【不含劇透】帶女友看英雄電影的注意事項
帶女友去看《美國隊長３：英雄內戰》，如果稍有不慎，就會演變成你跟女友內戰。
本來這類電影是理應跟一班巴打入場，欣賞兩個多小時的男人浪漫，中途更差點拖起手來，深情互望：「I know that feel bro。」然而女朋友則在上畫前跟我約定：「你平時成日陪我行街，今次到我陪返你啦！」
首先，她對英雄片的來龍去脈零認識，最多知道Chris Evan大隻靚仔、Scarlett Johansson身材很正⋯⋯然後她便希望做足功課，逐一問我，我便當了人肉Wikipedia。
她：「點解美國隊長係美國隊長？」
我：「哦⋯好耐之前佢係個士兵，之後畀人改造成一個好打得嘅隊長」（盡量一切從簡。）
她：「咁Ironman呢？」
我：「佢有套好勁嘅裝甲，著咗就變Ironman。」
她：「咁⋯⋯」
問了大約四、五個角色後，我就一句完場：「妳就當係兩班有超能力嘅人因為一啲事互打啦！至於咩事妳一陣睇戲就知。」
她：「咁你頭先又話Scarlett Johansson冇超能力嘅？」
我：「⋯⋯」
她：「Ironman都冇超能力㗎？」
我：「⋯⋯」
電影開場，當你有個肉緊女友，你看的不單是3D，還是4D實感體驗。以為平日看鬼片她才會捉實我手臂，指甲差點拮到我流血。但當兩邊英雄打鬥、壞人突然出場、爆破場面、就連Ironman著地她也整個人彈一彈起⋯⋯
有次我終於忍不住，「Fing」開她的手想專心睇戲，但幾秒後還是有點擔心的主動拉起她的手，讓她再捉實我。（擔心的，是完場後她秋後算帳，幸好沒事發生。）
過程一直害怕她看不明白，動作情節不感興趣，男人浪漫沒有共嗚，完場後問她：「好唔好睇？」
她一臉興奮：「好睇呀，我睇得明呀放心啦！」然後再問：「點解冇Batman嘅？超人去咗邊？仲有Transformer呢？」
或許她還是寧願看《太陽的後裔》，但至少她在這晚嘗試了解我喜歡的事物，認真投入她不熟悉的世界，不會永遠只有「我陪她」，還有「她陪我」。
PS: 各位女朋友請相信，最後真係仲有兩個「彩蛋」睇，唔好趕住走。如果唔明咩係彩蛋，即刻問你男友。
(Remark:好多女讀者留言原來佢哋都係Marvel迷，仲熟過男友。)
------------------------
喜歡的話like我的page，會有更多故事及散文
FB: 莎比亞
*** 八卦先好ADD嘅私人FB AC: sapeiar ***
Follow IG睇獨家sweet相: sapeiar
著作：《原來比單戀更寂寞》、《鬼叫我唔識拍拖》
網上試閱：http://on.fb.me/1PKxJnS
scarlett johansson ig 在 請問有人知道史嘉蕾喬韓森的ig嗎 - 電影板 | Dcard 的八卦
不管怎麼找都找不到最近看了復联4 就一整個超感動想關注支持但是不是他沒有ig啊- 電影,復仇者聯盟4. ... <看更多>