<新聞> Michael Burry 他的特斯拉大空頭部位正在變得``越來越大''
當年放空次貸也是被嘎了一兩年。
不過,把特斯拉單純當成賣車子的,可能會低估了它的價值。
或著說,賣車子只是他的價值低標而已。
------------------------------------------------
這位因在美國住房市場上的先見之見而在書和電影“大空頭”中出名的投資者於12月初宣布,他正在以“荒謬”的水平賣空特斯拉。
自那以來,對於 Burry 和其他空頭來說一直很醜陋,特斯拉股價在過去一個月上漲了 44%以上。在過去的一年中,該股暴漲了820%,使首席執行官埃隆·馬斯克(Elon Musk)成為全球首富。上週五,特斯拉連續11場保持了創紀錄的連勝紀錄,並刷新了另一個紀錄。
“好吧,我的上一個“大短褲”越來越大,也越來越大,”伯里週四在現在已刪除的推文中說。“在持續的時間裡享受它。”
同時也有10000部Youtube影片,追蹤數超過62萬的網紅Bryan Wee,也在其Youtube影片中提到,...
「mark-to-market loss」的推薦目錄:
- 關於mark-to-market loss 在 Facebook
- 關於mark-to-market loss 在 君子馬蘭頭 - Ivan Li 李聲揚 Facebook
- 關於mark-to-market loss 在 君子馬蘭頭 - Ivan Li 李聲揚 Facebook
- 關於mark-to-market loss 在 Bryan Wee Youtube
- 關於mark-to-market loss 在 Travel Thirsty Youtube
- 關於mark-to-market loss 在 スキマスイッチ - 「全力少年」Music Video : SUKIMASWITCH / ZENRYOKU SHOUNEN Music Video Youtube
mark-to-market loss 在 君子馬蘭頭 - Ivan Li 李聲揚 Facebook 八卦
[領展都盈警!嘩!]被視為最「穩陣」嘅領展都發盈警!但唔減派息。即係點?
1. 嚴格嚟講你可以話唔係盈警,係「2019冠狀病毒病對領展之影響」。但明啦。嚟緊出嘅業績,見紅。3月年結的,即係2019年4月至2020年3月呢12個月,見紅。而上半年(2019年4-9月)當然係冇見紅。
2. 印象中好似領展第一次發盈警,但凡事梗有第一次。香港GDP都第一次跌9%,美國GDP嚟緊都會第一次跌三四十個%(你冇睇錯,係三四十,唔係三四)。都係第一次。
3. 講返,「穩陣」?收租都可以見紅?是的。為甚麼不。如果唔會嘅,人人都仆住去做啦。又唔係要專利或乜。
4. 事實,中電(2)發電都發到發盈警(https://bit.ly/2YyDWCG),港鐵(66)都發過盈警(https://bit.ly/2Wu1Nk4)。兩單我都寫過。我以為大家見慣大場面?
5. 好,記住,兩樣嘢。睇點解,同量化。
6. 首先,點解發盈警。係咪租跌?唔係。係都冇咁快影響到。第一原因係,物業估值預期下降,revaluation loss.小小技術但應解得到。你公司拎住啲投資物業,每年升升跌跌,都會影響你盈利—係呀,不存在未賣就唔當蝕或賺呢回事。每次出業績就同你mark to market.除非你係自己用嘅物業,即係你恒生自己用嘅舖唔使呢個過程,但恒生都有舖收租,嗰啲就要mark.
