娛樂圈最近好興做護旗手，有冇邊個衝出嚟話愛國之後，令到你打從心底裡覺得好失望？
我相信有部分藝人真係被迫嘅，你睇佢哋啲愛國聲明千篇一律copy and paste都知咩事啦！搵食艱難吖嘛，我明嘅，莫講話明星衣食住行樣樣都貴，樣樣都要夠派頭，冇錢絕對過唔到生活，其實就連我headhunt公司啲同事，有部分都要打愛國牌去撈生意。
話說我公司條國企team就係獨大嘅，咁其他team有個別同事可能生意唔係咁好，唔夠單唔夠position又唔夠客，真係會放低尊嚴去同國企team合作，去搵國企team同事R啲Job返嚟，有時仲要去陪飲陪食逢show必到。有國企team同事生日嗰陣，仲會主動去買蛋糕兼拉大隊唱生日歌，普通職場都有呢種情況，咁你話某啲藝人拍廣告拍劇登台下下講緊六位數至七位數，有咩辦法唔跪低？
總有啲人係唔賣帳，咁就睇下你對錢嘅追求同埋負擔有幾重，我係夠食就得，唔使同人借同人乞就ok。曾經問過一位長期要傍實國企team嘅同事，想知佢點解要日日陪食飯陪笑，佢答我因為要供樓，背後都同我係咁鬧國企team嗰幾位國內人。
美國一位籃球教練Gregg Popovich最近講咗一番說話：
Someone hugs a flag doesn't mean they're patriotic. 擁抱國旗嘅人，其實唔代表佢真心愛國。
有好多人做嘢其實都有目的，嗰條仔媾嗰條女係因為想ons，上床之前咪對你好囉；嗰條女姣嗰條仔係因為對方有錢，有手袋咪有真愛囉！正常如我同埋你，都一定好怕有目的嘅人，因為你知道佢唔係真心，偏偏我公司條國企team就唔介意，你肯表明立場做護旗手，你肯放低尊嚴做哈巴狗，國家大門一定為你打開，娛樂圈嘅道理係一樣，收錢去撐警嗰班大媽都一樣，分別只係唔同階層就畀唔同嘅利益，大邏輯冇變。
我就唔會接受呢啲人做朋友或者結盟，可以為利益去出賣自己，人格好極有限。擁抱國旗都唔係真心愛國嗰班人，香港唔要喇，多謝上面肯接收晒，仲幫我哋出錢買咗塊照妖鏡。
BTW，真心多謝演藝界仲有一班清泉願意發聲，喺佢哋嗰行絕對唔容易，香港人一定要好好支持。
Photo credit：Thomas Lott
lott 在 Pixie Lott - YouTube 的八卦
Listen to Pixie Lott's new acoustic track 'Fake' here: ... Choreographed by Ricky Jinks Follow Pixie Lott: Instagram: www.instagram.com/pixielott/ Facebook: ... ... <看更多>