之前, 無線重播周杰倫果套<不能說的秘密>.
我之前未睇過, 但電影的歌很好聽, 吸引我繼續睇落去.
睇下睇下, 同自己講:
'男人, 原來彈琴彈得叻, 真係幾型下!'
自問本身無咩音樂素養, 最叻不過係小學時學過下木童笛咁大把!
但後來又放棄左.
因為, 每次我吹完支笛, 貪得意自己聞番時, 都覺得D口水味好X臭!
有一次, 老師安排我地成班人在台上演出, 我企係後掛高D果行.
表演期間, 我一路吹木童笛, 一路D口水係管尾流出, 滴落企係我前排既同學個頭頂.
佢成個頭濕晒, 不停用手抹, 事後仲以為係自己表演期間太緊張標汗所致!
到左中學, 仲係無咩音樂細胞, 但又覺得想搵樣易學既野學下.
曾經諗過不如學三角鐵算鬼數, 但又覺得叻極都係搵支野係鐵中喪轉喪敲, 無咩前途, 無理由同人講我三角鐵演奏級掛!
有一日, 行裕華國貨(問你死未, 細細個D氣質已經攪成咁), 經過樂器部.
見到有幾副木結他, 國產貨200蚊咋, 覺得平, 有D興趣.
但比較下隔離果D口琴呀, 三角鐵, 又覺得好貴.
我猶猶疑疑, 呢個時候, 有個女售貨員走埋黎勒.
佢問我: '有咩幫到你呀?'
我正想離開, 話睇下先, 但佢又話:
'先生, 不如買副結他玩下啦!'
十幾歲既嚫仔, 第一次俾人稱呼為'先生', 心中大樂!
突然覺得佢好好人, 好識睇人, 好想同佢傾計, 可見呢個阿姐SALES好掂.
佢見我傻笑, 中POINT, 於是加強力度, 說:
'你咁高大, , 識彈埋結他, 仲有氣質呀!'
聽到呢度, 我簡直想呻吟!
'仲有呀, 識彈結他, 好受女仔歡迎架!'
頂, 你叫我點頂?
'溝死女'三個字, 迅速在我的腦海浮現;
緊接著是一個 ' = ' 符號;
最後是我的名字--'張欣欣'!
黃毛小子完全栽在老江湖婆娘SALES手上, 徹底完敗!
第一晚, 拎住結他喪玩左一個鐘.
晚上, 夢見自己坐係草地上, 彈住結他唱著歌;
以我為中心, 一班女孩圍圈住我, 個樣好冧咁陶醉係我既演奏中......
第二晚, 我玩左五分鐘 覺得手指痛!
晚上, 夢見自己既手指流血......
第三晚, 我玩番任天堂!
保養雙手------直到今天!
d的秘密 在 [心得] 最新話，有關D的秘密- one_piece | PTT動漫區 的八卦
D 一族的秘密3.古代兵器空白的100年之後等結局時尾田怎麼說而「D一族的祕密」就是以笑的方式死去，會投胎到D一族身上而古代兵器就是能使四海歸一的力量 ... ... <看更多>