error自肥企画主題曲歌詞的八卦，Yahoo名人娛樂都在討論

【 點解《ERROR自肥企画》主題曲唔係ERROR主唱？】

係勁嘅！

係CLS嘅！

由賀志良監製的「限制級」ERROR真人騷兼「變態」綜藝節目《ERROR自肥企画》於周一（3／5）在ViuTV首播之後，隨即成為網絡熱話，單單是接近「神還原」庵野秀明《新世紀福音戰士》的少少鹹少少趣片頭（連字體都跟足），以及由Mike導率領「無制限OT合唱団」主唱的《無制限OT編集団の行動綱領》，已教將軍澳的TV Buddy汗顏，畢竟公司文化與觀眾群決定節目風格，內容上「玩到咁大」 ── 包括那些爆丸或者彈〇〇的情節 ── 高層不Hands Off、觀眾狂投訴，又怎會成事？當然關乎企業形象如何，試想想，同一個畫面，換了三色台台徽，可能引來的只有無盡負評，狂鬧節目低俗教壞細路，負責度橋的幕後團隊心機盡廢。

至於《無制限OT編集団の行動綱領》這首歌 （https://bit.ly/33ldgGw） ，威力其實不比節目橋段遜色，那些唔啱音的歌詞：「公司又要我哋開新嘅節目／係咁OT我畀埋條命你好冇？！」，堪稱本地樂壇「年度MIND F╳╳K至尊歌曲」，一聽番唔到轉頭，仲會想不斷Loop住聽（有朋友說，要在YouTube重聽高橋洋子的原唱版《殘酷天使的行動綱領》／《残酷な天使のテーゼ》來「洗腦」 https://bit.ly/3nUc3zj ），就連「皇上」張敬軒也在Instagram限時動態力讚：「首主題曲係堅勁！」而ViuTV的網絡推廣小組亦相當識做，專誠在官方YouTube網站公開一分半鐘的主題曲片段讓粉絲重溫，短短三天、截至周四（6／5）下午5時，累積瀏覽率已超過35萬，更成為熱門搜尋冠軍，真係要講句：知我咩料啦！

之不過，令人好奇的是，何解ERROR的節目主題曲不是由ERROR主唱，反而要「Mike導」開金口？莫非魯生打算讓他成為2021年重點推介新人？一聽就知講笑啦，點可能發生，「Mike導」一旦在幕前「破格」，以後咪冇得「自肥」囉？！為秉承求真精神，決定親自問他究竟點解？近日為剪片而瀕臨「嘔白泡」的他，只能夠簡單回覆，他說，今次決定要向《新世紀福音戰士》和庵野秀明致敬，算是圓了心願：「想玩好耐，算係我嘅自肥！」。

至於親自落場唱歌的原因，他解釋：「因為（歌詞）意境，由我哋唱會中啲！」難怪那句「面對收視的壓力是但啦頂你個肺」的最後四個字格外鏗鏘有力，畢竟由前期到後期，來自四方八面的壓力，包括「撈筆直」，全部都要由他們統統「硬食」，又要顧及節目質素，又要創新，人都癲。而負責填詞的麥可暉（即節目編劇兼旁白）透露，有人問他為何其中一句是：「但我心裏驚才華早已盡流逝」，因為整個「無制限團隊」自《花姐ERROR遊》（2019）以來，都是以「每次都是最後一次」的心態去做節目，故有感而發：「係因為每次都會冇保留盡晒力去度，所以End-up每次都會擔心自己下次冇貨，但創作出嚟嘅嘢如果有保留，點都過唔到自己嗰關。」

所以「『For香港觀眾』畀埋條命你好冇！」這句歌詞，既是「無制限團隊」的心聲，也是一種因為過份投入而極度疲倦的情緒宣洩，最後三個字，你聽不聽到有另一重意思？哈哈哈！

【 延伸閱讀 】
《花姐ERROR遊》的神奇魔法：
https://bit.ly/2QWOgTv
「格仔Mike」執導《我們很帥》MV兩萬蚊搞掂？
https://bit.ly/2QPvjCl
《ViuTV五周年特別篇：今世做電視》無制限OT編集団解碼 （小編雪地赤裸跪求薄格版）：https://bit.ly/3y13VSy

（06052021）

#游大東影視筆記 #游大東 #error自肥企画 #ERROR #mike導 #肥仔梁業 #梁業 #吳保錡 #何啟華 #193郭嘉駿 #viutv #tvbuddy #tvb #新世紀福音戰士 #高橋洋子 #無制限ot編集団 ERROR 做乜膠睇電視 我睇咗啲乜嘢 潘小濤 葉一知 郭嘉駿 Denis Kwok 193 Poki 吳保錡 何啟華 DeeGor Ho 梁業-肥仔

