唔係想抽水，認真嘅，著西裝係要學，唔係一味名牌就係好（好多成萬蚊嘅名牌都係 fused jacket），貴亦唔一定著得你似太子。個人認為身裁當然重要，但身裁「唔太衰」，只要識著，一樣可以著得好得體。
好似圖中呢件 casual blazer ，係bespoke 嘅，襯唔打呔恤衫或有冇 collar 嘅Polo都得（一定唔可以反領是常識）。重點同所有suit 一樣，大家要留意膊頭，唔可以太大，亦不能太緊，尤其是我哋啲手臂大嘅麻甩佬，切忌搵套窄嘅返嚟突顯肌肉，效果會非常之唔大方。
一件合身嘅西裝，喺雙手垂低嘅放鬆情況下，線條應該自然向下，扣咗鈕，腰線稍稍隱現，唔應該當緊身衣咁著。同一道理，亦唔好著緊身褲，腰圍合適，大腿小腿舒服，有break與冇break，視乎整體配搭和穿甚麼鞋，現在的人普遍流行 no break or slight break，只要唔好過分短，其實冇所謂。
至於 formal suit 甚至 dress suit ，配襯要非常之留心。一件靚嘅恤衫非常之重要，適當長度，袖口要比外套突出半吋。記得著底衫，否則出曬汗就肉酸。
呔方面，一定要深色過件恤衫，否則一定變MK，領結下面輕輕做一個 dimple 是加分。個人好怕打幼呔，因為膊頭比較闊，幼呔非常不合比例，如果瘦削身型想打幼呔都可以，但要和外套的 lapel 的闊度配合。尤其是 peak lapel，真係唔可以襯幼呔。袋巾同領呔的圖案和顏色，其實好個人，你襯得起就得。
皮帶同皮鞋同色又係基本，襪就要新淨同合適，冇話紅色唔得，主要係要配合對鞋，同埋個人著得起。
一對保養良好的皮鞋是核心之中嘅核心，幾貴嘅西裝求其襯對皮鞋，是暴殄天物，罪大惡極。
記住記住，formal suit 的扣鈕方式，是扣上面，不扣下面。站立時扣鈕，坐下時解鈕，動作多多好似好麻煩姿整。其實，風度，就係要時刻注意言行舉止而得嚟。
blazer jacket 在 How To Style A Blazer Jacket As An Adult Man - YouTube 的八卦
Click https://bit.ly/439z848 and with my code RMRSTYLE at checkout, enjoy 15% OFF your Slick Collar order! Thank you Slick Collar for ... ... <看更多>