<<大家覺唔覺得，我哋集體變得劣質咗>>
唔知道其他地區係點，但我感覺上，香港人嘅品味係變得越嚟越差，我哋係集體變得劣質咗。 從衣食住行各方面，都觀察到我哋係變得劣質咗。
之前蔡瀾話火鍋係冇文化價值，將所有嘅食材擺入去煮，咁唔使請廚師啦，佢呢句說話係可圈可點。我反而覺得冇文化價值嘅唔係火鍋或者打邊爐本身， 冇文化嘅係大家唔知由幾時開始鍾意大陸火鍋嗰陣味。大家竟然集體鍾意嗰陣，重咸重辣重油重味精重口味。 好似唔係食緊食物嘅本身，而係食緊嗰陣味。無論你擺咩食材入嗰兜麻辣湯，嗰樣食材都會淨返嗰陣味。 情況係exactly好似韓國食物，乜嘢都有嗰陣泡菜味。
麻辣味好大陸，孜然粉更大陸，有朋友叫孜然粉做大陸粉，呢個形容詞真係好貼切，唔知點解所有嘢一加咗孜然粉，嗰陣味就好大陸。食物嘅原味俾大陸味完全覆蓋，乜嘢食物都變咗同一種味。食嘢唔係就係想食唔同嘅味？如果將所有食物煮成同一種味，咁有咩咁好味？ 我哋同熊貓有咩分別？ 每日食同一種竹味嘅竹葉，我哋明明係高智慧生物，點解會將所有嘅食物煮成同一種味。
我哋著衫品味都係差咗，有人話因為globalization同引入fast fashion，我哋著衫taste愈來愈單一，其實fast fashion唔係globalization，根本係大陸lization，因為我哋人人都集體幫親世界工廠，made in china, 抄百家之大成嘅products。以前我哋仲會拎住本milk magazine, 睇 cosmopolitan, 睇下有咩靚時裝，學點襯。 以前我哋係buy less但係buy better, 但而家大家都只會去買著到一季嘅fast fashion , 買嗰啲其實每一季都差唔多款嘅劣質衫，表面上每件衫平咗，我哋買多咗，但其實細心睇下， 款式設計冇以前咁精緻，質地差到頂唔到一季，而且仲人人都會著差唔多款，明知著唔得耐，揀衫都求其咗。
唔只食嘢同著衫變得求其咗，單一咗，劣質咗。化妝打扮住屋興趣都係一樣，變得單一求其是但冇要求。 大家都集體鍾意韓式平眉， 鍾意用幾個鐘排隊買喜茶， 鍾意睇十大乜乜乜必買必食必旅行必玩樂，總之好似冇咗大隊，冇得跟機，就做唔成人。
買嘢食嘢玩樂喜好品味， 變得劣質都算啦...最大鑊係接收資訊都變得劣質。
比起以前，大家好似接收快咗多咗好多資訊，但最大問題在於， 大家接收嘅資訊，都係同一個source，大家都好懶， 好求其好就手，搵料接收資訊， 人人都google, google都唔緊要，但人人都google咗 第一個page就下結論。以前搵資料難啲，但大家會用心啲，會主動求證，喺唔同嘅渠道搵，搵唔同嘅資料gather 埋一齊。由於而家我哋得到得太易，個人都畀人train 到蠢咗，懶咗，劣質咗。
有一種感覺係，香港人就好似而家打邊爐嗰啲劣質食材，香港嘅環境就係大陸麻辣火鍋嗰陣味精湯底，我哋一班香港人而家浸咗落去個劣質重口味火鍋湯入面，係咁滾下滾下 ，滾到大家都變得劣質咗。可能係因為我哋嘅生活困難咗，我哋喺衣食住行各方面，都冇咁多錢去追求，更加冇時間去扭轉劣質嘅命運。
大家繼續喺個大陸湯底滾下滾下啦，滚耐咗，大家都有嗰陣味，慣咗，就唔覺臭架啦。
fast fashion香港 在 fast fashion香港在Youtube上受歡迎的影片介紹|2022年12月 的八卦
fast fashion香港 在Youtube上受歡迎的影片介紹|，提供fast fashion香港,fast fashion壞處,Fast fashion brands HK,fast fashion原因相關Youtube影片， ... ... <看更多>