔少，作曲人伍樂城自己亦作過唔少，大家不如估下歌仔：「同學愛新鮮 戀愛大過天……」；「即使我們錯 不比他們多……」；「躲於衣櫃裡 躲於失落裡……」；「好彩我哭了 不必坐通宵……」；「淺水灣踐過 傷風都傷過……」以上全屬伍樂城作品。炒冷飯其實唔緊要，這類罐頭旋律都好常見姐，但碟冷飯唔好食嘛，K歌要跑出，其中一樣最緊要係旋律獨特、突出、入腦，【羅生門】，旋律上我不覺得做得出色。另外，編曲又係行貨，第一段Chorus之後果段Bridge個Arrangement（1:36 - 1:48），完全同【戀愛大過天】（1:12 - 1:22）同【精選】（1:39 - 1:51）個Arrangement 一模一樣，罐頭呀！誠意可以話係無乜。最尾麥浚龍同把女聲二重唱亦都係混亂，男聲段旋律同女聲段旋律和諧唔到，疊埋一齊玩二重唱聽得好辛苦，好簡單講：兩段旋律唔夾，好似細個去7仔買「自由斟」咁，溝可樂同芬達飲，但兩樣汽水溝埋黎飲會肚痾果種。玩二重唱的話，其實伍樂城作品【風箏與風】贏幾條街，咁點解會失準左呢？唱方面，麥浚龍本身唔係唱家班，但佢又未至於「音殘」，所以無期望下無失望，錄音室版本唱成咁，尚可接受。
救番首歌，大家都知係歌詞，黃偉文交到貨，切入女主角角度推翻【耿耿於懷】故事，係創新同有吸引力，最中意最尾「冰島／福島」的對比。首詞點樣灑狗血夭心夭肺字字鏗鏘正中紅心擊中毒男毒女糾結心事，本人唔洗多講，但可能本人感情生活未有大家咁多姿多采，所以呢類「灑狗血」系歌詞灑唔中我。
綜合呢首歌，係一首歌詞上乘既罐頭k歌，唔係好到咁誇張，但亦都唔係差。雖然【羅生門】曲編唱方面吸引唔到我，但好多人因為呢隻歌，啲人走去聽【吃鯨魚的人】【無念】等等更值得大家mention既歌，甚至留意番香港樂壇。
其實我諗全世界只有香港樂壇（或者係華語樂壇，無咩留意台灣同大陸）會將歌詞凌駕於音樂。因為歌詞被判死刑既例子有好多，例如莊冬昕幾年前作品【食軟雪糕】，「食軟雪糕 雪糕 雪糕……」比啲網民話歌詞on9而評為膠歌，踩到一文不值。若干年之後，泡菜國女歌手Hyuna出左首歌叫【Ice Cream】，歌詞同樣係不斷重複「Ice Cream Cream Cream……」，但大受歡迎，Youtube 七千幾萬hit rate。去到歐美，香港人所指既「膠詞」例子更加係數都數唔晒，Lil Wayne【Lollipop】：「She lick me like a lollipop…She lick me like a lollipop……x2046」啲詞係咪on9先？銷量五白金，贏格林美；我playlist 有首歌叫【Smell yo dick】：「Why you coming home, 5 in the morning, something's going on, can I smell yo dick?」啲詞笑死人，New York Times評為Best song of the year。
代表啲乜？代表香港部分聽眾無咩music sense，只係識歌詞定生死。不過唔係大家既錯，你讀書果陣幾時有見過音樂堂教music genre？教你吹牧童笛同埋唱啲歌詞唔岩音既詩歌咋嘛。
有啲music genre，歌詞真係唔係main factor。有時聽廣東歌，太留意太斟酌歌詞，而令到有啲本身melody好好聽，或者編曲好豐富好好玩，或者個vibe好catchy既歌被判死刑。
所以，其實我唔係最想講【羅生門】呢隻歌，我最想講，大家要多啲培養聽唔同music genre，咁樣先會令你唔會咁易因為歌詞導向你去聽咩歌，亦唔會剩係識分「快歌、慢歌、失戀歌、開心歌……」，而係識分「Hip Hop、R&B、Grunge、Pop rock……」。因為香港人忽略音樂性，但對歌詞敏感，所以係香港樂壇，曲編唱普通，但歌詞高質而成為大熱既歌比比皆是，而呢類型歌，好大部分係抒情歌 Ballad（俗稱k歌），呢個因果關係解釋到，點解啲人話香港樂壇剩係得k歌。所以，當聽眾培養到聽唔同music genre，成個樂壇就唔會剩係得k歌生存到。 有時香港樂壇死，又唔係「剩係因為」歌手廢，曲詞編監垃圾既，香港人自己都要培養下音樂觸角，咩都聽下啦。一句講晒：今年香港樂壇好活躍，都仲未死得晒既（好似係）。
延伸聆聽：
麥浚龍【羅生門】：https://www.youtube.com/watch?v=3YbUFul3d3U
Twins【戀愛大過天】：https://www.youtube.com/watch?v=F3P5WsIjvrM
Twins【精選】：https://www.youtube.com/watch?v=7n0BWvfBdzc
Honourable Mention：
莊冬昕【食軟雪糕】：https://www.youtube.com/watch?v=CD43nilOKQM
Hyuna【Ice Cream】：https://www.youtube.com/watch?v=QlWZluzBNxM
Lil Wayne【Lollipop】：https://www.youtube.com/watch?v=GsgrcYGDvmY
Riskay【Smell Yo Dick】：https://www.youtube.com/watch?v=lgWgEoaAYDY
new york歌詞 在 [問歌] 女生唱NewYork - 看板lyrics - 批踢踢實業坊 的八卦
1.您要找的歌是什麼語言的?(ex.中/粵/台/英/日/韓)
英文
2.男生還是女生唱的?
女生
3.快歌還是慢歌?
慢歌
4.其他能提供的線索
(歌詞/簡譜/曲風/何種樂器伴奏/是否為電影戲劇插曲/主唱聲音特色...等
如果連結內不只一首歌 請務必附上歌曲出現的時間 如01:30是什麼歌)
只記得女聲唱NewYork NewYork中間會特別拉長
在舞力全開和MIB都有出現這首歌
聽起來有點惆悵但很有FU
感謝各位~"~
5.如果您已透過網路搜索卻一無所獲, 請提供可以事先排除的歌曲
--
※ 發信站: 批踢踢實業坊(ptt.cc)
◆ From: 111.250.4.159
... <看更多>