《做空少？擺到明無前途啦》
「傻的嗎？有好工不做，跑來做空少。」
對於一個在公共屋村長大，土生土長的80後香港人，
最希望既，都係讀好書，住豪宅，揸靚車。
無錯，呢個係好多人既願望，
應該話，呢個係好多80後呀爸呀媽對你既願望。
安德魯跟很多人一樣，
從小聽教聽話，
成績不好，但又未至於很差，
勉勉強強升上了本地某大學的傳播學系，
畢業後找了一份自己喜歡的公關工作，好像一切都很順利的樣子。
但這種順利，我總係覺得人生差一啲野，
公關工作係非常有趣，很有成就感，
不過成就感往往不可以當飯食，
這一行不是你付出幾多，就能夠拿回幾多，
到頭來不單交出健康，而且人工永遠都是underpaid。
但我自己的確很喜歡做公關工作，因為每日都充滿挑戰。
再諗深一層人生差一啲野亦可能跟自己既讀書既經歷有啲關係，
未入大學之前，我覺得我一定會有得去exchange，
可以睇下原來世界那麼大，
後來我發覺我讀既大學係無得exchange，
當時我都幾震撼，
於是體驗世界呢個夢，我就放低了。
出來社會工作後，眼見愈來愈多朋友工作得一點也不愉快，
你試想想，你每天工作時間是朝9凌晨2，
假如周六日有event，你又要工作，
你會活得開心嗎？根本你連屋企人的時間都無，愈想愈心碎。
其實後來我也考上了一份MT，
即是前路很光明的management trainee，
雖然工資很多，但我一點也不開心，
因為工作中所做的，不是我要的東西。
後來因為我的同學當上了空服，
我就決定要尋回自己失去的熱情。
在入職前，早就了解到空少這份工作並不是一份筍工，
工時長，身體變差，
工資待遇差，又要抗jetlag，
更加要放棄升職機會，因為平均升一個職位最少也要8-10年，
學d同學話齋，做空少真係無前途，
又低人工又俾人睇唔起，但依然有同事放棄會計師、法律、建築師的身份入來做，
咁又係為左d乜？
我既體驗，好多人都係為左自由。
空少呢份工，可以換俾我既係自由，
因為完成一班flight後，你放工就是真正放工，
唔使將工作帶回家。
Office work，你放左工，都仍然要收到老細呀姐既whatsapp email，
其實你覺得你有放工麻？
做空少，即使係機上啲客同同事有幾衰都好，
反正之後都唔會見，當然另一個吸引我留係度既原因都係因為假期比較多，
唔使放星期六日，唔使係香港同人逼。
雖然，我唔知道，自己會做呢份無前途既工做幾耐，
不過做呢份工令我走過了世界很多地方，
這就是我的夢想，我是一個幸福的人，
最少我要做的事情達成了。
你話屋企人有無擔心過我做空少呢份工，
我可以話你知當然有啦，食無定時，
要消失就真係會無啦啦消失左。
不過到依家，我仲信呢句說話:
"Do what make you happy!"
呢個係我做空少最深既體驗，
即使係無乜前途，公司既待遇又唔係特別好，
不過我好appreciate自己當時既決定，
因為做空少後，我的確開心了很多，
我唔知道自己仲會做空少做幾耐，
但最少呢一刻，我享受到人生的美，
我也很愛自己既工作。
IG：www.instagram.com/drew.fa
FB：@貪玩空少安德魯
