同事調咗嚟國企team，我真係恭喜你呀！不過惡做還惡做，畀心機都會開到單嘅，只係見佢日日最早返工，晚晚最遲收工，暫時都仲係食白果。
「喂，陳生，你好呀，關於噚晚同你講嗰個position，你諗諗啦！其實上海返香港好近啫，幾個鐘頭飛機，講真呢份人工高咗咁多，你個個星期返香港陪屋企人都得啦！再諗諗吖！」
完全明白了，唔怪得開唔到單，根本就係錯晒！先唔計個個星期飛轉來回呢個咁膚淺又冇腦嘅提議，淨係講經驗同數據，佢已經好唔了解職場生態。
我有好多求職者都抗拒返國內工作，因為有一樣嘢好現實，通常你搵得一個candidate駐海外，對方都唔會係junior，不過稍為senior嘅人，好大機會已經有家庭，要離開老婆仔女咁遠，當然有佢哋嘅顧慮啦！個人試過有candidate本身份工駐佛山，不過佢嘅囝囝準備讀幼稚園，所以本身拎緊55,000人工，都寧願返香港做一份42,000嘅工作，唔係嫌錢腥，係每個人都有唔同嘅需求。
我同事好努力，不過就用錯力，諗清楚點解有啲公司要搵我哋headhunt請人，你覺得佢哋真係錢多得滯要畀啲我哋使？一定唔係啦！因為佢哋搵唔到人吖嘛，咁點解搵唔到呀？咪就係僱主同求職者之間嘅要求唔掛鈎囉！你想請個人有ABCD幾項技能，係有呀！不過呢班人才就想有EFG嘅福利，大家都唔啱channel，自然就有緣無份。所以In House HR又好，Headhunter都好，一定要先了解各行各業生態，仲有唔同階層人士嘅心態，咁先可以對號入座請啱人。
jobsDB你一定有用過啦，請人嘅一定出過稿，搵工嘅一定上去睇過，但唔好純粹睇啲job ad，當中有好多功能，文章，仲有報告都好值得參考同借鏡。佢哋早前就進行咗一項名為「引才法則」嘅調查，包含咗近6000位嚟自20個行業嘅打工仔心聲，你可以從中睇到唔同範疇同埋年齡層嘅求職者需要，取向，仲有訴求，例如我同事叫唔郁個求職者去上海工作，其實「引才法則」已經列出咗有逾三成人 (30.7%) 會因聘用職位需要經常出差公幹而放棄任職，甚至有超過一半人唔會接受被派駐到包括大灣區在內嘅南中國地區 (52.4%)， 或者南中國以外其他大陸商業城市 (55.2%)，另外有32.1%唔想take overseas嘅offer。
咁樣係咪代表逢親要overseas或者返國內嘅job可以自動棄權呢？你又吹佢唔漲喎！「引才法則」嘅調查又指出，原來Z世代，即係千禧年呢代嘅人其實唔多介意，甚至願意去大灣區工作。坦白講，你亂棍打我都唔肯去大灣區㗎喇，真係貪佢有得食魚生咩？咁點解Z世代唔介意呢？個人覺得香港百物騰貴，買層樓就綁死你一世，以前我哋成日話百萬富翁，而家有一百萬係鬼富翁咩！轉唔到身嘅納米樓都三、四百萬啦！咁你叫班新生代用咩心態去工作？
就當你好有大志想去外地發展甚至移民一了百了，其實都唔係咁容易，雖然好多國家嘅政府都手緊，以致好歡迎移民，只係好似日本呢啲地方，佢畀你嚟，唔等於佢會亂咁嚟，要求一樣好嚴格，而台灣亦隨時會將投資移民嘅金額門檻提升，由150萬港幣上調到250萬港幣，Z世代冇充裕資金，喺職場上又未奠定一席位，孑然一身冇家庭負擔，肯去大灣區尋求出路都可以理解嘅。
喺呢個「引才法則」當中，我哋仲可以了解到打工仔點樣看待OT、輪更、work life balance、假期、福利，同埋工作地區等等，甚至有唔同行業對interview pattern嘅喜好同埋意見，總之簡單易睇，聽我講不如你親手click，去下面個連結就一目了然。
https://hk.jobsdb.com/en-…/cms/employer/laws-of-attraction/…
jobsdb employer 在 JobsDB: 尋找你的#JobsThatMatter - YouTube 的八卦
冇錯，返工從來都係為錢，縱使換來嘅係滿腔苦水、無奈同妥協，但總覺得只要搵多啲錢，生活就會變得更好。不過今時今日，社會同前景充滿變數， ... ... <看更多>