打橫嚟講：食屎食着豆嘅沆瀣一氣
哎哎呀！立法會之「拉布戰」，受一男子出言施壓下，曾鈺成主席立即跪低，出招強行「剪布」。
作為花生友，立法會「拉布戰」確實精彩，起碼好睇過無綫嘅大陸劇《西遊記》。
「拉布戰」不特止娛樂性豐富，仲令人看清楚香港垃圾議員的卑劣之外，還極具文化學習性，因拉布議員往往拋出一大堆成語名句，叫人重溫中國語文課，例如，梁國雄議員斥罵陳健波都唔係做保險工作的，卻代表「保險界」做立法會議員，咁就係功能界別的畸胎現象，如此荒謬只因功能組別的議員，全是傀儡奴才舉手機器之橡皮圖章，陳議員黐埋班「激進土共保皇黨」，正正係「食屎食着豆」嘅「沆瀣一氣」也！
嘩吓！喂！大佬，彈句「食屎食着豆」嘅「沆瀣一氣」，長毛，你擺明玩嘢啫！
以班高學歷嘅民建聯博士級議員，例如葛珮帆博士和鍾樹根博士，叫佢哋講「ink門」（英文）就OK la！「食屎食着豆」，佢哋都識，但係……讀「沆瀣」二字？no way囉！
「沆」，音「杭」，大水之貌也！「瀣」，唸「械」，海霧或夜霧解。「沆瀣」，是「夜間的霧氣露水」意。而「沆瀣一氣」，則是「臭味相投之人互相勾結」也！它的典故跟上述「沆瀣」之「水霧」無關。源自唐代考生崔瀣參加科舉考試，成績不佳，卻被考官崔沆錄取了，遂這同出一氣的勾當，則比喻為「臭味相投」囉！
當成班禮義廉舉手機器，像Tree gun巴打英語發言之「you are all always dreaming on（應係in）your office」時，究竟知唔知乜嘢係Shame on you！定係全部same on you呢？吓！
彭志銘
次文化考古學家，對城中潮語有深入研究，博徵博引，廢官廢人行埋一邊。
歡迎add我facebook一齊(目及)實政府
gun潮語 在 英文縮寫潮語 - YouTube 的八卦
Including results for: 英文縮寫潮語 Search only for #英文縮寫潮語 ... 【潮語系列】常用英文縮寫英文潮語| YOLO / FOMO / ASAP 意思? | feat. ... GG是Gun Gun??? ... <看更多>