// 心 好 累。
岩岩做完班中東機，未起飛就有大媽A叫我托行李，我話一齊啦到放既時候又彈簧手。又一個大媽B攤曬啲藥出黎迫走隔一個位既客，話唔舒服要訓平。
上到機啲人真係可以好撚自私，對你黎講重對我就唔重？自己最重要空姐整親就無所謂？去玩又唔會唔舒服，仲食兩個entree，要訓平就迫走人？
收餐既時候，第一行啲客放曬D tray喺地下，我嗰邊係一對抱B既父母，同佢地講完唔好放喺地後幫佢地收左，點知害左隔離同事；同事叫佢麻煩遞一遞，個大陸佬就發爛渣唔制，話點解你同事（我）幫佢地執，你唔肯？ 仲開始大聲，「你想要你自己撿！撿呀！我就是要你撿！」我即刻出聲話因爲我呢邊對乘客抱住BB彎唔到腰，條仆街就繼續發癲，解釋完會kick親人、我地比你既時候唔係放地下、你咁樣阻到隔離個客blah blah blah之後，都係唔肯，嗰副咀臉，真係好撚肉酸。
到香港時間凌晨點幾鐘，終於可以食我既晚餐，突然間一堆人走入黎話有人無左知覺，衝出去見到佢成面嘔吐物，青曬塊面嗌極都唔應，即刻打比大家姐。再衝出去，佢講到野話抖唔到氣，又狗衝去拎氧氣筒、幫佢除左充滿嘔吐物既絲巾同解頸喉鈕，度脈搏breathing rate⋯
到量完體溫問完病歷打完電話、個客又好啲既時候，休息時間已經過左一半，終於有得坐下，發覺腳指酸到乜咁，原來我頭先跑黎跑去絲襪都穿埋窿。已經凌晨三點，好攰好透支，但已經訓唔著。
而大媽B入黎投訴，話點解要relocate兩個客坐佢隔離，話佢都病，好需要訓平⋯⋯ landing既時候坐喺crew seat，突然間好想喊。諗起頭先用氧氣筒，好清楚自己要check hi flow outlet，要扭到盡，indicator要轉色；又諗起個大陸佬掉個tray喺地下呼喝我地彎腰執，又諗起有醫療事故而旁人仲係要飲可樂要投訴既嘴臉。
其實有時唔係話要全世界歌頌我地有幾偉大，體諒我地有幾辛苦，我淨係想我地有番應有既尊重咋。我從來未見過有一個行業咁受偏頗。 「空中侍應」「又係空姐呻，咁辛苦又要做」「番工咪又係去玩」「成班無腦花瓶」「同啲機師好淫亂架」「以為自己好靚」「飛雞」⋯⋯ 機內機外見盡人性醜惡，我嗰下只係覺得心好累。
去到落機，嗰位暈左既乘客紅粉緋緋咁笑住講多謝say byebye，都覺得起碼自己今日做左件好事，開心番啲。仆街客閪人閪事，訓個覺就唔記得左佢把啦。
🚬
entree 在 職場撂英文餐廳篇04 Ordering Main Entree點主菜 的八卦
... <看更多>