7. 咁所以,會搞到啲盈利上落好大。而一般分析員基金經理,都會剔開呢舊嘢唔睇。雖然係非現金,但,會影響盈利,亦即係可以影響派息(但領展情況有啲唔同,之後解)。蝕一年當然可以派息,但蝕到之前啲「滾存利潤」都冇晒,就不得派息了。
8. 咁所以,直接啲,當然都影響盈利,但,相對地唔係「核心」嘢。浮雲啫。賺嗰時亦唔會好得戚。同埋,non cash嘅(*)
9. 至於第二點,「同舟計劃」云云,支援商戶,但好似冇乜點減租。不重要,呢度唔係鬥地主。個「同舟計劃」,講緊3億,同埋可能係未用晒嘅。
10. 最緊要乜?量化嘛。3億。領展一年收租係100億港紙。減除開支係近80億—之後就會有嗰啲revaluation gain/loss 呀或者賣物業realize嘅賺蝕咁,同埋稅—3億,點睇都唔係大數。
11. 如果講book value,更加不得了,領展嘅book value 差不多2000億。3億嘅影響,好細。同revaluation loss相比,可以不理。
12. Revaluation loss幾多?其實通告入面有講(https://bit.ly/2Ww45zs),270億。嘩!
13. 首先,就話你知,「同舟計劃」嗰3億,同Revaluation loss比,零頭嚟啫
14. 另外,270億 Revaluation loss,係咪好多?睇你點睇。量化就係堆投資物業估值跌咗10%,sounds fair?我知旺舖跌咗好多,但領展係公屋商場呀車位呀多喎。
15. 其實睇返領展早兩年業績(https://bit.ly/2WlKwto),個Revaluation gain,上年係122億,再早一年係355億!所以而家呢個270億Revaluation loss,射程範圍啦,粗淺講就係嘔返之前兩年Revaluation gain咗嘅一半咁咯
16. 最後,派息。點解公司蝕錢仲派息,仲要唔減?
17. 其實我一路都想寫「派息」,但怕畀人話教壞細路。因為我會將佢形容為性交。有機會詳解,但,即係有啲公司蝕錢派息,就感覺好似條女畀人飛
(條仔都得,男女平等),咁就用性去留住人咁咯。我發毒誓呢個比喻唔係我作的。
18. 不過,領展唔係呢種情況。唔係佢唔做,又唔係不屑做。如果我理解冇錯,佢係必定要做的。Guaranteed sex. So Wonderful.Wonderful過 Wonderful Sky (**)
19. 居然有Guaranteed sex?其實都係有的。債券啦。仲有,REIT嘛。小朋友,領展由頭到尾都唔係「股票」
20. 即係點?即係話,如果我冇理解錯,或者大家都有聽過,你買收租股(例如希慎)同買REIT最大分別係乜?係REIT一定要派9成息畀你。聽過下架可?
21. 咁你話,蝕錢喎,仲派乜?
22. Nonono,派9成,唔係9成of個會計盈利,而係9成of 個「可分配收入」.
23. 甚麼是「可分配收入」?可以睇條文,但,就類似「核心盈利」咁,頭先講嘅嗰啲270億嘅Revaluation loss,係絶對唔影響派息架!係咪好Wonderful 先!係咪Wonderful 過Wonderful Sky先!
24. 當然啦,亦都解釋咗,點解好景嗰時,仲有兆萬嗰時(OK,好爛),公司你見明明話賺好多,但都好似冇派晒,咪又因為Revaluation gain,不計入「可分配收入」。唔好又話人呃你
25. 最後,咁嗰3億「同舟計劃」,會唔會影響「可分配收入」,影響派息?我估會,但可能錯,但錯都冇所謂,3億嘅嘢,不重要啦。請重睇樓上一次。
26. 最最後,跌幾多?唔知。咁史無前例出盈警可能震下嘅。但我估唔會多。既然都唔影響派息,問題似乎不大。固然你個book value 冇咗270億(講到跌咗條薯條咁輕鬆喎),但,Revaluation gain,浮雲嚟啫。今年舖租咁嘅款,冇理由好意外。
27. 最最最重要係,股價都在低位啦。跌得幾多丫。
(*)雖則,例如國泰,或者今晚(星期一)隻德娼奠姬咁,write off 一大舊,幾十億幾百億嘅goodwill 都係 non cash —因為你一早畀咗嘛!而家變鹹水海咁解。
(**)作為一個分析員我當然同Wonderful Sky有啲來往。啲人真係Wonderful的,冇引號非曲。但我一諗就諗到呢個gag,冇法。
———————
