《誠邀註冊營養師加入Nutri Life！》🤗
Nutri Life 智悦嘅理念係“eat SMART, not less”，減肥都要食得「開心」食得飽！
一路以來，我哋都好希望可以幫到更多朋友食得更健康。亦因為咁，Nutri Life 宜家要增聘人手喇！
如果你有相同理念，都想透過飲食去幫更多人改善健康，我誠邀您加入Nutri Life！而要成為我地嘅營養師，首先要具備以下幾個條件：
第一，必須係有醫院實習經驗嘅註冊營養師，澳洲、英國、美國都得！因為我哋提供嘅營養諮詢服務範疇包括控制體重、高膽固醇、糖尿病、脂肪肝、痛風、腎病、孕婦及產後飲食、小童營養等等。
第二，對營養學熟悉。要有熱誠、認真、好學，願意持續不停睇研究進修。因為我哋除咗顧及食物熱量，更要考慮全面嘅營養素。會員交得健康俾你，你就一定要提供最真實最有科學研究支持嘅營養建議。
第三，必須要有同理心、細心同有耐性，願意聆聽會員嘅感受同需要。你要考慮到會員嘅食物喜好、工作及經濟狀況，而作出最貼合佢哋需要嘅營養建議。
第四，鍾意食，即係foodie！咁就可以不斷為會員發掘更多又好味又「有營」嘅零食同餐廳選擇啦！最好你亦都鍾意煮嘢食啦！
講明先，呢份工都會幾忙㗎，除咗同會員做營養諮詢，有時仲要做烹飪班、設計食譜、講座同傳媒電視訪問添！
不過，我可以好肯定咁講，作為Nutri Life 註冊營養師，你會好有成功感，尤其係可以見證住會員一步一步變得健康，甚至當你係真正嘅朋友，好錫你。
如果有興趣加入 Nutri Life ，同我地一齊食一齊幫人，就將履歷發到我地既電郵(NutriLifeHK@gmail.com.)啦！
或上JobsDB 睇詳情！
https://hk.jobsdb.com/hk/search-jobs/dietitian/1
#加入溫馨小家庭 #一齊食一齊笑
#最緊要有心幫人
#hayley同我好期待新同事加入
#搬大啲俾個更舒適環境大家