【 ERROR出道作MV點擊破百萬大關 】

沒有《ERROR自肥企画》的日子，從來不是世界末日，因為還有大把節目要睇（包括大量美劇和日劇！！）。早兩日，才看完《花姐ERROR遊2》墾丁那一集（第15集〈夏日夢飛翔〉https://bit.ly/3uwrO12） ，笑到黐綫，標埋眼水，就連「格仔導演」劉諾衡（Mike）也承認：「呢一集嘅笑位好密集，有可能係第二季入面Top 1好笑嘅一集，現場拍都未估到會咁好笑。」

YouTube演算法下，你看完《花姐ERROR遊2》，總會建議你看其他集數，甚至是第一季的，於是乎我再看一次因為保錡盡現真性情，而感動得眼濕濕的第一季第五集〈黐綫邊爐〉，竟然有新發現。「第二段我要同MIRROR同ERROR講，我今日跳咗落去之後，你哋一定要紅呀，你哋人定要紅呀！」這是花姐 @ahfa0908 於茨城縣龍神大吊橋親身上陣玩Bungee Jump之前，當着鏡頭說的話，說罷便躍身而下，完成壯舉。 （https://bit.ly/3yNBMyL）

可能是保錡「流馬尿」太過搶Fo，原來當時沒有認真細聽花姐所說的話，事隔兩年再聽一遍，才理解她當時獲委以重任，成為十六子的經理人，對她來說絕對「壓力山大」，但她還是決心要迎接所有難關，那句「你哋一定要紅呀！」充分反映出那種鬥志，節目效果還節目效果，花姐可沒有必要說假話，事實上過去兩年，她亦以實際行動告訴大家，這句話不是隨便說出口，MIRROR和ERROR一直很努力，今天他們真的紅了，而且很紅。

紅成咁，不用說MIRROR了，講講ERROR吧。《ERROR自肥企画》將四子和團隊過去兩年默默耕耘的努力一下子引爆，成功掀起「ERROR熱」，除了四子的Instagram追蹤人數暴升，就連出道作《404》的MV （https://bit.ly/3uprfq0） ，在推出29個月（2018年12月3日上架）之後終於突破百萬大關，截至周六（29/5）凌晨一時的瀏覽率高達106萬（《一秒間》 https://bit.ly/34nNnqe 亦已破100萬點擊了，叻！）有不少粉絲見到《404》「達陣」之後，轉移「兵力」至ERROR的其他MV，包括《我們很帥》（https://bit.ly/3fuiHdl） （46.8萬）和《I Promise》（https://bit.ly/34qRkub） （50.5萬）。對於《404》點擊終於破百萬，經理人阿濟回覆說：「多謝大家支持，係開心嘅！」

《404》跟MIRROR出道作《一秒間》是同一首旋律，由李拾壹與CMgroovy作曲，ERROR則負責填詞，跟《一秒間》不同之處，在於《404》大多數歌詞都是說唱，而且包含大量自我介紹元素，如「ERROR組合／玩轉個市／玩埋諧音殺你出奇不意」，亦有不少是自嘲和諷刺兄弟MIRROR的地方，如「Tiger太沉默／阿Jer又唔跳得／咪發夢同ERROR硬撼」，以突顯自己與MIRROR定位上完全不同 ── 無包袱、無底綫；然而這樣「玩人玩己」的處理方式，於本地樂壇絕無僅有。確實，當年聽過兩首歌的歌詞後，尤其是《404》副歌一句「193怎斷手／哎呀／哎呀／哎呀」以及尾段一句賣花讚花香：「ERROR 4啲Fans多好多／全球力捧緬甸越南蘇丹伊朗冰島新加坡」，都會覺得較《一秒間》來得深刻。時勢使然，《404》MV得到遲來的「百萬點擊」，但數字說明一切，做到就是做到，值得高興。

