long d 情侶 活動的八卦，Yahoo名人娛樂都在討論

【 #他們的愛情故事 - 小夫婦肖像畫分隔125年後重聚！】

喺以前未有相機嘅年代，要記錄一個人嘅故事全靠肖像畫，就連當時嘅結婚相都係靠畫家一手一腳畫出嚟，普遍都會分開畫新郎新娘，再將兩人嘅肖像合二為一，就有小情人互相對望嘅效果！
.
而喺1539年，就有一對德國夫婦Jakob同Elizabeth請畫家畫咗一對肖像畫，畫作一直掛喺兩人同後代嘅屋企350年，姐係兩人足足對望咗三個半世紀！直到1896年呢兩幅畫作畀人攞咗去拍賣，仲莫名其妙咁（有指係因為想賣到更多錢）分開咗，Jakob嗰幅被賣到英國，而未婚妻嗰幅就輾轉去到荷蘭國立博物館。原本係好甜蜜嘅一對肖像畫分隔異地，連一對戀人都被逼 「Long D」咗125年，好鬼唏噓～
.
好彩荷蘭博物館嘅團隊一直都無放棄幫Elizabeth搵返老公，因為專家從佢攞住樹枝推測呢張應該係佢用嚟定情嘅肖像畫，而呢幅畫應該係有另一半（唔好問我點解樹枝代表準備結婚，小編都唔知...）。總之花咗好大努力，團隊發現英國拍賣會上Jakob嘅肖像不論背景顏色、衣著都同Elizabeth嗰幅非常相似！兩人領口同腰帶花紋一模一樣、馬甲款式相同、袖口一樣都係暗紅色，就連戒指都係同款唔同色，細節可以話係perfect match！由此終於飄洋過海搵返Elizabeth未婚夫，兩幅畫目前一齊喺荷蘭博物館展出，一對戀人又可以繼續互望多幾個幾個世紀，大團圓結局，今次你兩個記得拖實大家喇！
.
呢個故事浪漫到我都想唱返隻歌 「想見你，只想見你，未來過去，我只想見你～穿越了千個萬個時間線裡，人海裡相依～～」，如果現代結婚相都可以保存幾個世紀就好！
.
#兜兜轉轉再度重遇你 #無見100年 #你成個人瘦晒喇 #今次唔好再走失喇 #畫 #香港 #結婚 #婚紗相 #戀愛 #放閃 #情侶 #愛 #愛情 #愛情語錄 #女朋友 #男朋友 #女生 #男生 #拍拖 #拍拖活動 #復古 #荷蘭
.
即like 港式情侶 HKstyleCouple 緊貼更多港式愛情生活資訊❤️！
IG : https://instagram.com/hkstylecouple
歡迎Dm投稿戀愛趣事，我哋等緊你㗎😙！

網上面見到一篇叫”有了女朋友才知道的事” 嘅Share Post，第一眼睇落覺得係搞笑輕鬆嘅分享，但係睇晒成篇又會發現原來係一個幾窩心，幾觸動到我嘅分享。

20個”有了女朋友才知道的事” 入面，有啲睇落真係好似喺度抱怨緊對方，但係或者，愛情就係咁樣，互相抱怨、互相遷就、互相依賴、互相生氣、互相討厭、互相需要；
只要夠愛，
你就會想盡辦法將一切唔work嘅嘢變成work，
當然啦，如果盡力試過，然後都唔work嘅話，放手可能都係一種愛嘅表現。

Post呢篇原文嘅主角係一對long d嘅情侶入面嘅男仔，好多人都會話long d好容易分手，
當中存在著信任嘅問題啦，
喺第二個地方可能會有唔同嘅體會改變咗價值觀啦，
甚至係時差嘅問題令到大家好疲累啦，
又或者係有另外個人出現填補所謂嘅空虛⋯⋯
其實我自己同港男友嘅關係入面，都有3年幾4年嘅long d時間出現過，但係慶幸嘅係我哋完全冇發生過任何唔好嘅事；
反而身邊有好多朋友係幾乎日日見嘅情侶，
但係都係分手收場。
我成日都會諗，其實long d係咪一個只係分手嘅藉口呢？
可能講到尾，會選擇分手都係講你夠唔夠愛，
夠唔夠渴望想一直同呢個人一路走落去，
所以距離可能未必真係咁重要，
嗯，唔知你哋有點諗呢？
有人話過距離可以產生美感，
唔知呢樣嘢算唔算可以apply落去long d度，
不如留言分享吓一啲浪long d嘅心得丫，
又或者分享吓有咗女朋友你先知道嘅事:)

