［百萬富翁，擁有全球一半財富］其實都不用多講，但講親大家都有切膚之痛，不妨一講再講。有錢人越嚟越有錢，百萬富翁（美金啦下）擁有世界一半財富。2017年全球財富去到200萬億美金（其實係咩概念？），按年增長12%，當然多得股市造好。而增幅最大嘅當然係亞洲區—當中六成係中國持有。
百萬（美金）富翁，就掌控咗全球一半財富，2012年「只係」45%。留意呢份報告係BCG Boston Consulting Group做嘅，份報告分開五種人，廿五萬美金樓下嘅，叫做Retail（中文：可以不理），廿五萬美金至一百萬美金嘅，叫做Affluent．一百萬美金之上先叫High Net Worth，再分Lower Upper Ultra．
最重要其實係中間嗰段: 唔代表窮人越嚟越窮。個個都越嚟越有錢，只係有錢人有錢得更加快，咁解。所以成日話自己好窮好慘嘅，其實主要係眼紅其他人（我講的）。
中國百萬富翁數目仲係落後於美國，但其實帶動中國財富嘅係Affluent，廿五萬美金至一百萬美金嘅呢班小資中產，增長得極快。
至於講財富最高度集中，首先係中亞，同埋東歐。億萬富翁(Billionaire, 其實係十億富翁)持有四份一嘅可投資資產。
香港都唔差，甚至仲勁，兩千萬美金以上嘅，持有一半。Millionaires Now Own Half of World's Personal Wealth
high net worth中文 在 高净值人士- 维基百科，自由的百科全书 的相關結果
高净值人士（HNWI）是金融服务行业的某些部门所使用的一个术语，用于指代其可投资财富（如股票和债券等资产）超过给定金额的人。通常，这些人被定义为持有价值超过100 ... ... <看更多>