《從公司節日慶祝安排，預視本年自身職場運程》
年底做appraisal嘅時候，呀姐少不免批鬥我一番。做左幾年野，我明白忍無可忍，唯有從新再忍，我能屈能伸，任你再批鬥我，我都唔會發奮圖強嘅。呀姐最後講：「你仲可以做得好啲」，其實我知佢想講：「你仲可以OT 多啲架」。批鬥完我，呀姐又好似歐盟勸人緊縮開支咁，話今年經濟唔好，叫我有心理預備人工唔會加得多。我心諗，呢啲仆街公司，叫我做野個時就當我係Erwiana，講錢個時又當返我做一家人，要我共度時艱。
「今年有盈利預警…」
如果盈利預警係上聯，冚家富貴必定係下聯。你預測你將來賺少左，就決定現在唔分錢畀我，點解要用你嘅未來去剝削我嘅現在？點解唔拎賺左個舊錢分左先？你將來無得賺我再辭職囉。
唔使蘇民峰都知我來年無運行。Annual dinner 請嘅明星一年比一年un，由一線歌星，變新晉歌手，再來半紅不黑暗星，最後到熟口熟面名都講唔出七八線姐仔。
呀哥呀姐出email 通知大家由於經濟不景，勸大家唔好玩咁大，呀哥呀姐party sponsor 要縮水。我真係深深不忿，全年受佢地咁多氣，就係想年尾抽獎sponsor屈到佢地出血。搲sponsor不遂，抽獎禮物由第一年嘅iPhone，變Samsung，再變LG，最後窮到變小米。真係衰過抽Nokia復刻版。
咖啡機超市coupon細獎都無埋，變左公司送唔出嘅相架。同事A抽中都唔想要，好似招魂咁大叫：「有無人要呀？我送左畀佢，有無人要？」。我同同事A講：「你認命啦，你要返啦」，同事A話：「我唔用相架㗎，我屋企唯一一個相架就係鑲起我呀媽張遺照」。我真係頂你個肺，全場靜哂，你咁講完，搵鬼要個「死人相架」？
Party 中段悶悶地，我拎起個手機見到有新email，一click開：「你的『稅務易』帳戶信息」 ... 呀，我屌！
annual appraisal 在 Appraisal of What Performance? - Harvard Business Review 的相關結果
As it is customarily defined and used, performance appraisal focuses not on behavior but on outcomes of behavior. But even though the executive in the example ... ... <看更多>