// a b o u t f r i e n d s h i p
關 於 朋 友
做左呢份工之後，會多左幾個你唔講唔記得係朋友既朋友。
「我都好想考空姐呀！你嗰時interview呢問d咩架？」
「你下次去歐洲可唔可以幫我買個Chanel？」
「有無同事介紹比我識？」
「搵你買機票係咪有得平？」
「下次飛溫哥華可唔可以幫我帶D野？我有親戚喺嗰邊啊。」
⋯⋯
⋯⋯
⋯⋯
屌你啦。
不過今次講既，唔係呢D自撚獅或者虛偽能，係一啲做呢份工前已經係朋友，到而家仍然係朋友既朋友。老老實實，我都知我地好難頂，真既。
（I）成日用iata airport code代替地方名（而不自知），例如「我下星期飛cdg（paris）啊」～「你旅行去fco（Rome）咁好既？」
又或者不知不覺間用上航空業術語，成為話題終結者，例如問人幾點到，會話「wt's yr ETA？」，無啦啦「我聽日G啊不如食飯？」令人R爆頭。
（II）永遠唔會喺你生日正日同你講生日快樂。
因為一飛美加機就無左廿個鐘，到左個腦function唔到又計錯時差，有啲機到埗之日已經係兩日後，又或者，佢根本唔知今日係幾號。
（III）同佢約星期幾食飯，佢會露出一臉茫然既樣。亦永遠confirm唔到gathering黎唔黎到，因為roster未出，出完又要調，又或者要standby自己都唔知自己聽日飛邊。
（IV）大言不慚講出非常離地加屎忽既說話。「唔好喺香港買啦邊到邊到買平D！」「下sushi train / lady m 喺日本 / newyork係old news 啦，我唔會排隊食囉。」「長機我唔坐business class會死架。」
係，係好bitchy，不過係真家嘛⋯
（V）同佢出街，隔幾個字就會唔見呢唔見路「咦我個電話呢？」（你揸住左）「丫我好似漏左銀包呀」（永遠都喺個袋到搵番），同你講完「比D相你睇丫！」之後唔記得左想比咩你睇。
唉，sor9ly，你試下日復日要記百鳩幾個名 / meal choice / drink order，其實好難唔腦殘。
（VI）facebook成日post靚景美食令人十分葡萄，但其實佢唔係想show off，只係唔影低番香港之後連諗起岩岩飛完邊都有難度。
（VII）成日約你都係聽日、即日、今晚，令你懷疑自己係咪比人zip時間。唔係呀，屌，真係唔係，因為佢真係唔知原來自己係得閒同有精神。
（VIII）做出戇鳩舉動，例如夠膽死出街可以成個銀包都得美金台幣歐羅，但係得幾蚊港紙。
（IX）個人好毒。成日寧願留喺屋企都唔出街，但其實喺屋企都係無所事事，要迫佢先捨得出街。出到黎又打曬喊露，唉佢回味緊岩岩班機比D客蹂躪。
好啦，講到呢度，我真係好多謝到而家仲keep到既朋友。入職嗰時有位前輩同我講，「空姐到最後都會得番空姐朋友🚬」，我當時似懂非懂其實十分驚恐。
嗯，我覺得如果你朋友見過你好似上面咁既情況都無嫌棄你難頂，都好難有野考驗到你地既友誼。
喂，你啊🌝下次見面放個屁俾你聞啦！（香嘅，落機之後供應特多。）😘
攝於central park, nyc.
iata code 在 Airline and Location Codes Search - IATA 的相關結果
Official directory of IATA codes used by airlines and airports, ... 3-letter code of an airport location or identify which airport uses a particular code ... ... <看更多>