【on.cc東網專訊】28.04.2016 歌手泳兒（Vincy）過去兩年做了兩張HiFi發燒碟，雖然銷量成績理想，但因發燒碟市場有個慣性，通常以翻唱作品較受歡迎，所以有不少樂迷都曾向Vincy反映已有兩年沒有聽過她的全新歌曲。為順應民意，在開始籌備第三張HiFi專輯時，泳兒跟公司想了一個兩全其美的方法，就是在全新專輯《鏡像》內，收錄5首翻唱作品，同時追加多3首全新歌曲及一首劇集主題曲，全碟貫徹地以靚聲專輯模式製作，讓樂迷既有新歌、也有翻唱作品可聽。
重拾初出道感覺
泳兒坦言兩年沒有推出新歌，所以今次特別緊張，三首新歌均是嚴挑細選，她說：「入行一段時間，曾經迷失喺不斷錄新歌出新碟嘅模式裏，令我覺得好攰，冇咩衝擊。有時監製問我下張碟想試啲咩曲風？我自己都答唔出嚟，但經過兩年沉澱後，今次喺籌備新歌期間，我好似重拾初出道時，錄第一張專輯嘅興奮，有好多意見，好多感受想放喺歌裏面，強烈覺得自己對灌錄新歌多咗份渴求，好希望將兩年嚟製作發燒碟嘅經驗同知識，運用喺其中，為大家帶來新鮮感。」
鏡面keep住凍
今次碟名《鏡像》以及封套設計，靈感沿自主打歌《四不像》，因為題材抽象，講述改變自己去迎合另一半，於是借照鏡時的倒影做引子，隱喻旁人眼中的你，與自己的真實原貌，往往有所距離。所以拍攝封套時，現場預先準備多塊鏡，讓泳兒時而抱在手裏或躺於上面，她說：「其實鏡面拎上手都幾重，不過感覺好特別，因為嘗試咗好多第一次，第一次照鏡同自己做對手戲，又因為鏡面keep住好凍，第一次喺夏天拍攝時仲用暖包，今次拍攝份外花精力！」
告別金髮
工作人員見狀，即趁空檔大講都市傳說此類怪異故事，好讓泳兒可以自己嚇自己，靠嚇驅走倦容，可惜泳兒不領情，並笑住喊停：「我只會愈聽愈凍！」為了令拍攝更具新鮮感，泳兒告別金髮造型，事前特意用上8小時改變髮色，還首嘗以投影方式，打造不同星空背景，當光線散落於全白色服裝上，效果非常夢幻，泳兒對成品好滿意，並打趣道：「最難決擇係封面，依家面世嘅封面硬照，我有擔心過個樣太囂張，不過經過一番游說，我接受咗佢係一輯靚嘅高傲相啦！」
