《 閉起相眼你最掛念誰？ 》
暖心故事分享
有一個伯伯被老人院送了入醫院，原因是Fall。跌倒是常見老人家的一大問題，因為有可能伴隨著盆骨骨折、撞到頭腦出血之類，所以入院檢查是必須的
呀伯本身就有腦退化症（Dementia)，MMSE得果幾分，即係都幾嚴重喇。由於佢有仆街的history加上過份好動的伯伯已經不停地爬床，所以佢個女同意左著safety vest（安全背心）去阻止佢再仆街！就正如圖下的示範！
呀伯基本上都好叻仔，除左要換片因為失禁的問題之外；佢可以自己食糊仔、可以在幫助下換衫，講野都好口齒清晰。佢每日都會不停咁Loop同一句說話：「我個名叫XXX，我老婆係XXX 」
附近D patient都覺得佢好煩好吵，又唔乖玩屎除片痾尿做消防員，拎條荷B出黎救火，件安心背心除左保住佢唔跌，佢咩都做到😂
虎紋其實就覺得好sweet的，因為佢腦退化症已經嚴重到影響佢智力、記憶、自理能力；但佢唯一從來無忘記過的是他的太太！那個伴著他大半輩子的老伴！
也許他不停大吵大鬧地說著這句說話，就像向全世界的人宣告這個女人是屬於他的，而他一生只愛她一個。
只要你派藥打針問佢叫咩名，下一句都會係佢老婆個名。
直到有一日我見到佢女兒來探病，好奇地衝口而出問了一句：「請問XXX是你的母親嗎？」
他女兒見怪不怪地回道：「係呀」
我鼓起勇氣再問一句：「因為你爸爸每日都會叫佢個名，我好奇想問，她...還在嗎？」
因為我很害怕，也許那個熟悉的名字已經不存在於這世上了；如果真的不在了，除了很甜蜜的感覺外，會外加上一陣陰霾。
他女兒靜靜的說：「我媽也有長期病患，他們都住在同一所老人院裡。」
聽完再談論到病情進展，就完結這場對話，也放下心頭上那一舊莫名其妙的大石！
而個腦海裡會不期然無限loop起這兩首歌
🎼閉起上眼你最掛念誰
🎼幾多對持續愛到幾多誰
以及想起那一套電影「幸運是我」
Facebook : 虎紋姑娘
Instagram : Littletigerwrinkle
#在你老了之後你還會記得起誰
#幾多對持續愛到幾多歲
#只有死才能把我們分開
mmse 在 MMSE簡易智能評估量表 - YouTube 的八卦
MMSE 簡易智能評估量表 · 【盧秀芳辣晚報】"重啟核四機率零" 公投辦假的? · Adaptive Equipment ... ... <看更多>