【 ERROR ╳ 格仔導演系列報道 】
「格仔導演」終於都開fb專頁！
https://bit.ly/2Squ6Sc
《ERROR自肥企画》最後一集最後一節想講甚麼？
https://bit.ly/3oXSTcv
助理編導Rain P因「自肥」IG粉絲破萬：
https://bit.ly/3yynHVQ
《睡到三點》的創作理念：
https://bit.ly/3ynR2lw
《無制限OT編集団の行動綱領》MV點擊突破150萬：
https://bit.ly/3oDoNL3
「無限制OT編集団」的社會責任：
https://bit.ly/33XZ5Y9
「Mike導」承認兩年半前已構思「鳳凰不死鳥整蠱大計」：
https://bit.ly/3wixIo5
自肥可恥，但很感動：
https://bit.ly/2QiqUY4
「Mike導」IG暴升：
https://bit.ly/3eE91wd
「Mike導」親解《ERROR自肥企画》主題曲原因：
https://bit.ly/3xYwK22
《美女郊遊遊》第十集以山步行呼應亂世：
https://bit.ly/3wcjq8v
《花姐ERROR遊》的神奇魔法：
https://bit.ly/2QWOgTv
「格仔Mike」執導《我們很帥》MV兩萬蚊搞掂？
https://bit.ly/2QPvjCl
睇完開開心的《美女郊遊遊》：
https://bit.ly/2SNGb41
《美女郊遊遊》之陳欣妍係「保錡2.0」？
https://bit.ly/2RSrBb2

（29052021）

#游大東影視筆記 #游大東 #error自肥企画 #無制限ot編集団 #格仔導演 #viutv ERROR 劉諾衡 Mike Lau MIRROR 廣東歌fans應援事件9588hk #ERROR404 #一秒間 #MIRROR 何啟華 DeeGor Ho 梁業-肥仔 郭嘉駿 Denis Kwok 193 Poki 吳保錡 Music Picks 做乜膠睇電視 港女講劇 港人講電視 格仔mike導絕對應該有應援會

【 睡到三點 】

近日掀起網絡熱話的ViuTV節目《ERROR自肥企画》，四位主持：「Dee哥」何啟華、「193」郭嘉駿、「肥仔」梁業以及「反省中」的吳保錡各自獲製作團隊賦予「自肥」機會，其中「193」的新歌《睡到三點》MV （ https://bit.ly/2SgcDvv ） 於周二晚（18/5）的第12集裏正式公開，由「格仔導演」劉諾衡（Mike，化名MIKECOLD B.）掌鏡，「小薯茄」的阿冰和「啱Channel」的樊沛珈（阿Gi）擔正女主角，MV截至今日（21/5）下午四時半的點擊率已超過51萬，更成為YouTube本地熱門短片冠軍。

為配合新歌宣傳，「193」今天下午突然在個人Instagram直播「新歌解說會」，從歌曲創作理念、歌名，以至有批評指他靠Auto-Tune執聲幾個範疇，統統都有花時間耐心回應。在英國Bangor University主修心理學的「193」直言，《睡到三點》的歌名本來叫《Déjà vu》，此乃心理學專有名詞，中文解作「既視感」，簡單點說就是似曾相識，「意思係你明明印象中呢件事已經發生過，但其實你係剛剛先遇到，就係一個咁嘅思緒嘅交錯喇。」何解最終會變成今天的出街版本？原來跟市場推廣策略以及現年18歲的美國樂壇新人王Olivia Rodrigo有關。

《睡到三點》由 Madboii 作曲，並身兼編曲和監製，「193」則負責填詞。在Instagram的「新歌解說會」上，「193」解釋原本這首歌叫《Déjà vu》，並將這種「似曾相識」的意思放進歌詞和MV之中。「本身首歌無論係歌詞，定係MV上都有呢個意思，希望大家睇完之後會思考一下，究竟兩位女主角（阿冰與阿Gi）係咪真人呢？定係有一個係真，有一個係假呢？」

不過現在推出的歌名卻變成《睡到三點》，「193」坦言這是按照市場推廣策略而修改的新歌宣傳手法。第一個原因是撞歌名，「其實上一個月呢，有首英文歌叫《Déjà vu》派咗台，都有幾千萬人聽，我費事撞歌名。」

「193」沒有指出那是誰的作品，但那首《Déjà vu》其實是美國樂壇新人Olivia Rodrigo的新作，MV於4月2日在YouTube首播，至今累積瀏覽率已突破7,000萬 （https://bit.ly/2RyL3K0） ，這位被喻為「2021年最閃亮新人王」的Olivia Rodrigo本來是演員，今年一月推出第一首派台歌《Drivers License》 （ https://bit.ly/3oycvUs ），結果橫掃全球，深得年輕人喜愛，連續8個星期成為「Billboard Hot 100」冠軍，更在英國單曲榜達奪連續9周第一，更穩守Spotify全球單曲榜第一位連續54日，MV至今累積點擊高逾兩億，而日前她在「2021英國音樂大獎」（The BRIT Awards 2021）現場演繹《Drivers License》，YouTube的點擊率在一星期內累積超過900萬。 （ https://bit.ly/34a9bFr ）

