讀者投稿《唔理人感受奶奶篇》
因為平時唔係同開奶奶一齊住既，但係大時大節或者邊日都會約好全部親戚一齊返去老公果邊屋企食飯，所以今日返左老公既屋企食飯。
但今日真係好唔開心，事源係咁既...
一返到去，我啊嫂（老公既哥哥既老婆）就係咁咳，咳到聲都沙左，啊嫂都有話佢病左。咁我地一家三口返去，我通常都唔會話抱實啊女唔俾其他人掂，今次仲帶左學行車返去俾佢行下，長輩又可以同佢玩下，咁返到去就放左佢係學行車自己行，俾佢玩一陣，而我就坐左係sofa望住佢。我女剛剛滿一歲，黎緊星期六（仲有4日）會去打一歲要打既針，咁我見啊嫂病到係咁咳，佢又哄到好近我女兒咁同佢玩同埋講野，我就話啊嫂病左啊，因為我都唔想太直接話佢，咁我就話bb黎緊打針，唔可以病啊，但佢聽到望左我一眼都照同我女玩，又咳完冇洗手掂我女隻手，我女1歲好鐘意食手，我已經即刻係學行車果度抱啊女過黎用bb消毒濕紙巾幫佢抹手。如是者咁我奶奶耐冇同個孫玩，抱下咁都正常，我奶奶同啊嫂係一齊住，佢抱抱下直接俾啊嫂抱，咁我見到當然話啊嫂病左啊，但我奶奶話：好少事，唔緊要既。之後直接俾我個女啊嫂，因為我奶奶咁講我啊嫂當然唔會理我，所以啊嫂都照抱仲同我女面貼面，當下我即刻黑晒面，之後啊嫂可能見我黑晒面，之後果日都冇同我講野。
果晚返到屋企啊女夜晚就有幾聲咳，咁我都諗可能係熱氣。到第二日，啊女發燒39度，開始咳嗽，我果刻真係覺得情緒好低落。
因為我係自己一個做全職媽媽湊女，平時都係我一個人湊，所以可能我奶奶唔明白我見到自己個女病我真係寧願病果個係自己，我自己病左我都要戴口罩湊小朋友，我亦都有禮貌提左佢地，但佢地都冇顧及我感受，我真係覺得好唔開心。我明白小朋友係會病亦唔抗拒，但唔希望大人明知病左仲故意傳染俾小朋友。
到而家，啊女半夜時不時會咳幾聲，我亦都要隔一陣起身睇下佢仲有冇發燒。
提外話：我奶奶衛生常識好差，我有幾次返去老公屋企食飯見到佢想將自己食到一半既野餵俾我女，好彩我即時制止，當時啊女剛開始食副食品，6個月大，但好多野都未食到同埋我老公有濕疹，所以我女既飲食我都特別小心。
另外，我老公都係唔太出聲話佢屋企人既，所以我只好自己出聲。有時真係有苦自己知...
＃我的極品四大長老
6個月bb 咳 在 兩個月BB 咳、六個月嬰兒咳嗽、2個月嬰兒感冒在PTT ... 的八卦
在兩個月BB 咳這個討論中，有超過5篇Ptt貼文，作者orange3也提到十個月的寶寶已經感冒兩個多禮拜換過三次藥，還是一直咳嗽嚴重，肺部感覺有深層的痰一直咳不出來，請問 ... ... <看更多>