《一篇好認真唔係講笑的文章》
在隔離病房工作了一段時間了，我由從屋企搬出黎的果個瞬間開始，就下定了決心，要保持警覺、保持健康，安全出team！
在隔離病房的工作是很乏味無衝勁的，隔離病房分了三個大級別，用以分別不同人感染病毒的機率。當然，當中有很多細分的criteria ，都無咩需要係到解釋，因為我想講的不是這個～ 虎紋去過的隔離病房是三個級別也有體驗過。我想表達的是一件事，相信都有人在HA secret表達過，但我都認真想再講講。
在隔離病房我眼見有三大類的人：老、中、青。 老年的果D無咩好講安安份份留下做化驗，撩完無事出返普通科病房/出院。青年/中年先係問題的根源，我都想帶定頭盔，唔係個個都係麻煩人，只是小部分害群之馬🙂
有部分人入左院會安份守己，知道醫生護士是想幫佢地，面對未知的病毒，我地盡我所能地去協助佢地在康復的道路上。
可惜，有一部分年輕力壯的，可能因為病毒不太影響佢地的身體狀況，佢地覺得自己得d好輕微的病徵而被「困」住左在醫院。久而久之，佢地會覺得醫院好似係欠左佢咁😑會有好多好似合理但又有小小無理的要求！
佢地會厭醫院野食難食，日日係咁屌三屌四！其實醫院野食難食係真的，我都好想佢地去投訴寫信去等醫院換一換個供應商！因為平時主要班客人是老人家，佢地味覺退化又要食modified diet ，佢地都食得還可以。投訴去改善當然歡迎啦，但佢地會採取一個更快的方法！就是「叫外賣」！
多謝偉大的Panda 🐼 ，佢地提供左好便利的服務，係會送到去病房門口的😑問題黎啦，咁請問班隔離緊的病人是如何出去拎外賣呢？就是搵我地護士/病人助理幫手拎入去囉🙂
你可能會話 「咁簡單拎一拎都唔得？」「知唔知住在入面都好慘架啦！有無同理心架？」
其實病房是分左乾淨區同病人區域，固名思義就是想做好D 防感染控制而區分。當我地拎住個外賣的時候 ，我地要入病房，再入病人區域，穿上保護裝備入去佢地間負壓房為的是送一個外賣俾佢地！外賣的重點是咩？是要襯熱食🙂因為如果放在門口放一兩個鐘先有人拎，又會有人投訴發顛🙂
然後一個隔離病房十個人左右
當你唔叫足一日三餐 每人一日叫一次
都要拎十次，而佢地是互不相識對方
佢地唔會夾埋一齊叫
就算唔叫外賣 屋企人拎野食黎拎日用品
好多野要俾佢地 當然包括x天堂的遊戲機
其實聽落又好合理 因為真係「有需要」
但係唔係所有「需要」都要一路滿足呢？
我留下一個懸念係到，你地自己諗！
😂其實所有野都有入無出 好多住得耐的已經拎左好多野入房，到底有無想過 到時候個人化驗完無事出院，佢近身接觸的物品到底又有幾多病毒呢？包括日玩夜玩的手機同switch!?🤮
我都是想呼籲廣大香城市民
真係唔好咁快「抗疫疲倦」好嗎？
因為一鬆懈就會引致大型社區大爆發
到時候就真係要開「火神山方艙」
好似去集中營咁恐怖
果d日日去行山做hike girl 著小背心影靚相
去港島區繼續打卡high tea 唱K BBQ 飲野
帶人返屋企gathering 的人
唔好咁無腦啦🙄 唔好害人啦
STAY HOME 啦！咁多事件都未學乖？
當我地一班醫護要離開屋企
搬去酒店隔離地工作的時候，你地總係到介意自己無街去無野玩？唔係呀嘛？
#虎紋姑娘
#抗疫日常 #抗疫最前線 #隔離病房dirtyteam日常 #dirtyteam
#你覺得你可以倖免嗎
dirtyteam 在 跟住Dirty Team醫生過一日- 20200421 - 香港新聞 - YouTube 的八卦
【Dirty Team日常】本台記者跟住東區醫院前線醫生一日，疫情近期稍有緩和，佢哋嘅生活同工作量有冇改變？▸新型肺炎疫情速報：http://bit.ly/3b8ToIK# ... ... <看更多>