撞名，亦因為太過常見。「193」直言試過在Google搜尋「Déjà vu」這個關鍵字，「應該會Search唔到我首歌，反而會Search咗呢啲心理學嘅Terms，會Search到人哋嘅MV，所以就諗住改一個中文嘅歌名，『Déjà vu』中文係叫『既視感，我覺我好奇怪呀呢個名，然後就同《自肥》Writer阿暉（麥可暉）傾，傾傾下就決定用《睡到三點》，幾有意思。」是的，以派台宣傳而言，叫《睡到三點》能夠用得到的點子確比「Déjà vu」來得多，當然選擇容易增加曝光的字眼吧，而「193」連DJ或音樂節目主持怎樣介紹新歌也想到了：「DJ Tag歌嘅時候可以講，個主唱都有個『三』字，同埋『睡到三點』嘅意思好廣泛，究竟係因為你身邊冇伴侶陪住你，所以你先三點都未起身，（因為）冇人叫醒你呀，定係你尋晚經歷一件好傷心嘅事，所以你需要瞓到三點？呢個係一個思考空間囉。」

如果細讀《睡到三點》的歌詞，譬如「Shawty的心／就像海底針／咪笑我痴筋 baby／사랑해요」、「睡到／三點／想起／Last night／気持ち」，既有廣東話，又有英文、韓文和日文，又如「總會想起天真講過同你結婚／想你為何藍剔不覆我／跟你遇見／令我一生改變Getting Better／到海角天邊／跟你浪漫相見」，乍看有點詞不達意，甚至有人站在道德高地看此曲，認為內容毫無涵養，負責填詞的「193」解釋，歌詞曾經多番修改，不一定要有意思，「我就係想佢盡量向MK方面發展，即係MK妹最鍾意聽嘅嗰啲情歌，老一輩係聽唔明㗎，其實啲歌詞你完全係睇唔明咩意思，因為歌詞唔係好需要有意思，而家嗰啲18、19歲嘅Rapper，佢哋加好多Auto-Tune嗰啲情歌，擺上YouTube已經有幾百萬人聽，我就係希望可以做到呢啲MK情歌。」

而在直播開始後不久，「193」便說《睡到三點》的編曲風格較為新穎，「聽開流行曲嘅人係唔慣聽呢啲歌，邊有流行曲係個Hook（即歌曲賣點，一般會把Chorus用來作為Hook），即係Chorus會擺喺最頭？我就係特登將呢個洗腦嘅Hook擺喺頭中尾，但一般流行曲只會出現兩次。」他還解釋新歌點解要用Auto-Tune。「大家好似仲未慣Auto-Tune，我唔係因為唱唔到所以加Auto-Tune，呢個係一個Trend，令到首歌嘅聲音更加有質感，呢啲係一啲新嘅嘢，希望帶到畀大家。」Auto-Tune為現時流行音樂製作很常用的一種人聲效果（Vocal Effect），其中一個常見用途為將歌手原本的聲線改變成仿如機械人的聲線，「193」指這種技術在中外相當流行，「你聽下Juice Wrld、Post Malone同埋Travis Scott等等Rapper全部都係用Auto-Tune，係好基本嘅嘢嚟，所以想澄清番，我絕對唔係唱唔到。」

【 ERROR ╳ 格仔導演系列報道 】
《無制限OT編集団の行動綱領》MV點擊突破150萬：
https://bit.ly/3oDoNL3
「無限制OT編集団」的社會責任：
https://bit.ly/33XZ5Y9
「Mike導」承認兩年半前已構思「鳳凰不死鳥整蠱大計」：
https://bit.ly/3wixIo5
自肥可恥，但很感動：
https://bit.ly/2QiqUY4
「Mike導」IG暴升：
https://bit.ly/3eE91wd
「Mike導」親解《ERROR自肥企画》主題曲原因：
https://bit.ly/3xYwK22
《美女郊遊遊》第十集以山步行呼應亂世：
https://bit.ly/3wcjq8v
《花姐ERROR遊》的神奇魔法：
https://bit.ly/2QWOgTv
「格仔Mike」執導《我們很帥》MV兩萬蚊搞掂？
https://bit.ly/2QPvjCl
睇完開開心的《美女郊遊遊》：
https://bit.ly/2SNGb41
《美女郊遊遊》之陳欣妍係「保錡2.0」？
https://bit.ly/2RSrBb2

（21052021）

#游大東 #游大東影視筆記 #睡到三點 #error自肥企画 #ERROR 郭嘉駿 Denis Kwok 193 阿冰 - PingpingNg Ah Gi 樊沛珈 #廣東歌 做乜膠睇電視 我睇咗啲乜嘢 港人講電視 港女講劇 格仔mike導絕對應該有應援會