版務:收費專欄已推出,支持埃汾高質文章。幾舊水睇三個月,一星期三篇
請去呢度訂:bit.ly/2wVXndj
課程編號填: CC01
科咗水後後有Login及Password畀你
逢一三五入去 homebloggerhk.com (見到就睇到《事先張揚》),亦睇得返以前嘅文。一般我都係會黃昏出文嘅。
mark-to-market loss 在 君子馬蘭頭 - Ivan Li 李聲揚 Facebook 八卦
[生意淡薄 不如賭博]美圖App收bitcoin 定 美圖手機收 Ether?教埋你睇重點。
TLDR:32億人仔net cash,買幾千萬美金加密貨幣濕濕碎啦。不過介紹返,如果跟美國嘅會計手法呢,「升100倍都唔會計入profit」「跌就會有loss!」「除非你沽咗佢就同你埋單計賺蝕」。但又唔緊要,會計帳目又唔只係睇 profit,炒股又唔止係睇會計帳目。否則一年四個交易日得啦(香港就兩個搞掂).又,Patreon 一早寫咗呢個會計處理,冇呃你。
============================
告個急先:Ivan已被炒,3月中開始失業。未訂嘅記得訂Patreon,積小成多呀。訂咗嘅可以考慮加碼(https://bityl.co/4Y0h)。 一星期至少出返六篇文.月頭訂最抵!月費80
==============================
1. 公告相當簡單,咪就係美圖(美圖秀秀嗰間1357,唔係美團3690)買加密貨幣。美國有唔少公司有做,最出名當然係Tesla,但香港如果講比較有知名度(唔係啲四五線十九公司),就好似係第一間,話晒都100億港紙市值呀。而呀蔡文胜(繁體文件佢都係寫呢個胜)剛剛先在Wechat定乜講美圖係第一間香港上市公司添。
2. (話時話,蔡生自己都話有10000個Bitcoin.Bonus當然係蔡生係泉州人。)
3. 話買咗15000 個Ether同379 個Bitcoin。幾時買?剛剛,3月5號嘅事。即時已經第一時間飛出嚟公佈,估下點解咁快手?有埋日期所以價錢都好易查,話埋你知,總值係2200萬美金同1800萬美金,唔算好多錢—不過可能之後升1000倍啦下。另外,拎咗董事會授權,話可以買到1億美金
4. 公司特別要講,係用自己嘅現金,但唔係用IPO嘅錢—雖然錢理論上冇識認,公司IPO都幾年了,乜錢都照計用晒。但畢竟都仲有規矩,不能太離譜,你上市時會講明啲錢拎嚟做乜,咁總不能相差太遠—因為之後要出返文件解釋的。當然亦有公司申請改變用途,一般都問題不大嘅。反正財到光棍手。
5. 仲有,公司公告有講(第二頁),呢個決定非常合乎邏輯。可能係。不過你可以諗一樣嘢:你睇好Bitcoin嘅,自己買得啦,點解要買佢間公司?所以一般嚟講啲人係唔鍾意公司「不務正業」嘅。不過唔緊要啦,呢個年代,冇收入都上市啦(係冇收入,唔係冇盈利)
6. 咁但都循例講返,美圖係蝕錢嘅。但都冇所謂啦,「Amazon 最初夠蝕錢」「Tesla夠蝕錢」,事實唔好話冇盈利,大把公司收入都未入到幾十幾百億市值啦。
7. 咁最緊要留意返,公司有23億人仔cash,零負債。即係23億net cash,幾千萬美金,濕碎啦。
8. 亦因為咁,有冇諗過,「點解要出公告」?答案係,唔使的。上面咪寫咗係「自願公告」。聽聞理論上你個Comp Sec唔怕煩(即係你出足糧),你可以日日都出「自願公告」的。例如大可以每日寫自己間公司FB Page 有幾多like,just saying
9. 咁點解要「自願公告」?就梗係富貴不還鄉如錦衣夜行,要大大聲講畀人知嘛。
10. 講到尾,咁星期一升定跌?有啲難估。「咁股票嘅嘢唔係升就跌」(*),但我估升。
11. 不過,仲有一個小小地,但成份公告都冇交代嘅問題。既然美圖係第一間上市公司,我就好想知道,到底點入數?公告好似冇講。
12. 當然個個都想當然,「覺得」「應該」點點點。但呢個世界唔係你「覺得」「應該」點點點就會點點點嘅。
13. 但我地可以參考返Tesla到底點入,雖然美國咁玩同香港(或大陸)係咪都咁玩,就我都唔知,你去問下會計師了。可能會計師都答唔到你。
14. 但Tesla點入帳?我Patreon舊文就有寫(https://bityl.co/5spR)。 講真的,真係好東西,而家訂咗unlock 晒所有文。你睇我啲文幾咁高占遠足!一早寫過啦。係咪抵訂先!
