【燒肉】朗豪坊LAB10
$248 九十分鐘任食無煙燒肉，
打卡些牙送價值$258海鮮拼盤。
繁忙時間門口員工做事感覺有啲急，
但入座後發覺接觸過嘅員工服務態度都OK。
坐低見到已經擺好嘅兩隻燒肉夾上面有明顯上手痕跡，
唔係一點餸汁嗰啲漬，
係一嚿具體疑似食物嘅東西黐撚咗喺夾s嘅內則，
加s係因為兩隻夾都有，
但同員工反映後已經立即換咗個無漬嘅過嚟，
多謝幫忙。
任食可揀8款肉類，
薯條、沙律、Lab10飯、梳打汽水全部任叫，
同每人一兜芝士醬。
芝士醬係好稀嘅疑似白汁溝芝士碎，
就算煮溶咗芝士碎都無乜芝士味，
質感味道都可以話幾差。
薯條係正常嘅粗身直薯條。
沙律係酸酸味味溝沙律汁嗰種蔬菜沙律，
唔算最新鮮，
但正常OK可以食。
任食得肉都唔好要求有乜嘢質素，
咁我就唔多講有幾平庸，
至少無壞無臭。
不過大部份比較厚身嘅肉，
就算當中叫薄啲嘅牛脷，
都係好撚冰，
又或者未完全退冰，
所以真係好撚難燒，
好易出面熟入面唔熟，
或者入面熟出面好燶，
可能真係因為我唔識煮嘢啦吓。
海鮮無嘢好講，
不過隻蝦竟然有蝦味唔霉，
係堆冰肉入面食到隻咁嘅蝦，
都幾驚喜。
全餐最最最好食係碗飯，
正常米，唔係特別有飯香，
但質地算係咁，
加埋隻鵪鶉蛋黃同幾塊紫菜，
好彩我係飯桶，
如果唔係今餐真係無啖好食。
BTW 漏咗講，
真係無乜煙，
燒完個身無臭，
呢方面真心覺得幾好。
利申：自費，以上價錢要再加一
lab10 在 朗豪坊高CP韓式烤肉午餐-Lab10 - YouTube 的八卦
朗豪坊10/F Lab10 $108 75分鐘任食-牛五花豬五花雞翼雞扒。食烤肉，唔好掛住傾計，記住睇火，否則.....唉，不要再說了*face palm* ... <看更多>