【快樂色彩・成就你的故事】
記得中學讀書嘅時候，成日會因為考試成績唔好而傷心。望住自己好努力溫咗好耐書，但係考完都係啱啱合格，或者唔合格...心情會即刻跌到落谷底。
考公開試嗰年，壓力變得更大。有啲科目好似讀嚟讀去都唔識，成日都好擔心自己考得唔好，會升唔到大學，搵唔到工無晒前途。個腦不斷產生好多負面思想，令自己越諗越驚，漸漸對自己無晒信心。
呢個時候好彩有身邊嘅人提醒我，其實人生除咗讀書叻，仲有好多其他出路。有人畫畫叻，有人玩音樂叻，有人做運動叻。佢令我明白到人生唔止一條路，每個人都可以發揮自己嘅長處，成就屬於自己嘅故事。
聽完之後，我決定要好好發揮畫畫嘅技巧。於是我去到文具店，買咗好多唔同顏色嘅螢光筆同墨水筆，將圖畫同色彩加入原來沉悶嘅筆記內容。溫書嘅時間即刻變得更有趣同開心。今日，我成為一個插畫家，透過繽紛嘅色彩傳遞自己嘅諗法同感受。我希望能夠將呢份簡單真摰嘅快樂，感染更多身邊嘅人。
宜家大個咗睇返，其實學業成績只係人生嘅其中一個挑戰，無想像中咁大件事。重要嘅係點樣去控制自己嘅情緒同諗法，學識放鬆心情，跨過每一個難關！
衷心希望每個學童都可以找到屬於自己嘅方向，免受情緒問題困擾，所以我與Samsung一同喚起大眾對學童心理健康的關注，把快樂的力量傳遞開。
每個人心裡面都有一個屬於自己嘅快樂盒子，打開之後會見到咩呢? 下一個快樂盒子，交比 大大與小妹 @lenus_ig 揭曉！
#ANoteToMyself #SamsungHK #solveforTomorrow2019 #不同想像傳遞快樂力量 #接力完成六分之三
bulbbleinc 在 Comparison is the thief of joy. #design #bulbble #bulbbleinc ... 的八卦
#design #bulbble #bulbbleinc #bulbbles #quote #inspiration #quotes #inspirationquote #joy #illustration #artsagram #positive #drawing #artwork #typography ... ... <看更多>