《一班冇選擇嘅窮人恥笑有選擇嘅有錢人選錯... 》
哈羅話為左prepare D 學生應付2047，以後教中文都用簡體，而IB亦有意喺2020年取消繁體中文課程及評核。有人Comment 話比咁多錢讀貴族學校/國際學校，竟然要學次一等嘅殘體字，係蝕水，學殘體字其實更加對學習中文冇益... 下省億萬字。
幫D 學生prepare 定2047…
其實以而家科技發展嘅趨勢，到2047年分分鐘手語甚至地下嘅曱甴講咩，google translate都翻譯到，prepare 定2047明顯係冠冕堂皇嘅藉口，好明顯入讀嘅有錢仔好多都係大陸人，間學校只係行個方便， 就返佢啲大陸土豪客仔。舉辦IB 課程嘅國際學校都係一樣，人哋打開門口做生意，當然係秉承顧客永遠是對嘅原則，好好經營呢盤生意。
一直以來普教中，同埋改用簡體學中文，對我嚟講，最大嘅啟示並唔係簡體定繁體對學習中文，邊樣多啲益處，亦都唔係邊樣對學生面向世界發展有更多嘅幫助(當然啦，好多人嘅世界只有大陸)。香港推普教中，同埋改用簡體學中文，對我最大嘅啟示，係明白有錢人同冇錢人嘅分別...
你係有錢人，你係有選擇...個班讀哈羅或者take IB course 嘅人，係自願送上門去學普通話同殘體字...
你係窮人，係被動架....成日都話改善教育制度，所以要不停改革。佢係有不停改革，但改唔等於有好到架，不停原地踏步，D 窮細路就好似六合彩D ball咁，喺同一個搞珠箱入面，不停比政府同個教育局搞。而冇論D balls點排列，都只會被動，而且不由自主咁比人安排同選取。喺香港做窮學生就係咁，你只可以喺佢設定嘅箱入面等安排。佢要你班學生成為政治工具please 大陸，你就要學普通話寫殘體，佢要please 大陸學生，佢就要香港D 學校迎合大陸學生。
你冇錢你就只可以局住喺個制度受委屈，頂盡不停complaint。你只有成為有錢人，你先可以擺脫呢個制度，去選擇唔讀本地學校。
你班窮人可以恥笑班有錢人選擇殘體係錯，但係佢選錯，佢最少都有選擇
(有人話，你有錢讀IB，讀私校，IB 轉用殘體你都局住要讀殘體學中文... 其實你有錢，你可以IB 唔讀中文，讀其他languages，再搵個學庫五居嘅繁體專家學中文)
冇選擇嘅窮人，有資格笑有選擇嘅有錢人咩?
你係窮人，你最應該笑嘅係自己，笑自己冇能力去fight for 一個好環境比自己嘅細路，冇能力比錢令個細路skip 左政府對佢地嘅SM。一班冇選擇嘅人恥笑有選擇嘅人選錯，係等於喺香港讀asso嘅人，笑人去外國讀野雞大學，笑人成績比自己更差。讀野雞大學嘅有錢人多嘅除左係錢，仲係選擇。
我地努力，唔係想改變個世界，而係唔想比個世界改變我地。咁而家就可以好肯定話你知，你要好努力搵好多好多錢，你先可以保障自己同自己嘅細路，skip 左呢個世界唔合理嘅野，走出呢個困局，唔比個世界改變左你。
你冇能力改變個社會而好不滿，又冇錢比個仔女escape 呢D 惡夢，你應該唔好生... 而唔係生左之後， Complaint 自己個仔冇得選擇好可憐....係你帶佢來一個冇得選擇嘅世界。
葉建源比人問，對於IB 取消繁體中文課程及評核，佢有咩睇法，佢話IB初中課程轉用簡體係大勢所趨…
聽到嘅時候真係打左個突，人地係問你嘅意見，唔係要你分析現狀。個勢係咁，你講述一次個fact 我知有咩用，我地就係想知而家個勢搞成咁，唔想咁，可以點。有佢代表教育界，你咪明點解香港D 教育咁差囉。
PS.又其實，讀得哈羅同國際學校嘅人，根本唔會care 用殘體字學唔學到好中文。因為大部份有D 錢嘅大陸人，最想嘅，就係話比人知「我唔識中文，我英文比中文好」，因為有錢嘅中國人，係最想用盡一切嘅方法，去否認自己係中國人，英文好過中文，就係最佳洗走自己陣中國味嘅方法。
google translate繁體中文 在 徹底改變您既試算表工作流程Google 翻譯跨語言 ... - YouTube 的八卦
google #googlesheets #googletranslate # Translation ... bg Lithuanian lt Catalan ca Macedonian mk 中文 (簡體) zh-CN 中文 ( 繁體 ) zh-TW Malay ms ... ... <看更多>