【激死老豆搵山拜】
學校有貓頭鷹都可以唔記得！佢日頭要瞓覺你又知！
話說好多個星期前，阿女讀嗰間Pre-school出咗個email好隆重咁通知家長。話有一日會有保護動物機構，會去學校做宣傳工作。作為港式怪獸，我覺得有啲倉鼠同烏龜之類嘅小動物比小朋友接觸下都好正常。原來當日唔只有倉鼠，有雪貂、刺蝟、隼，重有隻貓頭鷹！
所有動物都唔係响籠裡面嘅，响香港間學校死緊（咁多野生動物咪好多箘囉）！我真係想象唔到，一間普通到唔普通嘅鄉下pre-school會有咁活動嘅教學。
唔係我唔留心，學校事前真係無講過動物嘅種類。最後我點知就係重點。嗰日放學我問阿女有乜動物，佢話guinea pig囉。重有呢？無喎（吓）？
到我收到weekly update嘅時候，有相為證係好多動物嘅。我明明見到有張相阿女笑口噬噬咁指住隻貓頭鷹（竟然話無喎）！我唯有再問下佢，佢嘅答案可以話係激死老豆搵山拜！「係喎，你問我嗰時我好眼瞓，唔記得咗。」
跟著我沉著氣，繼續問佢貓頭鷹有無叫比佢聽。佢好得戚咁話：「緊係無啦，佢天光嗰時要瞓覺嘅，你都唔知道！」番學嗰時個魂魄可以飛到唔知去咗邊嘅，但係又可以記得人地講嘅嘢。阿女你想點呢？
#見過乜唔知道
#學咗乜又知番
guinea pig香港 在 我的天竺鼠肥豬仔、貓貓、妹豬接受訪問 - YouTube 的八卦
【Fatbe Diary】天竺鼠可以吃的十種常見蔬菜~ Guinea Pig like ten vegetables（請適量，不要過度飲食！！！） Fatbe Diary天竺鼠成長日記. ... <看更多>