除了想去公園，Bat Bat最常嚷著要食自助餐🍽 最近疫情緩和，自助餐開番優惠多多，我哋就帶Bat Bat食buffet 滿足吓佢啦～
揀咗尖沙咀嘅皇家太平洋酒店，除咗抵食好食，順便拎月餅呀☺️ 呢度食buffet都幾放心，門口有部【消毒 x 測溫機】伸手出來探熱、酒精自動跌落你手🙌🏻 探熱搓手一take 過，冇人可以唔搓手就行入嚟😁 場內全部食物都封住晒，由職員幫手夾落碟，防疫措施做足‼️
#Buffet好食咗😋👍
我最鍾意食嘅海鮮，如長腳蟹🦀、海蝦🦐、青口等選擇仍然係同平時一樣咁豐富，Bat爸最鍾意嘅刺身質素亦一如既往咁好😄👍同埋我同老公都覺得今次buffet 比以前係更加好食咗。
不過buffet咁多嘢食，好難每樣都食得晒，大家睇吓我推介嘅必食菜式啦😋
🔸花膠日本精選花菇燉雞湯
🔸日式料理：鮑魚壽司、軟殼蟹天婦羅
🔸 烤肉：法式香草牛油燒波士頓龍蝦🦞、寶雲酥羊架、扒德國紐倫堡腸及扒加拿大豬扒
今次嘅甜品🍰係我覺得最驚喜嘅，因為除咗有Bat Bat 大愛嘅Mövenpick 雪糕🍨同窩夫🧇，仲有我之前去澳洲旅行食過而一直懷念嘅味道... 🍉西瓜士多啤梨蛋糕🍓、🍫朱古力脆皮原條香蕉🍌
#點BOOK先最抵呢❓
✳️最少一天前喺官網預訂週末自助早午餐或自助晚餐並繳付全費，就可以尊享高達6折優惠，折後成人低至$364.8，小童$220.8，須加一服務費。
🌟如果好似我咁係生日之星🥳，仲有額外禮遇嘅免費生日蛋糕㗎🎂
🚗滿$400有2小時免費泊車，詳情可參閱網站
#Buffet網上訂座
https://dining.royalpacific.com.hk/tc/2020-cafe-on-the-park-generic-dining/
#住宿送自助餐仲抵‼️
不過，其實staycation 一晚都係$1000左右，已包2位自助餐，仲抵呀😝👍
https://bit.ly/2EvSmvx
#特別嘅月餅🥮
送俾最錫我嘅奶奶🥰 (連她女兒都嫉妒的😝）我揀咗送皇家太平洋酒店嘅月餅，繁花主題嘅包裝有種雍容典雅嘅感覺，經典嘅雙黃白蓮蓉月餅係佢嘅最愛。其實酒店仲有 #馥郁系列 有六個迷你月餅，包括斑蘭、奶黃、薑汁蓮蓉蛋黃，都幾特別㗎。
月餅優惠：https://bit.ly/3mMWKrz
Royal Pacific Hotel 皇家太平洋酒店
#hkbuffet #hkstaycation #自助餐 #酒店住宿
