Search
葵廣又有新野食喇，仲係鐵板式日本小食同香口炸物添～PND一望就忍唔住試咗呢度嘅大阪燒喇！
佢地喺三樓掃街樓層最當眼嘅舖位，就正正喺即打果汁同摩登世界隔離。佢地新開幾日，店面各樣安排仍然有少少混亂，潮友要多多包容呀。
呢度主打嘅係有鑊氣嘅街頭日本小食。好似有《奶油薯餅》、《魚餅》、《手羽先》、《吉列芝士豬扒》等，同埋必食嘅《大阪燒》$22、《日本炒麵》$24同埋《章魚燒》$24/6個。
仲有獨家嘅薄身《日式手燒拓餅》，有海老$38同烏賊$32揀，潮友想食飽啲可以揀套餐，由$32起可選兩樣items添！
PND個大阪燒，有一片大豚肉、椰菜、生姜，最後加上燒汁、木魚碎同沙律醬，即煎起即食，熱辣辣，粉漿唔會太糊，調味亦幾好。溫馨提示，如果店員可以加多少少汁，潮友食起上嚟就會更開心喇！
大阪一
電話：/
星期一至日：試業期間，好似係16:00後開（有待潮友幫手update）
地址：葵涌廣場3樓33、35、36號
#PND葵芳 #PND日本菜 #PND小食 #PND外賣
藍田，平食，都要食質素嘅。好似匯景呢間壽司手卷外賣店，一個人掃街，同佢幽會就最爛漫喇。
當然一次過食埋倒鐵塔窩夫啦！
呢間小店堅持食材新鮮，壽司美食都係即叫即做，佢地有便當$38、芝麻醬冷麵$13/細、6吋長三文魚壽司$8、脆炸軟殼蟹手卷$16等。
仲有PND食唔到嘅《海膽手卷》，係用即日運到嘅一格格新鮮加拿大海膽嚟整手卷，都係$26，不過就唔係成日都有貨，潮友需要啲運氣，同埋海膽通常要近黃昏先運到，早去反而無得食。
所以PND就試咗$16/4件嘅《三文魚反卷》，店員仲要即切三文魚即包反卷(厚身、大件)，加埋無得輸嘅BB沙律醬，的確唔錯；仲有$16嘅《帆立貝手卷》，飯是熱的，紫菜是脆的，全不是假的，唔會傻傻分不清，撐小店！
店長溫馨提示，可以先打電話order，咁潮友就唔使等咁耐啦，好貼心。
手卷屋
星期一至日：11:00-22:30
電話外賣：51113431，或者問佢地有無開
地址：藍田匯景商場5樓296號舖，崖上的波兒附近
＃PND藍田 ＃PND外賣 ＃PND小食 ＃PND日本菜
鳴謝潮友 @iam_babeying1314 溫馨推介
利時，尖沙咀潮人據點。排唔到六個鐘嘅潮友，可以嚟呢面試吓佢地嘅抹茶、紫薯、富士山....強勢加盟嘉蘭圍！
手中呢兩杯，係今日，即係第一日開業嘅首杯雪糕，今曰18:00先有雪糕食，店員啱train完就有雪糕食～入口細滑，雖然易溶，但味道好正好夾，仲有視覺效果嘅驚喜！
呢間日式主題特效雪糕店，主打3種主題靚靚雪糕（試業價）：用咗紅桑子汁同榛子調製成嘅《楓之火焰》$42（左下）、以3.7牛乳同法國藍莓醬製成嘅《冬之富士山》$38（右面好似Frozen）同用上京都小山園抹茶嘅《森之樹林》$38！
仲有京都小山園抹茶雪糕$32就用咗宇治丸久小山園抹茶！雪糕入口奶滑夠rich，抹茶味道亦好甘香，值得一試～
飲品方面，有3種可以揀，有用沖繩炭燒紫薯製成嘅《紫色沖繩》$28、仲有《綠野仙踪》$28同《可可魔法》$32！全部都又靚又好味，因為食材有返咁上下水準。
仲有cappuccino同99%朱古力，完全可以滿足一個行街shopping嘅潮友同埋PND嘅需要！
Tokyo Secret 味之藝術
星期一至日 11:00-23:00
#PND尖沙咀 #PND外賣 #PND甜品 #PND日本菜 #PNDcafe
@尖沙咀加連威老道52號地下C鋪
鳴謝潮友溫馨推介 @crystalhsy
跟用I PAD點餐的佛祖一起吃棉花糖壽喜燒/火鍋!!!--天水玥秘境鍋物殿@ 貓兒碎碎唸 ... 花盃日本料理(銅鑼灣/日本菜鐵板燒). 花盃日本料理(銅鑼灣). 花盃日本料理(銅鑼灣). ... <看更多>
pnd日本菜 在 Soot Thai Pad Thai 調理包｜咖樂迪咖啡農場 - YouTube 的八卦
Comments · [Eng Sub]【泰式炒河粉】最出名的一道泰国菜食谱 Pad Thai · 【KALDI回購品】咖樂迪買來的商品做簡單下酒菜/ 介紹City Super 買的 日本 調味料/ 開 ... ... <看更多>