------------------------------

原文：https://www.dcard.tw/f/relationship/p/233804674

有了女朋友才知道的事
感情 6月4日 01:11

1. 原來女生抱起來這麼軟

2. 一起睡很容易壓到她的頭髮

3. 第一次覺得笨的人很可愛

4. 22年來第一次被罵笨蛋，但感覺不錯

5. 為什麼洗澡的水這麼燙？

6. 原來我這麼容易吃醋阿

7. 惹她生氣＞卑微求原諒，一直重複，不怕死的話 很好玩

8. 不知道為什麼別人看她我會不爽

9. 原來女生在家不穿內衣

10. 零食跟泡麵這麼好吃嗎？

11. 不吃=餵我吃，不買=快下單，不餓=幫我決定

12. 生理期真的太可怕了(讓她很不舒服)

13. 體驗到很無助是什麼感覺

14. 原來眼淚可以用飆的

15. 不要跟她講道理，先哄再說

16. 比想像中還要色⋯

17. 擁抱比做愛更讓人想念

18. 身上有一個我總是聞不夠的香味

19. 女生比數學還難懂

20. 原來外表開朗的她 內心是如此脆弱

還有男同胞要提供的嗎😂

—

突然想發這篇文，是因為從來沒想過會這麼愛一個人，有些看起來像在抱怨，其實都是因為夠愛的資本能讓她對我撒野。

現在是早上十點，妳那裡是凌晨一點，一定是睡翻了，打呼聲應該也很大吧。

好想越過海洋去抱抱妳呀。
晚安，我的寶貝。
—
啊
更新一下：
我們已經五年了，說是熱戀期嗎？也可以，畢竟這種模式說實在我真的不會膩哈哈

也有人覺得我這樣會把她寵成公主，並不然。

我所說的都是我對她的好，她對我的好大家沒看到而已。

遠距離的我們，很常都是她配合我的時間，她不但不會嫌麻煩反而很體諒我學業繁重。

她包容我不愛過節日的習慣，所以我忘記很多節日她也不會抱怨(後來基本只過彼此生日)。

她很信任我，每次的無理取鬧都只因為我們都覺得好笑好玩。

第三點說到她笨，剛開始確實⋯不太聰明，還有點傻，可是她其實有內涵又有趣。

最重要的是我們都為了對方變得更好。

------------------------------
.
.
#有了對方才知道的事 #愛 #愛情 #愛情語錄 #女朋友 #男朋友 #女生 #男生 #兩性 #兩性關係 #拍拖 #拍拖活動 #love #lovequotes #girlfriend #boyfriend #relationshipgoals
.
.
記得Like 港式情侶 HKstyleCouple ，多多支持，多多指教！
.
.
| 追蹤我們・FOLLOW US |
1/ FACEBOOK - 港式情侶 HKstyleCouple
2/ INSTAGRAM - https://www.instagram.com/hkstylecouple

【 #港式戀愛日常 - 盤點10個Long D苦與樂！ 】

相信呢排唔少情侶都留喺屋企無拍拖，一來夜晚無堂食，二來又驚出街瀨嘢中肺炎～ 唔少fd子都同我呻話無得見好辛苦，又話剩係WhatsApp反而鬧多咗交，咁我就問佢幾日無見喇，點知佢答我一個禮拜...
.
作為一個Long D過來人，我即刻冷笑咗一聲，7日都好攞出嚟講！當年因為去外國讀書同另一半Long D咗4年，先係真正打大佬（仲要因為無乜錢，所以一年剩係得暑假返嚟一次）。自己喺外地掛住佢嗰陣都剩係可以睇返啲相，佢唔開心雖然好想攬住佢，但只可以隔住個mon安慰佢，有時佢WhatsApp好耐無覆，但喺IG見到佢出咗去玩，個種心酸真係，而家諗返都有啲sad～
.
不過就幸福在特別珍惜同佢相處嘅時間，仲會偷偷寄嘢畀驚喜佢（然後又忍唔住叫佢check信箱...）Long D有甜有苦，不過慶幸我哋都捱過咗！今年因為疫情，好似好多異地戀情侶就算暑假都無得見。但啲人成日話咩，Long D你哋都得，將來就無嘢難到你哋，希望所有異地戀最終都可以修成正果啦～
.
#Longd過就明 #Facetime會cap低佢醜態 #一齊睇同一套戲 #異地戀 #戀愛 #longd #肺炎 #疫情 #情侶 #愛 #愛情 #愛情語錄 #女朋友 #男朋友 #女生 #男生 #拍拖 #拍拖活動
.
即like 港式情侶 HKstyleCouple 緊貼更多港式愛情生活資訊❤️！
IG : https://instagram.com/hkstylecouple
歡迎Dm投稿戀愛趣事，我哋等緊你㗎😙！