15. 廣告賣完,都講少少你知。實情Tesla嘅會計處理方法,都有人屌(呢個世界有乜嘢係冇人屌?就真係狗也不屌了)。但我理解根本唔係「公司」自己可以決定,要會計師呀證監呀肯先得嘛。
16. Tesla將佢地堆Bitcoin,當係「無限生命嘅無形資產」,intangible asset with infinite life(span).即係點?「好似無限期嘅專利咁」。
17. 咁即係點?即係,除非你沽出去套現。否則?升咗你唔會有盈利入到帳!但跌咗你就要有impairment loss.係咪好正呢! 當然,唯一例外係你沽咗,沽咗就一定埋單計賺蝕。但唔沽嘅,升100倍你都唔會錄得一個仙盈利。但跌一半你就會有loss
18. 我見隔離台有啲講到公司好醒,避稅。哈哈哈,升嗰時唔使畀稅,跌嗰時又可以有tax credit,一切在佢掌握中呀。呢個講法就恕我不敢九筒了。你見啲友做親數,都係想做大條數,極少可係想做細嘅。得罪講句,Tesla都係因為有錢賺先入到標普指數啫。咁唔想賺錢嘅,每次都射幾億落海咪得。
19. 但又之但係,「其實有幾多人睇住個會計報告買股票」?如果只係睇財報嘅,咁每隻股票一年開四個交易日得了,其他時間郁乜?(香港仲好,兩日搞掂)
20. 得罪講句,我估好多人連美股啲業績公告都冇見過。冇所謂的,「升咗唔會在盈利見到」,就不等於「唔會在會計帳目見到」(有乜分別?睇文咪知)。況且,就算唔會在會計帳目見到,你渣住幾多嘢,值幾錢, 分析員會去計嘛(**)。否則分析員唔會咁值錢啦
==============
2021比別人知得多。subscribe now。Ivan Patreon,港美市場評點,專題號外,每日一圖,好文推介。每星期6篇,月費80,半年已1400人訂!(https://bityl.co/4Y0h)。 年費仲有85折
(*)呢度帶到去一個都幾重要嘅問題,固然「股票嘅嘢唔係升就跌」,有時業績好過預期呀都係會跌。但我成日話,玩一個實驗。例如我睇一份業績,或一單盈警,一個收購,估利好定利淡股價,當然好多時都會估錯—但照計應該比普通人亂估較為準,可能佢係51%,我有54%咁。留意,呢個咪正係可以證明「你啲仆街死財演鳩up」定係真係有技術成份咯。如果長期我估中嘅%高過個普通人,咪證明唔止係運氣。好多其他嘢都可以用呢類實驗去判定。例如試酒。或者試鐘。
(**)殞石旁的天際,Once upon a time,啲會計帳目全部都「成本入帳」, 十分反智,真係「成本會計」。當年啲上市公司好多有寶藏,啲幾廿年前買落嘅股票呀,地呀,全部都「成本」。當年好多分析員可以發掘呢啲嘢。本薄個美孚新村單位就幾百蚊尺,而家就兩萬蚊尺。但當然係好遠古年代嘅事了,而家一般都mark to market