有日，有位叔叔嚟睇醫生～
咁拎咗枝痱滋膏嘅。
之後過咗一星期，叔叔打電話嚟：「喂？診所呀？」
我：「係啊」
叔：「我上星期嚟睇過㗎～我叫乜乜乜，覆診卡號碼係乜乜乜乜」
我：「係～乜事呢？」
叔：「醫生咪俾咗枝藥膏我嘅，我越搽越紅，今日仲有啲黃黃哋色嘅嘢咁」
我：「係呀，有枝痱滋膏啊，你不如過嚟俾醫生望吓呀」
叔：「係呀，我喺大陸呀，要過兩日先返嚟呀，你可唔可以幫我問吓醫生仲用唔用得枝藥膏呀？枝藥膏都係剩返少少咋。」
我：「你個口仲好痛？啲痱滋冇少到？」
叔：「冇好過呀！仲生到去第二度」
我：「生咗去邊度呀？」
叔：「生殖器官頭度呀，頭先我咪講咗！」
我肯定你冇講過，你唔好蝦我老人痴呆啊～
我：「你拎枝痱滋膏搽埋下體呀？」
叔：「係呀」
你又環保慳家得幾可愛⋯
我：「兩樣嘢嚟㗎，你痱滋膏淨係用嚟搽口㗎咋～」
叔：「咪又係口！我見佢有紅點，我日日都用鹽水浸㗎！」
我：「你返嚟睇醫生啦，或者你喺大陸睇咗先啦～」
叔：「火酒或者白花油得唔得呀？」
⋯⋯jj你做錯咗啲乜⋯⋯
#j很脆弱 #bb幼嫩的肌膚 #佢唔識岀聲反抗 #你唔好恰佢係啞嘅 #叔叔受過訓練
