坦白講，我好怕大時大節。
以前單身驚寂寞，而家拍拖就驚令人失望。
頭一兩年還好，女朋友收到咩禮物都覺得開心，但日子耐咗，需要嘅心思同浪漫都會多咗，唔係女朋友會唔收貨。
有一年聖誕節，我真係忍唔住，好苦惱咁同女朋友講：「我真係諗唔到送咩畀妳⋯⋯Sorry。」
情侶嘢送過晒、親手寫嘢畫嘢又試過，喂大佬咁多日子要送禮物，仲邊有橋呀？整手工又要花好多時間⋯⋯
女朋友呆咗一呆，笑住同我講：「咁呀⋯唔使送啦！唔緊要！」
我恐防佢口不對心，再問多次：「真係？咁我真係唔送㗎喇！」
結果，我當日乜都冇準備，但佢又冇因為咁而發脾氣、黑面，反而係我有少少內疚，尤其當佢用好羨慕嘅目光望住Facebook上面，人哋好開心咁慶祝同收禮物，我好內疚。
突然覺得，同女朋友嘅關係之中，好似錯過咗一啲嘢咁。
然後，下一年嘅聖誕，我同佢講：「乜都唔送好似又唔係太好⋯⋯」
「唔緊要啦，你忙嘛，我明㗎。」其實我知佢點都有少少失落。
「我有個提議。」我拖住佢隻手：「有個兩全其美嘅解決方法，禮物一定要送，但大家都送啲簡單嘢畀對方？唔使有壓力，但又可以保持收禮物嘅驚喜。」
「好呀！你送咩我都會鍾意！」女朋友終於笑番。
「咁等我帶妳去一個地方。」我懶神秘咁講。
呢間舖頭，女朋友好鍾意去，因為有好多好得意、好精緻嘅嘢賣，一入去就又睇呢樣、又玩下嗰樣，已經好滿足好開心。
同女朋友講隨便揀聖誕禮物，買咩都得，佢就好似小朋友行咗入個樂園咁，一路笑一路揀，樣樣都話想買。
「咁樣會唔會好唔浪漫？」我將份禮物放喺女朋友手上。
「最緊要唔好有壓力。」女朋友成日都咁樣同我講，任何心思、浪漫都要出於自願，否則冇意思。
及後，每個大時大節，我哋都會去呢間「包保有嘢啱對方」嘅舖頭買禮物，有時保持神秘各自揀，有時驚對方買錯嘢，仲會一齊揀一齊畀錢，無損節日氣氛。
「你仲肯送嘢畀我，已經好開心。」
女朋友好滿意佢收到嘅禮物。
好多人都話，節日只係商人用嚟賺錢嘅方法，我曾經都咁諗，但又諗深一層，節日係一個我同佢一齊開心下嘅借口，人愈大愈需要識得搵機會開心下、癲下，浪漫下。
珍惜每一個節日，因為唔想錯過同妳嘅每一份快樂。
#LogOnHK LOG-ON official page
logonhk 在 LOG-ON (logonhk) - Profile - Pinterest 的八卦
·@logonhk·. LOG-ON 糅合優質生活理念，精心搜羅世界各地的最新商品及大量潮流特色玩意，讓你體驗品味生活。 http://www.citysuper.com.hk. 445 followers. ... <看更多>