今日見到個page突破一萬個like~ 雖然唔係咩豐功偉績，但係係一個小小的肯定，起碼我地做既野有群眾認同，音樂有人聽。諗番起識佢地時有d得十歲仔，帶佢地出去表演同玩就係湊仔咁款，樣樣事情都要照顧周到~~ 到到呢家其實可以話係拍擋~~ 一齊做音樂。呢五年，我地幾乎咩台都去過哂、咩傳媒的訪問都幾乎做過，由小學生男孩子心聲唱到香港社會發展，呢個旅程真係好精彩，原來計計下, 年紀少少的佢地暫時人生三份一既時間都係呢隊BAND度。
正如我在1223音樂會的分享一樣，由揮筆寫2011第一首「男孩之歌」開始，寫到2015年吸引左二百五十幾萬點擊，其實都係本住一份「唔甘心」。唔甘心青少年會睇少自己、唔甘心有人會睇少佢地、唔甘心香港的小朋友/年青人被誤解、唔甘心香港就係咁利字行頭、音樂就係要情情搭搭、讀書就係要死讀兼磨滅人自信、唔甘心要貧富懸殊...(仲有好多個唔甘心, 詳情聽番我地歌詞）。就係呢份唔甘心令我行到今日，多謝所有支持過我地既朋友。我地仍然有所堅持，不嘩眾取寵、不盲目順應市場、不作過份的修飾，用最真誠的心做音樂～ 而且是要做更好的音樂，用音樂感染更多人。呢個故事仲未完，我地會繼續落去。Thank god for this amazing journey! #keepgoing #向夢想進發你也別呆坐 #男孩之歌勉勵你我
(真心話) 多謝大家，我地呢隊band的page超過左一萬個讚，雖然比起好多傳媒/主流歌手來説，不算是個大數字，不過對我地八個中學生來講，突破五位數字係一個里程碑。我地由小學五年班(10歲👶🏻) 開始識左大家，係一個好特別的情況底下開始作歌、唱歌、錄音，仲記得我地一開始咩樂理樂器都唔識，跳舞又唔自然，唱歌又甩beat走音咬字不清樣樣齊，到今時今日可以幾乎每人都識玩一種樂器同夾band，唱歌叫入到耳，跳舞都ok la~ 真係好開心。
呢五年，我地去過香港大部分地方演出，包括小屋邨的羅馬廣場、商場，大至文化中心、伊館、不同大學禮堂，真係好難忘。我地由Big Boyz Club開始計，由童聲唱到變聲，做左五十幾首歌，雖則唔係天生超靚聲，不過我地放學、放假時錄音，放左最多既誠意做音樂，而大家應該可以從我地作品推出的次序聽到我地既進歩和成長。在此，我地好想多謝所有支持過我地既朋友，特別係買過我地唱片、鼓勵過我地、來睇過我地演出的，無你地支持點行到今日？也要多謝我地兩位前任成員，阿蘇同峰。🏃🏼
經過左好多事，我地Boyz Reborn大個仔啦，唔再只係玩玩下。我地好鐘意音樂，希望繼續做一d有意義既歌俾所有既香港學生、市民同埋俾我地既屋企---香港。未來我地會努力做多d新歌，出去多d地方演出，同唔同既團體合作，令更多人認識我地既音樂，推廣呢隊band的理念。我地相信音樂能夠影響人、改變呢個社會，希望大家同我地一齊Reborn，繼續追夢，勿忘初衷。 --- Boyz Reborn
#無論你係咩身分地位 #擁有幾多財富資產技藝 #年紀大小同肥瘦高矮 #仍然可以為自己既夢想企出來 #時代感召
