最近成日係Facebook講我自己既品牌《boyhood.》，老實講我自己都開始覺得自己好煩
不過自10月31日，品牌正式公開發售開始，見到好多關於《boyhood.》既網絡評論
打算簡單回應一下。講埋呢次短期内唔打算再講。（短期可能係1日，兩日，或者6個鐘頭。）
1，香港製造？香港有製衣廠咩？
我地第一批推出既呢款Tee（包括下一批推出都係），
係係葵涌既一個廠房度，由幾位有多年製衣經驗既姨姨
負責【剪裁】，【縫紉】，【包裝】，再出貨到我自己係九龍租用既貨倉，再送到大家手上。
我標明D Tee係【香港製造】絕對正確。
除非你要話D棉花唔係香港度種，咁你贏囉。
2，賣$278一件咁貴，我不如買件$68 U記？
首先，我自己都好喜歡U記，睇得我多既觀衆都知道我好鍾意買Uniqlo同GU
如果我可以做到好似呢D超級連鎖牌子咁，下下生產一百幾十萬件，我都可以賣得好平。
可惜現實就係，我每次只能生產一百幾十件。
生產量少，單價自然貴。成本貴，自然賣價會貴。
3，質地又唔係好
你都未摸過，你又知道唔好？
每個人標準唔同，但我可以大膽講句，呢批Tee既質地係數一數二地好。
有買到我推出既口罩既人就知道，我無吹水無作大，好就係好。
不過無實體店呢個問題，的確好難憑幾張相去判斷質素。
我會考慮下揾合適店鋪，傾一傾租借位置去做pop-up store既問題。
等大家可以實際摸到D衫既質地。或者買左既朋友可以去返我地網店留個評價。
4，之前搞咁多野，原來只係想賺錢。
我做生意當然就係想賺錢啦，唔通我分享喜悅搞手只求打個和，做義工啊？
上面已經講左，我成本貴，但老實講價錢都算中下，已經賺唔多。
學某D品牌咁，大陸造Made in China，成本壓到盡，再賺多你30%~40%唔好？
點解我要咁on9成本貴到乜咁都要搞香港製造？
另外我係咩立場大家有眼睇。
我放棄左幾多大家有眼睇。
不過係呢D人眼中，我一係比人斬，一係比人拉去坐監，先至唔係「扮」。
你唔信我係香港製造，覺得我有欺詐成分既，報警拉人封舖啦。
我做乜都對得住自己，對得住人。
講完。
HEY~ 《boyhood.》所有第一波產品現已公開發售，你買左未呢？
▶ https://www.boyhood.jp/
馬上去選購《boyhood.》original產品，買滿港幣$600免運費(只限本地)
仲等？賣曬就無架喇！（呢一批）
gu網店 在 GU的品質(? - 女孩板 | Dcard 的八卦
沒逛過實體店面但常看到學校某些女生拿GU的袋子走來走去網路上滿多人說品質很差的想聽聽各位穿過的女孩怎麼看如果跟H&M 比起來如何呢？ ... <看更多>