📣MIRROR 《One and All》專輯換領 FAQ
.
⚠️重要：早前MOOV已經send咗email俾每一位已經預購專輯嘅鏡粉，如果收唔到可以去junk mail到睇睇！
另外請各位預購專輯嘅鏡粉，記得去登記換領，如於換領期內未有登記，所有訂單需要等待政府公佈最新防疫措施，MOOV Pop-up Store重新開放後另作安排領取。不便之處敬請見諒！
▶️登記換領表格：https://bit.ly/MIRRORalbum
知道大家都有好多疑問，大家登記換領前或到九展換領前請細讀以下事項，同埋提醒身邊嘅鏡粉朋友登記呀！再次感謝大家嘅體諒🙏🏻🙏🏻！
1）
問：有無袋提供或者有無得買購物袋？
答：大家需要自備購物袋，現場無得買袋㗎～
2）
問：專輯有幾大同有幾重？
答：兩款專輯重量大約係1kg，尺寸大約係220x 220x50mm。
3）
問：如果我嚟唔到九展拎，有無其他方法拎或者郵寄？
答：專輯不設郵寄，你可以搵朋友仔代領，或者等政府公佈戲院開放後到MOOV Pop-up Store換領。
4）
問：MOOV Pop-up Store 幾時開？
答：由於受疫情影響，MOOV Pop-up Store 暫時關閉，需要等待政府公佈最新防疫措施。雖然仍未有一個確實日期，但係MOOV Pop-up Store 開放後MOOV會喺Facebook公佈，立即安排大家換領。
5）
問：如果我喺MOOV Pop-up Store到拎，洗唔洗填表格？
答：為咗方便統計，請大家填表格登記～
6）
問：我已經填咗google form，可唔可以改換領時間？
答：可以自行到google form內更改換領時間。表格提交確認電郵入面可以搵到link~
7）
問：我無收到確認電郵，係咪已經成功登記？
答：成功遞交表格就等於成功登記，同時google會自動send返你所填嘅資料到你所登記嘅電郵地址，有機會去咗spam mail box～
8）
問：可唔可以叫朋友仔幫手拎？
答：可以！但需要到表格填寫代領人資料，我哋到時候會核對，資料正確先可以代領！
9）
問：去到仲洗唔洗排隊？會唔會好多人？
答：每一個時段都有限人數到場換領，並會作出人流管制措施。大家喺登記嘅時段到場換領就可以啦！
10）
問：現場有無買專輯？我仲想買可以點做？
答：現場係無得買專輯，其他發售詳情可以留意MIRROR專頁公佈！
如果仲有其他問題，可以喺MOOV FB inbox跟進呀，但由於訊息太多請大家耐心等候處理，謝謝！
更多詳情：
https://www.facebook.com/MOOVHK/
