衰客唔使多，一個就足以摧毀你每日嘅心情，隨時仲會影響埋你同其他客、朋友、同事嘅關係，再嚴重啲可以KO埋成個精神面貌同儀容，我都真係冇眼睇﹗
事緣有個客月頭叫我幫手請人，一嚟已經話急，即日就想要CV，得得得冇問題，誰大誰惡誰正確，平時對住我上司同老細都慣晒，你畀得起錢都要搵㗎啦！
「請問有咩要求？」
「最緊要有學歷同埋聽教聽話。」
當日下午先畀三份CV，夜晚個客打我私人手提話唔啱，嫌太green喎，起碼要有3至5年經驗，你開頭唔講？第二朝再畀四份CV，同日夜晚佢又搵我，不過改咗用whatsapp，凌晨12:55分 send message嚟，都係ban晒，今次嫌人工貴。
唔知點解，我忽然諗起我老細，又要班員工三頭六臂，但又出唔起錢，想用蔗渣嘅價錢食到燒鵝髀嘅味道，相信我個客同我老細都係一樣，由細到大睇好多童話故事，難得佢哋嚟到2019年仲保持到一份童真，果然係溫室中嘅鮮花。
如是者，我喺一個星期內已經合共畀咗十六份CV個客，而佢到今時今日都仲係未揀到。
從來都唔怕客人或者老細有要求，最怕係一啲唔知自己想要咩、為ban而ban、喞牙膏式咁附加條件，仲有前言不對後語嘅人，呢啲先至最恐怖，因為佢會令你嘅工作見唔到終點。
呢段時間我受盡折磨，晚晚返屋企都要執CV，連脾氣都差咗，因為真係好大壓力。老老實實，真係唔好再半夜send啲工作whatsapp同email嚟喇，打份工啫！其實你老細唔會感激你，盞做壞規矩呀！
同時間有另一個好好嘅熟客又叫我幫手請人，坦白講我待慢咗佢，因為自己根本不在狀態，畀個衰客影響咗情緒同埋呢段時間嘅工作能力，仲未計夜媽媽要覆電話、email、whatsapp，搞到我冇覺好瞓，眼袋同眼紋出晒嚟，好在MIOGGI MediCentre有個「微晶眼袋槍」免費體驗，咪以為淨係女仔先用得，只要你有一個唔知自己想要乜，但又多多要求嘅老細，又或者好似我咁，遇著個五時花六時變嘅客，你都可以經以下連結立即登記，先幫你KO眼袋問題，再諗下點KO埋你個客同老細，唔好嘥咗個offer︰
https://bit.ly/2TXFctV
最後個客點收科？我真係唔知呀！唯有暫時擺埋一邊，我怕未搵到人之前已經畀佢玩謝，唔想個眼袋大到嚇親人，更加唔想因小失大冇埋其他生意，希望佢唔好再典嚟典去啦，大家都係搵食啫，唔使互相折磨嘅。
