真人真事，大約一年前，我幫個客請司機，對方問我拎求職者張相，咁我就轉達訊息啦！求職者send咗張生活照嚟，只見佢打war game揸住支槍，我明白係好型，但個客唔明呢，有冇正經見工相呀大佬？
有人問過我，請司機真係要CV？真係要見工相？如果有headhunt行家喺度應該會明，apply司機嘅求職者一般會口述或手寫，但我哋就要執靚佢打一份畀個客，冇可能就咁同大公司HR用口講，而呢個position日日對住老闆，要拎張相都理解嘅。
我有位女同事話呢單小巫見大巫，佢好耐之前處理過一份秘書job，永遠記得其中一份CV，個求職者擺咗三點式泳衣相。
「太誇張啩，真係有呢啲CV？」
同事：「當時都研究咗好耐，究竟係乜嘢原因先會導致一個人用三點式做見工相呢？係玩嘢吖？定係send錯呢？」
「咁係咩原因？」
同事：「我冇打去呀，秘書份工都收到好多CV，揀咗其他求職者。」
可能有其他headhunter或者HR遇過更加光怪陸離嘅case，但我好想同各位求職者講，特別係準備搵工投入職場嘅畢業生，影見工相或者第一次去見工，衣著莊重同恰當係十分重要，永遠記得一樣嘢～～～對方出一隻招聘廣告，一個朝早或者一日可以收到幾十份CV，有啲工種更加會有100份以上，我唔否認張相古靈精怪會容易記得你，但唔代表對方會揀你。
我同事呢個例子就係社會縮影，好多人見到張相唔夠得體已經即時close咗你份CV，再click開另外一份，因為佢都好多嘢做，本身又唔識你，唔願意花時間去了解係好正常，每個人嘅生活同工作都太忙喇。點解我要特別提示fresh grad嘅朋友仔？因為職場新人一般喺經驗上冇咩可以比較，去見工時就變咗以談吐，衣著，同埋整體感覺去分高下。你要理解職場上唔係個個都好玩得，就算interviewer或者line manager係好funny嘅人，第一次見面都唔會輕易表現出嚟，佢都要顧住公司形象，而求職者亦需要打造一個專業形象，並且要傳達一個訊息就係由內至外都準備好投入工作。
另外有兩點都要留意，你上咗去見工，有時唔係得一round interview，好多時都係HR見你先，第二round先見line manager或者老闆，有時就見完你之後再要見多幾個人先會返轉頭揀你，人人都有眼耳口鼻，要對方留低好印象，仲要記得你，衣著大方同恰當係好重要，專業見工相更加唔可以忽視。
最近 G2000HK希望幫職場新鮮人見工加油，即日起至4月21日購買任何套裝可免費獲贈價值$500專業見工相攝影服務，用有效指定香港大專院校學生證登記成為G2000會員，更即享正價貨品8折、套裝9折優惠；購買領帶同時可享$100折扣！一句到尾，執好個Look，唔好令自己喺茫茫履歷同埋求職者當中被淹沒。
#G2000HK #搵工一拍職合
fresh grad 招聘 在 #freshgrad - YouTube 的八卦
Fresh Grad VS Students (Covid19 version) #ccovid19 #freshgrad #students ... 搵工必睇! 透過招聘中介公司搵工嘅陷阱(有字幕) | 超詳細拆解HR Agency古惑招. ... <看更多>