【主席好識歎！梁君彥坐靚車公帑埋單】
一年一度嘅財委會問題今日開始出爐，究竟我哋啲公帑洗咗喺邊？
原來其中一筆就係俾「0票當選」嘅立法會主席梁君彥換車。佢以立法會主席座駕（立法會車輛 LC1）嘅名義，買咗部凌志（Lexus）出產嘅LS500 Executive豪華房車，據明報車網介紹，車內設有「老闆椅」加Shiatsu（日式指壓）熱力按摩座墊，講到「連大腿底部均可全面感受」。嘩！唔通「0票主席」梁君彥個人有啲特別需要？唔係嘅話，點解用公帑出錢買部按摩大腿底部嘅座駕畀佢咁歎呢？
宜家LS500 Executive街價賣成140萬，而立法會行管會上年度只係預留咗90萬去「更換立法會車輛 LC1」，即係除非今次車廠大賤賣呢部最新車款畀尊貴嘅主席啦，否則，行管會好大機會要「超支」55%去買新車。
主席買車之豪，簡直力創新高。上一架主席座駕Lexus GS450h，用咗近9年，售價都只是65萬，實在唔明點解要花多足足一倍錢去買新車。仲要明明同系列有較平嘅型號，市價115萬，點解偏偏要揀一架超支更多嘅型號呢？行管會嘅批錢標準何在？
成件事突顯咗公帑運用嘅荒謬，梁君彥只不過係功能組別下自動當選嘅產物，平時都係主持會議多，外訪活動次數有限，而主要活動範圍係立法會大樓，究竟佢有咩理財新哲學，需要洗成近百萬納稅人公帑，去添置一架連埋按摩座墊嘅專車？唔通納稅人嘅血汗錢，都唔及主席尊貴嘅大腿底部？
[4月4日補充] 感謝傳媒追問跟進，立法會秘書處今天再補充資料，指秘書處購買車輛不需繳付首次汽車登記稅，故購車費用與一般街價有別，是次花費實為71萬元，未有超過原本的90萬元預算。就本帖文中指其「可能超支」，本研社確有能再謹慎之處，因政府以外的公務車輛是否可獲豁免汽車首次登記稅，缺乏公開資料，特首有權豁免繳稅亦非必然，我們當時只能以有限資料判斷。而秘書處在財委會答覆中未有披露實付金額，要待傳媒追問才擠牙膏式回應，在公開公帑的運用方式上，並不理想。
我們認為，公職人員使用公帑執行職務，應以節儉為原則，採購物資在足以順利執行工作的前題下，便應盡量選擇簡樸基本的配備。由於是次採購的凌志車款，在同系列產品中亦有更便宜的選擇，預算90萬元亦大幅高於過往購車的開支(56.8萬)，故此提出本帖文的質疑。
參考資料：
立法會特別財委會審核二零一九至二零年度開支預算
管制人員的答覆 立法會秘書處秘書長 答覆編號LC001
http://bit.ly/2Ueu1Rz
Lexus Price List（2019年1月9日）。取自：
https://www.lexus.com.hk/…/Lexuspricelist-20190313_revised.…
預覽新世代Lexus LS 東瀛豪傑（2018年2月27日）。明報。取自：
http://car.mingpao.com/cfm/insa4.cfm…
Lexus GS450h 大馬力都識慳（2009年8月6日）。太陽報。取自：
http://the-sun.on.cc/cnt/lifestyle/20090806/00491_001.html
⚔️ 不再亂用公帑 請支持民間土地研究
https://liber-research.com/research-category/land-supply/
💪 了解更多: http://liber-research.com/about-us
lexus gs450h 在 Lexus GS450H分享 - Mobile01 的八卦
Lexus GS450H 分享 為了不影響擋風玻璃視線，所以Tag在眼睛上. Lexus GS450H分享 膠膜捨不得撕~先到鎮瀾宮安車囉! Lexus GS450H分享 ... <看更多>