《外圍搞咩？》
今晚我部手機俾人狂炸，飛卜又洗晒版，個個响樹話美債既孳息點點點，世界末日無喇無喇咁。講真，我真係唔想睬你地架喇，一來係因為我跑緊馬，如火如荼，二來係其實明知今晚兩點半，鮑威爾就會出黎講野。到時乜事都可以發生架啦，你依家睇個息升、睇個市跌，睇黎托咩！校定鬧鐘走去瞓覺把啦！
唉，可憐我天生就係一個好人，唔忍心大家咁笨實，就勉為其難為大家撩兩隻龜喇。你問點解議息既結果未出，但係個債息已經抽升？你知唔知呢個世界有一樣野叫做「施壓」？市場向鮑威爾施壓，用孳息引爆股市黎脅迫佢老人家大大力放水，有幾出奇？實情係華爾街使手段，同鮑威爾講：一陣醒醒定定。
跟住你又會問喇：鮑威爾不嬲都話唔加息、唔收水架啦，咁到底市場要佢講咩先滿意？拿，順便教下你睇新聞喇：一陣會後聲明既重點有三個，第一個係「銀行槓桿既寛限」會唔會延長；第二個係2023年加幾次息（佢話未來兩年唔加丫嘛）；最後係2023年既通脹預測。不同說法對個市既影響可以參考下圖。
响度補充一下咩叫做「銀行槓桿既寛限（SLR）」簡單黎講，商業銀行為左配合聯儲局既買債方案，一早已經唔知「資本充足率」為何物！佢地一有錢就揸債，而局方為左個煲唔爆，就賦予佢地呢個權力。但係如果局方唔延長呢個寬限，銀行就要即時沽債黎應對兩萬億既資本缺口，到時個債市就會爆到九彩！
綜括而言，大家真係唔洗响依家睇債市、睇美股，無用架！第九場就黎開跑，我都費事睬你地，bye～
👋🏽
#議息聲明前夕 #美債孳息急升
2023世界末日 在 [新聞]「神鬼先知」預言2023年7大災難！恐爆世界大戰 的八卦